Hasi da kanpaina: Twitter euskaraz
Berriz ere hartu digute aurre katalanek. Eta eskerrak horri. Kostako litzaiguke bestela trena ateratzear, baina oraindik geltokian dagoela konturatzea. Twitterri buruz ari naiz, baina orokortu liteke eta hitz egin katalanek teknologia berriekin egin duten apostuaren seriotasunaz. Atzetik goaz, baina beti pentsatu izan dut ona dela gidari onari jarraitzea.
Albert Cuesta (Arg: Vilaweb)
Lehengo astean, Twitter enpresako zuzendari orokorrak Albert Cuesta kazetari eta ekintzaile katalanari beren zerbitzua laster katalanera itzuliko zutela iragarri zion. Katalanen garaipen handia izan da oraindik zazpi hizkuntzatan besterik ez dagoen mundu mailako zerbitzu bat beren hizkuntzan jartzea lortzea.
Katalanen kanpaina bi zutabetan oinarritu da:
1- Kanpaina zuzena izan da. Twitter bidezko kanpainak egiteko plataforman oinarritu dute eskaera. Mezuan Twitterreko idazkari orokorraren helbidea jarri zutenez, honek etxean jaso ditu milaka eskaera.
2- Kanpaina masiboa egin dute. 3.000 pertsona baino gehiagok, mezu hori berbidaltzeaz gain, webgunean bete dute Twitter itzultzeko eskaera.
Twitter euskaraz
ZER EGIN BEHAR DUGU?
Twitter denbora luzez ingelesez bakarrik izan da. Orain urtebete inguru beste hizkuntza batzuetara ere itzuliko zutela zabaldu zutenean, ahotsa pixka bat altxa genuen eta euskara ere noizbait itzultzeko hizkuntzen zerrendan sartu zuten. Baina ordutik denok elkarri begira gaude, eta esan bezala, eskerrak katalanak ez dauden geldi. Katalanek egin zuten kanpaina bera bultza behar dugu, baina euskarara ekarrita. Sinatu eta zabal dezagun. Izan ere, Vicent Partal Vilaweb guneko zuzendariak esandako hitz batzuk datorzkit burura:
Behin zure hizkuntza proiektu sendo batean sartuz gero, hurrena datorrenak, aurrekoa zein hizkuntzatara itzuli duten begiratuko du, eta naturaltasun osoz sartuko du zurea. Horregatik, kontua oso sinplea da: Edo zerrendan zaude, edo ez zaude. Horregatik, ahal den ahalegin guztia egin behar da bertan egoteko.
Euskara Wikipedia, WordPress eta Google bezalako proiektuetan sartzea lortu dugu. Gurea hizkuntza modernoa dela erakutsi dugu, eta gainera, ez gara gutxi. Umap webguneak euskaraz noizbait zerbait bidali duten 1658 twitterlari daudela kontatu ditu.
Guk ere zerrendan egon nahi dugu, ezta? Badakizu orduan zer egin.
PD: Webguneetan ibiltzen zaretenok, ondorengo kodea ere jar dezakezue nahi duzuen lekuan:
<script src=”http://act.ly/widget/firebox/35s?recruiter=larbelaitz” type=”text/javascript”></script>
12 Iruzkin
Trackbacks/Pingbacks
- Tweets that mention Hasi da kanpaina: Twitter euskaraz -- Topsy.com - [...] This post was mentioned on Twitter by larbelaitz, Gazteaukera. Gazteaukera said: RT @larbelaitz: [Blogean] Hasi da kanpaina: Twitter euskaraz…
- Asteko laburpena — Zeruak eta urak - [...] Shared Hasi da kanpaina: Twitter euskaraz. [...]
- Una iniciativa para que twitter esté en euskera - Pedradas - [...] que la citada red social esté próximamente en catalán. Lo explica Lander Arbelaitz (en euskera): Hasi da kanpaina: twitter…
- Katalanak bazterrean utzita, Twitter beste bost hizkuntzatan prest da - [...] Hasi da kanpaina: Twitter euskaraz [...]
- Twitter aplikazioa euskaratu du Blackberryk - [...] darabilten hauek Twitter euskaratzeko kontuarekin! Horrenbesterako al da ba? Hemen itsatsiko dut, lehen kanpaina hasi genuenean ekarri genuen Vicent…
- Aldaba » Blog Archive » TWITTERREK EUSKARATZEKO GUNEA IREKI DU - [...] Euskaratzea eskatzeko zenbait kanpaina egin dituzte erabiltzaileek sarean, ARGIAko kazetari Lander Arbelaitzek hasitakoa, Joseba Kamiok “Maite zaitugu, maita gaitzazu…
- Twitter euskarara itzultzeko aukera ireki dute « Pausoz pauso normalizazio bidean - [...] euskarara itzultzeko eskaerek erantzuna izan dute azkenean. Atzo arratsaldean Twitterrek iragarri zuenez bere interfazea beste 6 [...]
- Twitter erabiltzen duzu? – zuzeu.com - [...] euskaraz izan ere. Lander Arbelaitz garaipen txiki onen merezimendu gehien duenetakoa da, hark hasi baitzuen, kataluniarrei segika, euskarazko Twitter…
- Twitter euskaraz « gabilo747 - [...] http://www.argia.eus/erredakzio-mahaia/lander-arbelaitz/2011/02/23/hasi-da-kanpaina-twitter-euskaraz/ [...]
- Euskal Herriko Trending Topic zerrenda | zuzeu.com - [...] ia 15.000 erabiltzaile ari dira euskaraz Twitterren, umap-en arabera. 2011ko otsailean, Arbelaitzek “Hasi da kanpaina: Twitter euskaraz” publikatu zuenean,…
- » Euskal Herriko Trending Topic zerrenda Harriak errekan - [...] ia 15.000 erabiltzaile ari dira euskaraz Twitterren, umap-en arabera. 2011ko otsailean, Arbelaitzek “Hasi da kanpaina: Twitter euskaraz” publikatu zuenean,…
- Eskaera abian da: Euskal Herriko Joeren zerrenda (TT) nahi dugu | zuzeu.com - [...] jarri da abian. Eskaera Dickc Costolo Twitterreko CEOari dago zuzendua, aurrez Lander Arbelaitzek Twitter euskaratzerako orduan egin bezala.Laburbilduz, zertarako…
ona!! eguzkia ateakoa noizbaiten lasai! lortuko degu!
jarrai zak lanian lasai lasai! jjj animo.
Aupaaaaaa! Hau gora doa! Animo!! Ekimen bikaina!
Lortuko dugu!!!!!!!!! Animo animo!!!! Milesker olatu hau hasteagatik!!!!!!!!
euskera jalgi hadi twittera!!!!!!!!! Euskeraz eixu!!
twuitter euskaraz nahi dugu!
Blog hau oso ona da! Zorionak! Jarraituko zaitut
ba da garaia ez da ??????
Nere adostasuna ematen dut twitter euskaraz ere, bixtan da, izan dadin.
Aintzina ! Aurrera !
twuitter euskaraz nahi dugu
Twitterra eukaraz jartzea nahi dugu, denon artean lortuko dugu.
Beste alde batetik Guernica-Gernikara ekartzeko sinadurak elkartzen ari dira Gernikako udaletxetik. Hemen uzten dizuet enlazea, ea lortzen degun.
web orria: http://www.guernicagernikara.net/home/?page_id=80
twitteau!
Gure herrian, iaz, fiilama batzuk elkartu eta neguko arratsalde ilun, euritsu eta hotzetan elkartzeko lokal baten bila hasi ginen. Jabearekin hitz egin eta txukundu eta egokitu ondoren, fiilama bakoitzak etxetik ekarpenak egin genituen: aulkitxoak, mahaiak, jostailuak, ipuinak, margoak, kafetera dena izan zen ongi etorria. Jolas txokoa izena jarri genion eta hantxe izan ginen azarotik apirila bitarte. Aurtengo udazken hasiera epela eta lehorra izan dugu eta oraindik beharra ez dugu somatu, baina, bai, aurten zer egingo dugun pentsatzen jarri beharko dugu.