Hego Kurdistanek independentzia erreferenduma egingo du “hilabete batzuen buruan”

Atalak: Kurdistan

Iraken menpe dagoen Kurdistaneko lehen ministroak adierazi du BBCn independentzia erreferenduma egiteko asmoa dutela. Dagoeneko Irakeko estatua de facto zatituta dagoela eta kurduek beren etorkizuna erabakitzeko eskubidea dutela dio.

Joan den hilabetean, armada kurduak aurrez borrokan zeuzkaten lur eremuak hartu ditu, segurtasun indar irakiarrek hauek abandonatu ostean, ISIS indar islamiarren mugimenduen ondorioz. Horien artean dago petroleo erreserba handiak dauzkan Kirkuk ere.

“Azken aldian gertatu den orok erakusten digu Kurdistanen eskubidea dela independentzia lortzea”, esan du Barzanik BBCn. “Hemendik aurrera, ez dugu ezkutatuko hori dela gure helburua. Irak dagoeneko zatituta dago. Herrialdeak bizi duen egoera tragiko honetan egon behar ote dugu? Ez naiz ni independentzia erabakiko duena. Herria izango da. Erreferenduma egingo dugu hilabete batzuen buruan”.

Kurdistan, bost estatutan zatituta (Arg: Wikipedia)

Geopolitikaz orain egun gutxi Pello Zubiriak Sirian hasi ote da mamitzen Ekialde Hurbileko mapa berria? galdetu zuen. Irakeko estatua zurrunbilo handi batean dagoen honetan, gaur arratsaldean bertan AEBetatik iritsi den titular hau oso zuzena da ulertu nahi duenarentzat: Iraken amaiera.

Informazio gehiago:

argia.eus/kurdistan kanalean estaturik gabeko herrialde honi buruzko informazio gehiago.