Aktiboa izan nahi?

2010-12-16 // Sailkatu gabea // Iruzkinik ez

Iaz ibili nintzen bueltaka soziolinguistika domestikoarekin eta aurten ere matraka eman dut gai berarekin top ten famatuan.
Buruntzaldeko euskara zerbitzuek zelanbait horri oratu eta aktiboa izan nahi? izeneko orria paratu dute euren webgunean.
Herritar euskaldun aktiboa izateko beharrezkoa den informazioa helarazi gura du webguneak: zer egin daitekeen euskaraz jaso nahi du. Gainera, iradokizunak espero dituzte.

Nik batutako gomendioak ere jaso dituzte eta eskertzekoa da. Aurrera ba!

Katuajeak

2010-12-13 // Sailkatu gabea // Iruzkin bat

Aspaldion gabiltza kulturgintzarekin gora eta behera. Eta oraingo honetan katuajeekin gatoz.

Lorea Agirrek astean behin Berrian idazten ditu katuajeak. Gehienetan kulturgintzari buruzkoak. Azken aldiko haize berria eta freskoa dakar astero, kritika sotilak eta latzak plazaratuz. Artikulu batzuk antologikoak dira nire ustez. Hona hemen nire zerrendatxoa:

– Baskotasunaz: euskal kulturaren eta kultur baskoaren arteko harremanez ari da artikulu honetan.

– Funtzioa: moldez ala artez, gai berberari buruz aritzen da oraingo honetan.

– Euskaldun bat, quechua bat eta joruba bat: euskararen egunerako ezin hobea.

– Kausa eta ondorioa: euskarazko kulturaren transmisioaren errotaz.

Eta gehiagoren zain gaude, hona lapurtzeko.

Lanak egingo gaitu libre

2010-12-09 // Sailkatu gabea // Iruzkinik ez

Edo hori esaten zuten batzuek behintzat. Argi dago, hala ere, hizkuntza batean edo batzuetan sozializatzen garela lanean.

Lana euskalduntzeko ahalegin eta ekimen asko egiten ditugu Euskal Herrian. Eta kontua da horietako batzuk pilatu zaizkidala eta artikulu bakar batean ekarriko ditut hona.

Lehenik, Klusterrekoek normalizazio kasu aurreratu berri bi ekarri dituzte. Oraingo honetan irakaskuntza mundukoak: Txingudi ikastola eta Lizarra ikastola. Bide polita ari dira egiten eredugarriak izan daitezkeenak batuz. Ea jarraitzen duen.

Bigarrenik, Bai Euskarari ziurtagirikoek bloga ireki berri dute: bai sarean. Ondo etorri! Lan munduan erreferentzia den Lantalan apur bat lagunduago dago orain.

Eta, azkenik, Klusterrekoek eurek Eralan 2 proiektua amaitu egin dute. Jardunaldiak egin zituzten (bideoan osorik dago), eta argitalpena ere egin dute.

Irakurgaiak: Soziolinguistika eskuliburua

2010-12-02 // Irakurgaiak // Iruzkinik ez

Soziolinguistika eskuliburua irakurri berri dut. Eta gaia fresko izanik, lehen baloraziotxoa egitea otu zait. Eta hor doa.

Soziolinguistikaren ikuspegi orokorra ematen du liburuak, soziolinguistikaren familia eta adar guztiak batzeko ahalegina egiten du. Eta eskertzekoa da. Hala ere, horrek egiten du liburu mardula osatu behar izatea. Nire ustez, luzeegia da liburua, edo beste era
batera esanda, gai batzuk oso luze lantzen ditu liburuak.

Euskaratik eta euskaraz eginda dago. Eta hori bada aurrerapen nabarmena, eta liburuaren funtsezko ekarpena. Gainera, gai askotan sakontzera bultzatzen gaitu liburuak, bibliografia joria emanez, eta pistak iradokiz.

Hala ere, gai batzuetan akademikoegia da, sakonegia. Nik dibulgatiboa irudikatzen nuen, barruntatzen nuen. Egia da, haatik, ikerketari garrantzi handia ematen diola eta eskertzekoa dela ikuspegi hori.

Azkenik, baina ez garrantzi gutxiegi duenik, liburuaren azken orrian zein agertuko? Eta neu ….. (ez dakit mezu ezkuturen bat ez ote dagoen horrekin, neu naiz euskal soziolinguistikaren azken orria? kar-kar-kar)

Euskara erdigunean jartzeak beste kultur politikak behar ditu

2010-11-30 // Sailkatu gabea // Iruzkin bat

Kulturgintzari buruz azken aldion artikulu batzuk idatzi ditut, eta hauxe izango da azkena momentuz. Irakurle batek esan dit jarraitzeko kulturgintzako gaiekin, baina pildora moduan edo. Eta ari naiz horri buelta pare bat ematen.

Sorguneak-ek egindako txostenak dioenez, euskara erdigunean jartzeak eskatzen ditu bestelako kultur politikak:

– Euskararen premiei erantzun beharrak hizkuntzaren egoera soziolinguistikoa kontutan izatea dakar.

– Euskararen egoera ez normalizatuak profesional zein zaletuak biltzeko ezinbesteko beharra du aurrera egingo badu, eta hortik behetik gorako ereduen egokitasuna (zaletuak elikatu behar dira sortzaileak izango badira).

– Euskara erdigunean jartzen duen diziplina orok transmisio bideak antolatzea ezinbestekoa du, transmisio naturala oso eremu gutxitan ematen baita.

– Euskara erdigunean jartzen duen ezein diziplinak merkaturatze eta hedatze sistema propia landu behar du.

– Euskara erdigunean jartzen duen ezein diziplinak administrazioarekin elkarlana ezinbestekoa du.

– Euskara erdigunean jartzen duen ezein diziplinak euskararen eta euskal kulturaren eragile eta sustatzaile izan behar du, eta horrela izanik kultura biziberritzeko gune estrategiko bihur daiteke.

Saileko beste artikuluak:

– Kulturgintzaren gakoak

– Euskara erdigunean, Bizkaian baita

– Euskara erdigunean kulturgintzan

Euskara erdigunean kulturgintzan

2010-11-28 // Sailkatu gabea // Iruzkin bat

Pasa den astean, aipatu nuen euskara erdigunearen garrantzia kulturgintzan eta Bizkaiko zerrenda bat egin nuen (erantzunak eta kritikak gura nituen, baina jaso ez).

Eta oraingoan beste zerrenda bat dator, oraingo honetan Euskal Herri mailakoa. Eta zerrenda honetan ez da agertzen gurebook atari berria.

– Sorguneak

– Mintzola

– Gaztezulo aldizkaria

– Bertsozale elkartea

– EHZ

– Kultur aldizkariak: Erlea, Entzun, Luma, Nabarra, Jakin … Internetekoak ere: armiarma.com, uberan.org, ekaitzaldi bloga, …

– Kameratoia

– Kultur errota

– Spraikada

– Xabiroi komikia

– Irakurri, gozatu eta oparitu

– Irakurle klubak

– Literaturia + Ahotsenea

– Korrika kulturala

– Ikastolen jaiak

– Bularretik mintzora

– 111 akademia

– Euskal Idazleen Elkartea

– Literatura unibertsala bilduma

– Katalogoa.org

– Euskal Herriko Antzerkizaleen Elkartea (EHAZE)

Besterik bururatzen?

Praktikak-gaitasunak-emozioak

2010-11-25 // Sailkatu gabea // Iruzkinik ez

Klusterrekoek ere aipatu dute Jone Mirenen hitzaldia. Eta zehaztasun gehiago ekarri dute (egon ez ginenok ezin jakin). Erantzun batera eraman banuen ere, hobeto artikulu moduan.

o ERABILERA – PRAKTIKAK
Erabilera
hitza hitz egitearekin lotua dagoelakoan, Praktika proposatzen du
hizkuntza batean iragarki bat irakurtzea edo euskarazko elkarrizketa
batean hiztun batek hiztun-pasibo bezala jokatzen badu, praktika
linguistiko bat egiten ari dela jaso nahian.

o EZAGUTZA – GAITASUNAK
Ezagutza
kontzeptuak funtzionatzen du EZAGUTZEN DU/ EZ DU EZAGUTZEN eskeman.
Hiztun bakoitza hizkuntza batean zenbait funtzio ongi betetzeko gai da,
beste batzuk erdizka bete ditzake eta bete ez ditzakeen batzuk ere
baditu. Horien bilduma lirateke bere gaitasunak (edo konpetentziak edo
trebetasunak).

o MOTIBAZIOA- EMOZIOAK
Motibazioa
mugatzaileegia da eta zentzu batean uler daiteke (Motibazio handia,
txikia, honek hark baino motibazio gehiago,…) Hizkuntzarekiko emozioak
eskala bakar batean bildu ezin diren senmtimenduen multzoa dira.

Emozioak-gaitasuna-praktika

2010-11-22 // Sailkatu gabea // 3 iruzkin

Motibazioa, ezagutza eta erabilera izan dira euskal soziolinguistikaren ardatzak azken urteotan. Txepetxek asmatu eta beste guztiok hari ikasi.

Baina … Jone Miren Hernandez ausartu da. Aldaketa eskatu eta alternatiba proposatu: emozioak-gaitasuna-praktika.

Beraz ….

Motibazioa-ezagutza-erabilera

vs.

Emozioak-gaitasuna-praktika

Zeinen alde zaude zu?

Euskara erdigunean, Bizkaian baita

2010-11-21 // Sailkatu gabea // Iruzkinik ez

Aurreko
batean kulturgintza arloan euskara erdigunean jartzearen garrantzia
aipatu nuen. Eta horren harira, lagun batek eskatu zidan zerrenda bat
egiteko. Esanekoa naizenez, zerrenda baten beharrean bi egingo ditut.

Gaurkoan
dator lehena. Zerrenda bat da, ez hurrenkera, eta gainera ez da bat ere
zuzena. Euskara erdigunean jartzen dituzten ekimenak batu ditut. Ekimen oso potoloak eta oso-oso txikiak nahasten ditu
zerrendak. Eta horren jakitun naiz, baina horrela egin nahi nuen.
Bizkaia mailakoa da, toki mailakoa. Datorren astean, Euskal Herrikoa
etorriko da.

Gainera, zerrenda bat da, ekimen batzuetan egon daiteke zer kritikatua eta zer sakondua. Eta akaso ekimenetako batzuk ez dira oso ezagunak izango. Kritikak gura ditut, baita ekarpenak ere.

– Kafe antzokiak: Bilbo, Ondarroa, Durango eta Bermeo.

– Literaturia + literatura eskola

– Ahotsenea + haur literatura aretoa (Durangoko azokaren barruan)

– Literatur taldeak (klubak): Basauri, Santutxu, Meatzaldea, Larrabetzu, Uribe Kosta …

– Kurkuluxetan antzerki eskola (Kukuke antzerki eskola Derion)

– Trolebu elkartea (Aulesti)

– Algortako bertso eskola, eta beste bertso eskolak.

– Sopelako esaera zaharren txapelketa, eta Berba probak Mungian.

– Azkue fundazioa

– Sendi proiektua (Getxo)

– Ibilaldia

– Derioztarrak 5 kontinenteetan