Madrilgo #OfeliaResiste kanpainak zuhurtasunez ospatu du garaipena

Atalak: Uncategorized

Gaueko 00:00etan atera zuten familiako argazkia. (Arg: @juancarlosmohr)

Lehen bataila irabazi dute Madrilen Ofelia Nieto kaleko eraikina eraistearen aurka mobilizatu diren ehunka pertsonak. Bart gauerdian amaitu da Udalak hau egiteko zuen epea. Bertan hiru familia bizi dira eta espaloia zabaltzeko argudiopean kalean utzi nahi dituzte. “Sí se puede” oihuka ospatu dute garaipena. Halere, webgunean argitaratutako oharrean jakinarazi dute, jakitun direla Udalak eraiste baimenaren luzatzea eskatu duela.

“Abuztuaren 14ko goizaldean jasan zuten porrot nabarmenaren ostean, ez dira berriz saiatu eraikina desalojatzen. Ordutik ehunka ekintzaile txandaka ibili dira familia bere borrokan ez bakarrik uzteko (…) une gorena 28ko gauean bizitu dugu, 150 pertsonak azken sprint erabakiorra ixteko gaua pasa zutenean bertan”.

Badirudi, beraz, borroka ez dela amaitu. Eraiste baimenen luzatzea eskatuta, eraikina eta bertako familiak babesten jarraituko dutela adierazi dute.

Pozik dira ekintzaleak, beren ustetan, Ofelia Nietoko esperientzia honek etxebizitza duina izateko eskubidearen aldeko kolektiboen sarea indartu duela pentsatzen baitute.

Y Ofelia resistió argazki galeria egin dute eldiario.es gunean. Bertatik aterea da azpiko hau.

Periodismo Humano gunean ere gaiaren jarraipena egin dute eta bertan txiorik adierazgarrienak bildu dituzte. Gaztelaniaz izan arren, gaiaren jarraipena egin duenarentzat interesgarri izango dela iruditzen zait.