Kanadako inuitak baliabide naturalen eskumenak lortu nahian

Atalak: Inuitak

Haurrak inuiten banderarekin.

Kanada iparraldeko Nunavut lurraldean bizi den gehiengo inuita Ottawari baliabide naturalen eskumenak eskatzen ari da. Estatuko gainontzeko lurralde eta probintziek beren baliabide naturalen konpententziak dituzte, eta inuitek ere hala nahi dute.

Nunavuteko agintariek adierazi dute baliabide hauek kontrolatzea lurraldearen garapen ekonomikorako ezinbestekoa dela. 32.000 pertsonako biztanleriarekin, Nunavutek 1,9 milioi kilometro koadroko eremua hartzen du. Bere lurretan urrea erauzten dute, eta etorkizun hurbilean petroleoa, gasa eta mineralak ere atera nahi dituztela irakurri dugu Nationalia gunean.

Nunavuteko lehen ministroak publiko egin duenez, Kanadako lehen ministroak transferentziei buruzko elkarrizketak udazkenean abiatuko dituztela esan dio.

Nor dira inuitak?

Inuitak Artikoan bizi dira, hainbat herrialdetan. Kanada barnean, iparralde ia osoan bizi diren arren, gehienak Nunavut lurraldean bizi dira. Horrez gain, Groenlandian, Alaskan eta Errusian ere inuitak dira. “Eskimo” edo “eskimal” hitza ez zaie gustatzen, mespretxu gisa ikusten dute. Inuit hitzak “jendea/herria” esan nahi du inuktitutera beren hizkuntzan. Inuit pluralean hitz egiteko erabiltzen dute, eta singularra inuk da. Nunavuten hizkuntzaren ofizializazioa lortu dute orain gutxi (frantsesa eta ingelesarekin batera, nola ez), eta eskola sistema prestatu dute hizkuntzari eusteko.

Inuiten mapa (Arg: Wikipedia)

Eta amaitzeko, bideo pare bat. Lehena Nunavut lurraldeaz.

Bigarrena inuiten kulturaz.