Abuztuak 31: Historia ofiziala salatuz, 1813ko sarraskia gogoan Donostian
Iritsi da berriz ere abuztuak 31. Donostiarrentzat data beltza. Egun horretan orain 202 urte, 1813an hiria suntsitu, 1.600 pertsona inguru hil, hiriko ia emakume guztiak bortxatu eta lapurreta erraldoia egin zuten espainiarren aliatu ziren armada ingeles eta portugesek. Orain pare bat urte blog honetan idatzitako Donostiako suteak estalitako tragedia eta Donostiako tragedia 10 puntutan azalduta artikuluetan sarraskiaz informazio gehiago topatuko du interesa duenak.
Beste urte batez, Donostia Sutan 1813-2013 ekimena arduratu da memoria hori berreskuratu eta gertatutakoaren salaketa egiteaz. Batetik, errezital literario musikatua egin dute Antonio Casado da Rocha eta Fito Rodriguezek. Bideoa hemen.
Bestetik, Alde Zaharrean barrena antzerki mugikor batekin oroitu dute gertatua. Herritarrek setioa nola bizitu zuten berreraiki zuten, amaieran, herri epaiketa batekin oso modu pedagokikoan laburtzeko egun hartan ez zuela hiriak su hartu besterik gabe –historia ofizialak orain gutxi arte azaldu duen modu deshumanizatuan–, herritar xumeekin ikaragarrizko sarraskia egin zutela eta donostiarrak izan zirela biktima. Guztia Espainiako militar ohoratu Castaños eta Alavaren pasibitate konplizearekin.
Kartelak
2 Iruzkin
Trackbacks/Pingbacks
- Abuztuak 31: Historia ofiziala salatuz sarraskia gogoan Donostian. Argia | Donostia ke ta su 1813 kultura 2013 - […] Abuztuak 31: Historia ofiziala salatuz sarraskia gogoan Donostian. Lander Arbelaitz. Argia […]
Castaños eta Alava espainiar militarrak ez zuten Donostiako setioan parte hartu, fetxa horietan Burgosera iristen zeuden Wellington menpean zeudela.
Konfunditu naiz 1812an, nengoen pentsatzen, baina Alava generalak ez zuen informaziorik zer egoera zegoen Donostian, Wellingtonek ez zuen Alava informatu.