Maputxeraren ofizialtasuna eskatu dute 2.000 lagunek Temucon
Maputxeraren ofizialtasuna eskatzeko manifestazioa egin dute Temucon ostiralean. 1.500 eta 2.000 lagun artean bildu dira Mapuexpress gunean jaso dutenez. Hizkuntzaren aldeko lanean ari diren hainbat erakunde eta alderdik deitu dute mobilizazioa.
“Egia da maputxerari heltzeko ardura nagusia gurea dela, baina gure lurraldea bere egin eta bere kultura eta hizkuntza inposatu zigun estatuarena ere bada”, adierazi dio Alkate Maputxeen Udalerrien Elkarteko buru José Millalén-ek prentsari. Mapudungun deitzen diote beren hizkuntzari.
Maputxeek aldarrikatzen duten Araucanía lur eremuan Txileko gobernuak jarri duen ordezkariak adierazi du bera ofizialtasunaren alde dagoela, baina “gauzak ongi egin nahi” dituela. “Nik Araucanía osoa inbolukratu nahi dut, ez dadin bakarrik batzuentzat izan, baizik eta denontzat”. Maputxeraren aldeko sektore batzuek uste dute nahita aitortza prozesua mantsotzen ari dela.
Araucaníako gobernu erregionalak eskumenak ditu “maputxera hizkuntza ofizial gisa onartzeko erregulazioa egiteko, estatus honek gaztelaniaren erabileari mugarik jartzen ez dion bitartean”.
Ondoren hizkuntzaren ofizializazioa eskatuz egindako hitzartzeak.
Argazkiak Mapuexpress gunea. Hemen argazki gehiago.
AEKko Joseba Irazabalek eguberria bertan pasa zuen eta hainbat kontu interesgarri ekarri zituen bertatik, hemen bere bidaiaren berri: http://www.garabide.eus/euskara/albisteak/antza-lehen-ez-zuten-nahi-txiletarrek-mapudungun-ikas-zezaten
Kaixo lagunak! Oso interesgarria barnetegien kontua! Eskerrik asko ekarpenagatik!