ANCk bi urte Kataluniako independentzia bultzatzen

Atalak: Estaturik gabeko nazioak, Herrialde Katalanak

2012ko Diada independentziaren alde.

Kataluniako Assemblea Nacional Catalana (ANC) erakundeak bi urte bete ditu aste honetan. Herri hori independentziaren alde egiten ari den bidea ulertzeko ezinbestekoa da ANCren ekarpena kontuan hartzea. Elkarte hori izan da Kataluniako mobilizaziorik jendetsuenak antolatzeaz arduratu dena: Diada eguneko manifestazioa Bartzelonan 2012an “Katalunia, Europako estatu berria” lemapean, eta 2013ko Bide Kataluniarra independentziarantz.

Egun, azaroaren 9ko kontsultarako data eta galderak zehaztuta, ANCk bost proiektu estrategiko zehaztu ditu eta horietan ari da lanean: “Denon herria”, independentziaren aldeko gehiengo soziala indartze aldera; “Sina ezazu independentziaren aldeko botoa“; “Nahi dugun herria”; “Kataluniatik mundura”; eta “Desobedientziatik burujabetzara”.

Datorren apirilaren 5ean hurrengo Diadarako ekintza zein izango duten iragartzea espero da. Orain arte alderdi politikoak independentziaren aldeko norabidean presionatuko dituen herri mugimendua artikulatzea lortu du ANCk. Egun 22.000 eskubide osoko bazkide ditu eta 17.000 kolaboratzaile, 519 lurralde batzar, 57 sektorial eta 23 atzerrian.

Bi urte hauetan egin duten lanaren laburpen ederra bideo honetan.

)