Ikusi beharreko (eta ziurrenik ezagutuko ez dituzun) beldurrezko 25 film

2014-03-26  //  Gomendioak, Pelikulak  //  2 iruzkin

Orain urte batzuk, “Sciense” aldizkariak ikerketa txiki bat publikatu zuen: beldurrezko film bat ikusten ari garenean zer pasatzen den gure garunean. New yorkeko unibertsitateko zientzialari batzuen esanetan, horrelako pelikula bat ikustean, gure burmuina berrantolatzea behartzen dugu eta bizi izan ditugun momentu txarrak gomutatzen ditugu.
Ondorio honetara iristeko, Erno Hermans eta bere lankideek 80 bolondresekin egin zuten lan, hauei pantaila baten aurrean jarri eta beldurrezko filmak ipini zizkieten,(Poltergeist adibidez).  Erresonantzia magnetiko batzuei esker,  beldurrak alerta egoeran jartzen gaituela zentzumenak zorroztuz eta bizitako momentu txarrak erakartzen dituela konturatu ziren. Baina bestalde, gure analisi ahalmena gutxitu egiten dela. Ziur nago orain dela urte batzuetako beldurrezko filmekin egin zutela esperimentu hau (The Shinning, Poltergeist, The Exorcist eta abar), gaur egungo beldurrezko pelikula gehienak jarriz gero aparatua bera barre algaraka edo negarrez hasiko baizen.

Hau kontuan hartuz, gaur egun beldurraren arloan salbuespen batzuk daudela frogatzeko natorkizue. Zinema aretoetan estreinatzen direnei begirada botaz gero, ia gehienak ezertarako balio ez duten remake, 3D bertsio penagarri edo gidoi barregarriz josita daudela ohartzen gara. Baina badira inoiz estrenatu eta zuzenean DVD/Bluray merkatura (edo interneteko linbora) dijoazten film bikain eta harrigarriak, jarraian aipatuko ditudanak esaterako. Baldintza bat jarri diot nere buruari, komertzialegiak edo oso ezagunak direnak baztertu eta ziurrenik ezagutuko ez dituzuenak gomendatzea.
 

(gehiago…)

Making of…"The Big Lebowski"

2014-03-21  //  Making of, Pelikulak  //  2 iruzkin

Atal berri bat estreinatuko dut gaurtik aurrera: “Making of” (bai “f” bakarrerekin da). Kamera filmatzen ez dagoenean, aktore edo lankideen artean “sortzen” diren momentu eta irudi paregabe horiek bertaratu nahi dizkizuet. Sail berri honi hasiera emateko, nere film gustokoenetariko bat aukeratu dut: “The Big Lebowski.”
(gehiago…)

Hustu giga guztiak! Zure mp3an derrigorrez eraman behar dituzun telesailen abestiak.

2014-03-18  //  B.S.O, Telesailak  //  Iruzkinik ez

Telesail bat ikusten ari zara, eszena konkretu batean kanta batek  zugan arreta piztu eta “klik” egiten du zure garunean. Atala bukatu eta doinu hori oraindik zure barnean bueltaka, ezin duzu burutik kendu, google-era jo eta bila hasten zara…zenbatek egin du(gu)zue hori? Hori da aste honetako nere artikuluaren helburua,  telesailen kanta edo abesti bortitzenak aipatzea eta zuen mp3 irakurgailuetan sartzen lortzea. Askotan kanta hori hasierako tituluetan egoten da (True Detective), sekuentzi dramatiko konkretu batean (“The Walking Deaden” adibidez kartzelara sartzera doazenean), pertsonaia bat hiltzeko zorian dagoenean (Lost), atala amaitzera doanean (Sons of anarchy telesailean askotan egiten dute hau), pertsonaiak plan bat prestatzen ari diren bitartean (Breaking bad) eta abar… Hasi gaitezen ba kanta itsaskor hauek entzuten, ea ados zaudeten bertaratu dudan zerrenda honekin. Hori bai, hustu zuen aparatuan dauzkazuen giga guzti horiek lekua beharko baituzue “temoi” guzti hauek sartzeko!
(gehiago…)

Azken urteetako ezinbesteko 16 soinu banda

2014-03-13  //  B.S.O, Gomendioak, Pelikulak  //  8 iruzkin

 

Michael Nyman konposatzaileak (“El piano”, “Gattaca”) esan zuen, egungo gazteriak ez duela musika klasikoari buruzko inongo kulturarik, baina film askoren soinu bandei esker erreferentzia klasiko hori bilatzen jakin dutela,mundu horretara gerturatuz. Ziurrenik aipatutako horien artean ni neu sartu ninteke.
Azken urteetako konposatzaile nabarmenenak, Michael Giacchino, Hans Zimmer, Clint Massel, John Williams, James newton Howard,Philip Glass,Gustavo Santaolalla, Ludovico Einaudi,Yann Tiersen,Carter Burwell,Danny Elfman,Howard Shore, Alexandre Desplat  Alberto Iglesias,Angelo Badalamenti... eta aipatuko ez ditudan beste hainbat eta hainbat, bi blog oso beharko nituzkeelako bakoitzak merezi duen tartetxoa eskaintzeko. Beraz, azken urteetan eta modu orokorrean ezinbestekoak iruditzen zaizkidan 16 soinu banda azalduko dizkizuet (filmen soinu bandak soilik, telesailenak beste artikulu batean azalduko ditut), naiz eta lehen aipatutako konposatzaile askorekin konparatuz kurrikulum edo ibilbide motzagoa izan, aipatzen dudan pelikula konkretuan bakarrik oinarrituko naiz.
(gehiago…)

IKUSI-MAKUSI "2013ko blogari berriaren sari berezia" ESKERRIK ASKO!

2014-03-11  //  Albisteak  //  Iruzkinik ez

 
Sariak esaten duen bezala, “berria” naiz blogen mundu zabal honetan eta aipamen honek izugarrizko ilusioa eta motibazioa sortu du nigan, ESKERRIK ASKO bihotzez !
http://www.argia.eus/albistea/blogetan-lehiaketako-irabazleak

Europara bira 12 telesailetan

2014-02-20  //  Gomendioak, Sailkatugabeak, Telesailak  //  3 iruzkin

Breaking bad, The Sopranos, The Wire, Lost… telesail aski ezagunak dira guztion artean , gehienak AEBtik etorriak, baina kontinente zaharrera begirada botaz gero, izugarrizko kalitatea duten serieak topa ditzakegu. Orain hilabete batzuk “Azken urteetan, derrigorrez ikusi beharreko telesail Britaniarrak” artikuluan Britainia handiko telesailak aipatu nizkizuen beraz bertakoak diren serieak ez ditut artikulu honetan aipatuko, baina bai Europako beste txoko batzuetako produkzioak , sekulako kalitate eta maila handiko telesailak, egin dezagun ba Europara bira 12 telesailetan:
(gehiago…)

"Ez kezkatu alaba maitea, etorkizuna bikaina izango baita"

2014-02-12  //  Albisteak, Pelikulak, Sailkatugabeak  //  Iruzkinik ez

Martin Scorsesek bere alaba Francescari idatzitako eskutitza, La Repubblica italiar egunkarian 2014ko Urtarrilaren 2an argitaratua:
Francesca maitea:
Etorkizunari buruz hitz egiteko idazten dizut. Nire munduaren leiarren bidez ikusten dut. Mundu honen erdi-erdian egon den,  Zinemaren leiarraren bitartez.
(gehiago…)

Ez ukitu urrutiko kontrolagailua!

2014-02-11  //  Gomendioak, Telesailak  //  2 iruzkin

Hasierako kredituen helburuetako bat ,segundu bakar batzuetan , ikuslea aurrean duen telesailaren mundu edo ambientazioan sartzea da; telesail horren izaera markatu eta aurkeztu, bere nortasuna erakustea azken finean. Segundu batzuk non ikusleak, urrutiko kontrolagailuari aurrera jarraitzeko botoiari emateko tentazioa duen edo pantailari arretarik ez jartzekoa, baino kasu askotan gomendagarriak dira oso osorik ikustea, baita “errepikapen moduan” jarri eta gozatzea. Hori dela eta bilduma txiki honekin natorkizue, momentu honetan telesailen munduan ikusgarrienak iruditzen zaizkidan hasierako tituluekin:
(gehiago…)

2014ko Oscar sarietatik kanpo geratu diren 11 film

2014-02-05  //  Albisteak, Gomendioak, Pelikulak  //  Iruzkinik ez

 
 
 
 
 
 
 
 
 
 
 
Betiko kontua, Oscar sarietan urteko pelikula onenak al daude? Batzuk bai, gauzak diren bezala, baina beste asko eta asko kanpoan geratzen dira. Arrazoiak? Pentsa genezakeen errazena, marketin edo iragarki kanpaina exkaxeko filmak direla eta promozio gutxi izandakoak. Benetan pentsatzen duguna, betidanik Oscarrak interes pertsonal eta “faborez” beteriko sariak izan direla eta askotan “marrazoen” mundu horretan hobekien “mugitzen” denak lortzen duela burua besteen gainetik ateratzea (kasu nabarmenena Harvey Weinstein, aurrerago artikulu oso bat eskeiniko diot “pertsonaia” honi).
Beraz sarietatik kanpo eta nire ustez egotea merezi duten harri bitxi horiek aipatzera noa jarraian:
(gehiago…)

Naziek 3D filmak egiten zituzten

2013-09-06  //  Albisteak, Pelikulak  //  Iruzkin bat

Hollywood aldetik efektu honekin harritu nahi gaituzten bitartean (aurrerago beste artikulu batean hitz egingo dut 3D ari buruz dudan iritzi oso negatiboaz) aspalditik existitzen den teknika bat dela esan behar da, Naziek propaganda egiteko 1930 urtean beraien sistema propioa erabiliz sortu zutena esaterako.
(gehiago…)