Emakumeak kamera atzean: 2016ko datu negargarriak

2017-03-29  //  Albisteak, Emakumea zineman, Pelikulak  //  Iruzkinik ez

19 urte baino gehiago dira San Diego-ko unibertsitateak aztertzen duela emakumeak zinemaren barruan burutzen duen lana eta presentzia. Errodaje batean zein eginkizun betetzen duten eta zenbat emakume ageri diren, alegia. Orain aste batzuk, Zeluloidearen sabaia: Kamera atzean, emakumearen presentzia 2016ko 100, 250 eta 500 film garrantzitsuenetan izeneko txosten hau argitaratu zuen.
Txostenaren izenburuak dioen bezala, hiru baremo izaten dituzte kontuan eta atzerriko filmak (hau da AEBetatik kanpoko ekoizpenak) azterketatik at utzi dituzte.

250 ikusienen artean adibidez, zuzendari, gidoilari, ekoizle, muntatzaile eta argazki zuzendariak kontuan izanik —hau da kamera atzean lanean aritzen direnak, aktoreak ez dira sartzen—, %17 soilik izan ziren emakumeak, 2015ean baino bi puntu gutxiago (eta 1998ko datu bera). Filmen %92 gizonezkoek zuzendu zituztela ere nabarmendu dute.
Baina goazen hiru zatitan sailkaturiko datu zehatzak  aztertzera (hasieran ez ziren hiru bereizketa hauek egiten).
(gehiago…)

Urte hasierako telesail onenak (eta txarrenak)

2017-03-23  //  Gomendioak, Telesailak, Zerrendak  //  Iruzkinik ez

Hiru emakumeren arteko istorio korapilatsu eta iluna, ez ohiko super-heroi eskizofreniko bat, Joan Crawford eta Bette Davis-en arteko erlazio konplikatuari buruzko kontakizuna, thriller psikologiko bat,  Nordic noir ukituak dituen ekoizpena..Mundu osoko telesailak jarraitzeak hori dauka, bata bestearen muturrean kokatzen diren gai eta istorioak ikusi ditzakezula eta hain desberdinak izanik ere, erabat harrapatzeko gaitasuna dutela.
Ia urtearen lehen laurdena igaro den honetan, telesail mordoa ikusteko aukera izan dut. Horietako batzuk existitu ere egin ez direla imajinatuko dut, beste batzuk gustura ikusti ditudan arren, ez ur ez ardo. Beraz, nabarmenenak aipatzearekin batera, zuei lana errazteko eta zuzenean ekoizpenei hauei txanda-pasa egiteko, kaxkarrenak ere gehitu ditut.
Baliteke, 2017-a amaitzean eta urteko onenen zerrenda egitean, hemen ageri den baten bat erortzea, baina hauek -inongo ordenik gabe- nire ustez lehen (ia) lau hilabete hauetan galdu ezin dituzuen (eta galdu behar dituzuen) telesailak:
(gehiago…)

Zergatik den garrantzitsua "Girls 6×03" atala ikustea

2017-03-16  //  Albisteak, Gomendioak, Telesailak  //  Iruzkinik ez

Orain lau urte blog hau zabaldu nuenetik, lehen aldia da mota honetako proposamen bat ekartzen dizuedala. Telesail baten atal konkretu bat ikusteko gomendioa luzatzearena, alegia. Konkretuki, Girls telesail ezagunaren seigarren denboraldiko hirugarren atala (3×02), American Bitch izenekoa. Ez duzuela telesaila jarraitzen eta ez zaretela orain hasiko sei denboraldi ikusten? Lasai, nire ustez, modu independentean ikus daitekeen atala baita. Zergatik ikusi behar duzue orduan atal hau?
(gehiago…)

Non eta nola ikusi zuzenean gaur gaueko #OscarSariak

2017-02-26  //  Albisteak  //  Iruzkinik ez

Iritsi da eguna. Gaur gauean banatuko dira 2017ko Oscar sariak. Astelehen goizean jaikitzean, irabazleen zerrenda irakurtzearekin nahikoa izaten dute askok. Besteok aldiz, urteroko ohitura jarraituz, zuzenean ikusteko nahia izaten dugu. Baina non eta nola ikusi ditzakegu Oscar sariak ? Euskal Herrian, ekitaldia zuzenean ikusteko aukera  “bakarra”,  Movistar+ ordainpeko telebista katearen bitartez izaten da. Baina ez al dago beste aukerarik? Estatu batuetan bizi ez bagara, eta ordainpeko telebistarik ez badugu, ezin al ditugu sarien banaketak ikusi? Jakina baietz! Hementxe aukera batzuk:
(gehiago…)

Hogei urteren ostean, "Trainspotting 2" iritsi da!

2017-02-23  //  Albisteak, Pelikulak  //  Iruzkinik ez

“Aukeratu bizitza. Aukeratu lana, karrera bat. Aukeratu familia. Aukeratu telebista erraldoi madarikatu bat. Aukeratu garbigailua, kotxea, compact-disc irakurgailua, poto-irekigailu elektrikoa…” (Choose life. Choose a job. Choose a career. Choose a family. Choose a fucking big television, Choose washing machines, cars, compact disc players, and electrical tin can openers…) . Horrela hasten zen 1996an Danny Boyle-k zuzenduriko Trainspotting film mitikoa:

Ostiral honetan, 20 urteren ostean iritsiko den bigarren zatiak aldiz, honela dio:

// <![CDATA[
window._wpemojiSettings = {"baseUrl":"https:\/\/s.w.org\/images\/core\/emoji\/2.2.1\/72×72\/","ext":".png","svgUrl":"https:\/\/s.w.org\/images\/core\/emoji\/2.2.1\/svg\/","svgExt":".svg","source":{"concatemoji":"http:\/\/www.cine-gama.com\/wp-includes\/js\/wp-emoji-release.min.js?ver=4.7.2"}};
!function(a,b,c){function d(a){var b,c,d,e,f=String.fromCharCode;if(!k||!k.fillText)return!1;switch(k.clearRect(0,0,j.width,j.height),k.textBaseline="top",k.font="600 32px Arial",a){case"flag":return k.fillText(f(55356,56826,55356,56819),0,0),!(j.toDataURL().length<3e3)&&(k.clearRect(0,0,j.width,j.height),k.fillText(f(55356,57331,65039,8205,55356,57096),0,0),b=j.toDataURL(),k.clearRect(0,0,j.width,j.height),k.fillText(f(55356,57331,55356,57096),0,0),c=j.toDataURL(),b!==c);case"emoji4":return k.fillText(f(55357,56425,55356,57341,8205,55357,56507),0,0),d=j.toDataURL(),k.clearRect(0,0,j.width,j.height),k.fillText(f(55357,56425,55356,57341,55357,56507),0,0),e=j.toDataURL(),d!==e}return!1}function e(a){var c=b.createElement("script");c.src=a,c.defer=c.type="text/javascript",b.getElementsByTagName("head")[0].appendChild(c)}var f,g,h,i,j=b.createElement("canvas"),k=j.getContext&&j.getContext("2d");for(i=Array("flag","emoji4"),c.supports={everything:!0,everythingExceptFlag:!0},h=0;h//

“Aukeratu bizitza, Facebook, Twitter, Instagram eta itxoin norbait nonbait zutaz kezkatuko dela…” (Choose life, choose Facebook, Twitter, Instagram and hope that someone, somewhere, cares”).

(gehiago…)

Azken hamarkadako 3 telesail onenak (eta hauek zergatik ikusi)

2017-02-21  //  Kritikak, Telesailak, Zerrendak  //  Iruzkinik ez

Amets bitxi bat izan dut bart gauean. Urte guzti hauetan zehar ikusi ditudan telesail guztiak, bat-batean burutik ezabatu eta erabat ahazten nituela; izerdiak, zorabioak, garrasiak…izu-krisi ikaragarria! Ez nuen ezertxo ere ez gogoratzen, inoiz ikusi izan ez banitu bezala. Zorionez minutu gutxi iraun ditu amets gaiztoak, baina esnatu eta egin dudan lehengo gauza lerro hauek idazten hastea da, eta garrantzitsuena, telesail horien izenak lehenbailehen zerrendatzea. Ezinezkoa azken urte hauetan ikusitako guztia ipintzea, baina bai behintzat azken hamarkadako hiru ezinbestekoak, badaezpada. –Uf… pixkanaka lasaitzen ari naiz-. Eskerrak barne-ikara horiek baretzeko blog hau dudan.
Aukeraketa egiteko erabli dudan irizpidea, erraza:

1. Azken hamarkako telesail onenak, hau da, 2010-2017 bitarte hasi ala amaitu direnak.
2. Telesailak soilik hartu ditu kontuan, ez miniserie ala telesail motzak. (Beraz, Fargo, True Detective, Black Mirror eta holakoak kanpoan geratzen dira)

(gehiago…)

"Legion" telesaila urteko fenomenoetako bat izango al da?

2017-02-16  //  Kritikak, Telesailak  //  Iruzkinik ez

Askotan galdetzen didate, hainbeste telesailen artean nola egiten dudan aukeraketa egiteko, zein ikusi lehenago eta zein baztertu. Sekretu gutxi egia esan; Telebista kateetan fijatzen naiz batzuetan (HBO, Netlflix, AMC..), aktore zerrendan, sinopsian ala intuizioan bestetan, besterik gabe. Baina beste askotan sortzailean jartzen dut arreta handiena. Gidoilari , zuzendari ala proiektu konkretu horren arduradun nagusia nor den azken finean. Taktika horrekin oraingoan bete betean asmatu dut. Zergatik? Ez dizuet gezurrik esango, sekulako nagitasuna eragiten zidan telesail honek eta enuen ikusteko intentzio handiegirik. Marvel, super-heroiak…uf! Baina bat-batean, “Showrunner: Noah Hawley”  irakurri nuen. Nire begiak, Txinpartak bezala.  Ekoizpen honen atzean Fargo telesail zoragarriaren arduradun nagusia. Hori irakurri nuen unetik,  egutegian gorriz markatu nuen Otsailaren 8a.
(gehiago…)

"Manchester by the Sea": maila goreneko ariketa narratiboa

2017-02-03  //  Kritikak, Pelikulak  //  Iruzkinik ez

Film hau zeri buruzkoa den jakin nahi baduzue,  blog honetan behintzat ez duzue topatuko. Zergatik? Sinopsi txar batek pikutara bidali dezakeen film horietako baten aurrean zaudetelako. Zinema independentearen ezaugarri ugari dituen eta inoiz itxiko ez den zauri bati buruzko kontakizun latz bat dela esango dizuet, besterik gabe. Kenneth Lonergan-en zuzendaritza lan aparta, zirrikiturik gabeko eta idazkera fineko gidoi sendo bat duena eta batez ere, Casey Affleck aktore bikainaren erakustaldiak, urteko ezinbesteko horietako batean bilakatzen duten filma dela. Hori da jakin beharreko guztia. Dena den, lore guzti horien zergatiak ematen saiatuko naiz.
(gehiago…)

Ruben Barriga-ren "Zinemaren aurpegiak" erakusketa

2017-02-01  //  Albisteak  //  Iruzkinik ez

“Zinemaren aurpegiak”.  Hori da Ruben Barriga diseinatzaile Oreretarrak bere erakusketa berrirako aukeratu duen izenburua.  Kolorez eta sinbolismoz beteriko zazpigarren artearen aurpegi ezagun batzuen berrinterpretazioa egin du.
(gehiago…)

Zergatik 'La La Land' EZ den urteko film onena

2017-01-25  //  Albisteak, Kritikak, Pelikulak  //  Iruzkinik ez

Hasteko Arrival, Moonlight, Paterson edo Toni Erdman biribilagoak eta interesgarriagoak iruditzen zaizkidalako, hobeak azken finean.  Baina beste filmekin konparaketa zuzenean erori gabe, La La Land filma zergatik ez zaidan urteko film onena iruditzen azaltzen saiatuko naiz.
(gehiago…)