Gerry Adamsen artikulua Thatcherren heriotzaren harira

Atalak: Irlanda Iparraldea

Gerry Adams, artxiboko irudi batean.

Gerry Adamsek An Phoblatch egunkarian Margaret Thatcher hil da artikulua plazaratu du. Hemen euskaratuta irakur dezakezue Sinn Feineko buruak Burdinazko Damaren heriotzaz egiten duen irakurketa. Loturak nik jarriak dira:

Margaret Thatcherrek min handia egin zien irlandar eta britainiarrei Lehen Ministro izan zen denboran. Aplikatu zituen politikengatik, langile-klasean oinarritutako komunitateak deuseztu zituen.

Nazioarteko gaietan izan zuen papera ere gerrazalea izan zen: Txileko diktadore Pinochet babestu zuen, Hegoafrikako apartheidaren aurkako zigorrak aplikatzeari uko egin zion, edo Khmer Rouge-i babesa eman zion.

Pinochet eta Thatcher

Hemen Irlandan, politika militarista drakoniarrei zien atxikimenduak guda luzatu eta sufrimendu handia eragin zuen. Zentsuraren, azpi jokoen eta herritarrak hiltzearen alde egin zuen, izan operazio ezkutuetan –Pat Finucane bezalako abokatuen aurka eginez–, zein operazio militar irekietan. Herritarrek beren gustuko alderdi politikoari bozka emateko duten eskubidea ukatu zuen.

Gatazka errepublikarra eta preso politikoak kriminalizatzeko egin zituen alferrikako esfortzuak bere ondare dira.

Esan beharra dago, mantentzen zuen jarrera publikoarekin erabateko kontraesanean, Sinn Féineko lidergoarekin pribatuan komunikazio bide bat irekitzea onartu zuela, baina gero logika honetan lan egiterako orduan huts egin zuen.

Bobby Sandsen hileta, gose greban hil zen lehen preso errepublikarra.

Zoritxarrez, Irlandako gobernu ahulek ez zioten aurre egin bere agenda sekurokrata ezarri zuenean edo Iparraldeko herritarrentzat nazioarteko babesa lortzeko orduan.

Margaret Thatcher bereziki gogoratuko dugu 1980 eta 1981 urteetako gose greba epiko haietan izan zuen rol penagarriagatik.

Irlandarekiko aplikatu zituen politikek miserableki egin dute huts.

 Izan ARGIAko bazkide: astekariko harpidedun edo argia.eusen laguntzaile