Nikaraguako kanal berriaren aurka milaka pertsona atera dira kalera

Atalak: Uncategorized

Martxa jendetsua Nikaraguan (Arg: Confidencial)

10.000 lagunetik gora atera dira kalera larunbatean Nikaraguako Juigalpa hirian, gobernuak egin nahi duen kanalaren aurka protesta egiteko. 44 mila milioi euroko kostua izango duen makro proiektuak beren lurretatik bota nahi dituela salatu dute.

Beren bizimoduak erabat aldatzeaz gain, Nikaragua Lakua edo nahuatlez Cocibolca izenekoa kaltetuko dutela beldur dira. Ur gezako Erdialdeko Amerikako aintzirarik handiena eta munduko hemeretzigarrena da.

Panamako kanalari itzal egin nahi diote Europa, Mendebaldeko Amerikako Kosta eta Asia lotuz. Urtean 900 milioi tonelada garraiatuko lituzkete petroleo ontzi eta kontainerrak garraiatzeko buke erraldoiek. Enpresa txinatarrak ari dira eraikuntzan.

Azpiko dokumental labur honetan ongi jaso dute bertako nekazari eta herritarrek daramaten borroka zaila.