500 lagun hil ditu gutxienez AEBetako poliziak 2015ean

Atalak: Gatazka armatuak

500 lagun hil ditu gutxienez urte erdian AEBetako poliziak, Global Research erakundeak zenbatu eta publiko egin duenez.

Aste honetan The Guardian egunkariak webgune berezia jarri du martxan. Dagoeneko zenbaketa 508n doala ikus daiteke. Ondorioztatu dutenez, AEBetako poliziak urteko lehen 24 egunetan jende gehiago hil du Ingalaterra eta Irlandako polizia indarrek joan den 24 urteetan baino, edo AEBetako poliziak aste batean jende gehiago hiltzen duela Alemaniakoak urte batean baino.

Hedabide nagusiek hilketa hauek gauza puntualak balira bezala inongo testuingururik gabe azaldu arren, gaia pixkana ikusgarritasuna irabazten ari da. Orain hiru hilabete, ARGIAn idatzi genuen AEBetako poliziak 2.500 pertsona baino gehiago hil dituela 2011tik hona.

Informazio gehiago nahi duenak, webgune hau oso bisuala eta interesgarria da.