Aljeriako poliziak Kabylian ehunka amazigh atxilotu dituela salatu dute

Atalak: Amazighak, Estaturik gabeko nazioak

Amazighak protestan, polizia algeriarraren aurrean.

Kabyliako subiranotasunaren aldeko mugimenduak adierazi du ehunka pertsona atxilotu dituela Aljeriako poliziak. Kabylian gehiengoa amazigha da, Aljeria iparraldean. El Watan bertako egunkariak jaso duenez, bi egunez jarraian izan dira istiluak Tizi Ouzou hiriburuan. Kabyliako Autodeterminazioaren Aldeko Mugimendua (MAK frantsesez) eta Amazigh kulturaren aldeko hainbat mugimendu ari dira deialdiak egiten. Manifestariak Bouteflika aljeriar estatuko presidentearen berrautaketaren aurka ari dira eta Udaberri Amazigharen urteurrenarekin bat egin dute.

Hemen Youtubera igotako hainbat bideo.

Bideo hauetan ikus daiteke polizia Tizi Ouzou Kabyliako hiriburuan atxiloketak egiten. Polizia saiatu zen manifestariei hirigunera heltzea galarazten eta gas negar eragileekin eta borrekin egin zuen manifestarien aurka. Hauek harrika erantzun zioten.

Informazio gehiago:

Kabylia, Algeria iparraldean. (Irudia: Wikipedia)

Amazighei buruzko orria euskarazko Wikipedian.

Kabyliako ekintzaile politiko batekin elkarrizketa ingelesez Karlos Zurutuzak DW medio alemaniarrean