AskeGunearen lehen urteurrenean, desobedientzian sakontzeko topaketak

Atalak: AskeGunea, Desobedientzia zibila, Euskal Herria

AskeGunea Donostian, 2013ko apirilean. (Arg: Askegunea)

Donostiako AskeGunea osatu zela lehen urteurrena betetzear den honetan, Libre Topaketak 0.1 antolatu dituzte Gipuzkoako hiriburuan bertan. Hausnarketa, formakuntza eta eztabaida saio kolektiboa antolatu dute. Beren hitzetan, “donostiarrek eskubide zibil eta politikoen alde duten konpromisoaren islatzeaz gain, gure artean gero eta aipatuagoak diren konpromisoa, desobedientzia zibila, herri erresistentzia edota konfrontazio demokratikoa nola ulertu eta bideratu nahi ditugun elkarrekin hausnartzea proposatzen dugu, gure arteko formakuntzaren saio kolektiboa burutuz”.

Azken arratsaldean egin zen kontzentrazio jendetsua.

Ekimen nagusiak hiru izango dira:

1- Donostian dauden eragile sozialen azoka.

Antolatzaileek adierazi dute helburu nagusia hirian lanean ari diren eragile sozialen berri ezagutaraztea dela, eta elkarren artean harremanak indartzea. Bertan parte hartu nahi duten eragileek, desobedientziarekiko konpromisoa eta makro epaiketen aurkakotasuna, zein auziperatuekiko elkartasuna azalduko lukete.

2- Konpromisoen hitzarmena edo desobedientzia hausnarketa markoa. Hau egiteko, desobedientzia mugimendua indartzeko konpromisoen hitzarmena dokumentua banatuko zaie herritarrei, hauen ekarpenak biltzeko. Arloka edo espazio sektorialen arabera bilduko lirakete: euskararen espazioa, hezkuntzarena, kulturarena, gazteriarena, desjabetzarena, presoen eskubiden aldekoena, emakumeena, langile borrokarena, jai herrikoiena, auzo elkarteena…

3- Askekanpada. Helburu bakarra: orain urtebete Bulebarrean gertatu zena gogoratzea, auziperatuekiko elkartasuna adieraztea eta epaiketa politikoekiko aurkakotasuna azaltzea.

Topaketetarako prestatu duten dokumentua: