Independentista galiziarrak Espainiako Vueltaren aurka… eta euskal herritarrak?

2014-08-28  //  Kirola eta politika, Txirrindularitza  //  Iruzkin bat

Abian den Espainiako txirrindulari itzuliak, Vueltak, Galiziako lurretan emango ditu azken egunak, irailaren 10etik 14ra bitartean. Beste edizio batzuetan gertatu den moduan, izan Galizian zein Euskal Herrian edota Katalunian, kolektibo independentistek protestara deitu dituzte herritarrak.

CIG taldeko militanteek iaz Vigon paratutako bandera. (Argazkia: Diario Liberdade)

(gehiago…)

Vueltan dauden ziklisten %9,6 dopin kontuetan nahastuak egon dira

2014-08-26  //  Dopina, Txirrindularitza  //  Iruzkinik ez

Espainiako Vuelta lehiatzen ari diren 198 txirrindularietatik 19 (%9,6) dopin eskandaluetan nahastuak egon dira, Cyclisme-dopage.com webguneak plazaratutako zerrendan ikus daitekeenez. Iazko edizioak ehuneko bera zuen.

Contador, Bennati eta Sörensen dira zerrendan ageri diren Saxo-Tinkoff taldeko hiru txirrindulariak.(Argazkia: roadbikereview.com)

(gehiago…)

Krimeako futbol taldeak onartzeagatik, Errusia 2018ko Munduko Koparik gabe?

2014-08-22  //  Errusia, Futbola  //  Iruzkinik ez

Krimeako taldeak onartzeagatik 2018ko Mundu Kopa ez ote dieten kenduko beldur dira errusiar agintari batzuk. Argazkian, Sevastopoleko zaleak.

Iragan astean hasi zen Errusiako Futbol Kopa. Tartean, bi partida hauek: Sebastopoleko SKChF – Simferopoleko TSK eta Yaltako Zhemtxuzhina – Sotxi. Emaitzen gainetik, zeresana eman du lehendabiziko hiruak Krimeako klubak izateak. Errusiako txapelketa ofizial batean aritu izanak eragina izan dezake errusiar taldeek Europako txapelketetan jasan dezaketen patuarekin (kanporatzearekin), edo 2018ko Munduko Kopa hartu ahal ez izatearekin.

(gehiago…)

Benito Lertxundi, Lekittarraren “fitxaketa” berria

2014-08-21  //  Arrauna, Musika  //  Iruzkin bat

Benito Lertxundi kantari oriotarrak kontzertua eskainiko du larunbatean Lekeitioko Santi Brouard pilotalekuan (22:00etan), Isuntza Arraun Taldea laguntzeko ekitaldiaren baitan.

(gehiago…)

Eskoziar futbol zelaiak, independentziaren ala batasunaren alde?

2014-07-24  //  Eskozia, Futbola  //  Iruzkinik ez

Eskozia independentearen ala Erresuma Batuaren alde, zein aukera egingo dute futbol zaleek? (Ilustrazioa: Marta Vilches / Panenka)

“Inkesten arabera, Rangerseko zale gehienek –Isabel II baino monarkiko, protestante eta britainiarragoa den taldeko zaleek– independentziaren aldeko bozka emango dute irailaren 18ko erreferendumean”. Hitz horiekin hasi du Gordon Cairns-ek Panenka aldizkarian plazaratutako erreportajea. Nola bizi du Eskoziako futbol ahulduak prozesu hori? Eraginik izango al du Ingalaterrak egin duen Munduko Kopa penagarriak?

(gehiago…)

Bilbao Basketen etorkizuna, beltz

2014-07-18  //  Saskibaloia  //  Iruzkinik ez

Raul Lopez, Alex Mumbrú eta Roger Grimau jokalariak, artxiboko irudian.

Epea amaituta, Bilbao Basketek ez du ACB ligan izenik eman, eta taldearen etorkizuna benetan beltz ageri da. Aurrerago izango da ardurak eskatzeko betarik, izan taldeko buruei, esku-hartu (ez) duten enpresariei, administrazioari zein ACB berari.

(gehiago…)

“Hala ibiltzen dira gautxoak” – Alemaniarren ospakizunak argentinarrak haserretu ditu

2014-07-16  //  Brasilgo Munduko Kopa 2014  //  Iruzkinik ez

Munduko Futbol Kopa igandean amaitu bazen ere, denbora luzean izango dira haren ingurukoak hizpide. Argentinan, esaterako, haserre bizia eragin dute Alemaniako jokalarien ospakizun-ekitaldian ikusitako irudiok. Mario Götze, Miroslav Klose, Toni Kroos eta beste hiru jokalari ageri dira, makurtuta lehenengo, “Hala ibiltzen dira gautxoak” abesten; zutik eta animoso gero, “Hala ibiltzen dira alemaniarrak” kantari. Bromak –burlak–polemika eragitea ez da harritzekoa.

https://www.youtube.com/watch?v=dzPo_Hk-L6I

Informazio gehiago: Urgente24.com

Donostia Cup jokatu duten ume palestinarren adiskide bat hil dute israeldar bonbek

2014-07-15  //  Futbola, Palestina  //  Iruzkinik ez

[Zuzenketa: 2014-07-16]

Gertatutakoaren larritasuna ezbaian jarri gabe, albistea zuzendu beharrean gara. Israeldarrek ez dute Muslin –Hai Al Bustan taldeko kidea– hil, jokalarien adiskide Mohamed –eta haren familia– baizik, Garako kazetari Oihane Larretxeak ohartarazi digun moduan. Taldeko kideek oso gertuko zuten Mohamed, eta hori izan da okerreko informazio zabaltzearen arrazoia.

(gehiago…)

Brasilgo protestak: errepresioa datutan

2014-07-14  //  Brasilgo Munduko Kopa 2014  //  Iruzkinik ez

Protesta ugari egin zen 2013an Brasilen, gizarte justuago baten aldeko kolektibo desberdinek deituta, Munduko Futbol Koparen ingurumarian. Informazio eta adierazpen askatasunaren alde lanean diharduen Article19 taldeak irudi batean laburbildu ditu mobilizazioen aurkako “errepresioaren” ondorioak, Brasilgo hedabide nagusiek plazaratutako datu eta txostenetatik abiatuta.

(gehiago…)

Holandaren aurreneko penaltia ez al zen gol izan?

2014-07-11  //  Brasilgo Munduko Kopa 2014, Futbola  //  Iruzkinik ez

Holanda vs Argentina, Munduko Koparen finalerdietako penaltien txandan. Ron Vlaar jokalariak penaltia jaurti eta Sergio Romero atezainak geratu egin zuen… hasiera batean.

Ikusi ezazue foro sozialetan dezente zabaldu den bideoa:

https://www.youtube.com/watch?v=2R1AyIV-tQM

(gehiago…)