Kataluniako Parlamentua inguratzeagatik zigortutako zortzi lagunak atxilotzeko agindua eman dute

Atalak: Herrialde Katalanak

(Arg: La Directa)

Espainiako Auzitegi Nazionalak hamar eguneko epea eman die Kataluniako Parlamentua inguratzeagatik hiru urteko kartzela zigorra ezarri dieten zortzi kideei. Ez badira espetxeetara beren kasa joaten, bilatze eta atxilotze agindua emango dute. Elkartasuna antolatzen ari dira auziperatuen lagun eta senideak.

Hainbat mobilizazio egin dituzte azken aldian kasu hau salatzeko. Azkena, apirilaren 19an 2.000 pertsonatik gora Legebiltzarraren bueltan bildu ziren giza kate bat egin eta auziperatuen absoluzioa eskatzeko.Martxoaren 21ean 8.000 lagunek manifestazioa egin zuten Bartzelonan. Zigortu hauen babesa koordinatzen ari den taldeak apirilaren 30erako prentsaurrekoa deitu du, Legebiltzarraren atearen aurrean.

Kartzelan aurkezteko agindua heldu eta berehala, lehen manifestazioa deitu dute apirilaren 30ean, Bartzelonan.