Milaka kortsikar kalera atera dira “Ghjustizia Per Maxime” eskatzera

Atalak: Kortsika

Maxime Beux gazteak ezkerreko begia galdu du, joan den asteazkenean poliziak botatako objektu batek jota. Larunbatean milaka pertsona atera dira kalera Bastian “Ghjustizia per Maxime” eskatzeko.

Le Monden irakur daitekeenez, aurreko astean Reims-Bastia partidaren ostean, dozena bat zalek istiluak izan zituzten poliziarekin. Orduan, 22 urteko Bastiako jarraitzaile Maxime Beux begian jo zuen poliziak botatako zerbaitek eta begia galdu duela jakin da gerora.

Honen berri jakin ostean, protesta eta istiluak hasi ziren Korsikan ere. Igandean, Cortin, gendarmeriaren aurka molotov koktelak bota zituzten.

Astean zehar, #GhustiziaPerMaxime aldarria asko zabaldu da. Joan den larunbatean, manifestazioan jende asko bildu zen, azpian ikus daitekeenez.