G7aren aurkako bideo bilduma, larunbaterako deia

Atalak: Altermundialismoa, Herri mugimenduak

Igandean eta astelehenean Bavarian bilduko da G7a. Ondorengo herrialdeak daude bileran: Kanada, Frantzia, Alemania, Italia, Japonia, Erresuma Batua eta AEB. Europar Batasunak eta Nazioarteko Diru Funtsak ere ordezkaritza izaten dute bileran.

Seattlez geroztik, munduko goi bilera hauen aurkako manifestazio antikapitalistak deitzen dira, eta azken urteetan istilu handiak izan dira. Elmaun egingo den goi bilerara protestatzera joateko dei egin du mugimendu altermundialistak. Leloa: Stop G7, kapitalismoaren, arrazakeriaren eta gudaren aurka.

Hemen mugimendu hau euskarazko Wikipediak nola definitzen duen:

Mugimendu altermundialista neoliberalismoaren eta enpresa kapitalista handiek ezarritako globalizazioaren aurka diharduen gizarte mugimendua da, 1990eko hamarkadaz geroztik mundu osoan sortua. Talde anitz biltzen ditu, hala nola gobernuz kanpoko erakundeak, sindikatuak, emakume eta gazte elkarteak eta indigena komunitateak. Ezkerrean kokatzen badira ere, alderdi politikoetatik at sortu eta atxikitzen dira eta sare moduan, bereziki Internet baliatuz, antolatzen dira. Bere kezkak ingurumen, bakezaletasun, feminismo, pobrezia eta garapena, giza eskubideak, bidezko merkataritza eta oro har munduko herrialde garatu (edo iparra) eta azpigaratuen (edo hegoaren) arteko harremanei buruzkoa da.

Blockupy Frankfurt, martxoaren 18an.