"Emmy sariak 2015": Hautagaiak

2015-07-17  //  Albisteak, Sariak, Telesailak  //  Iruzkinik ez

Atzo iragarri zituzten aurtengo Emmy sarietan egongo diren hautagai guztiak. Izendatuekin, ezusteko gutxi , baina bai sailkapen moten artean gertakizun bitxiak; adibidez, Orange is the new black komedia barruan egon beharrean, drama onenaren arloan egotea.
Nabarmentzekoa baita ere Netflix-en gorakada, geroz eta handiagoa, 34 izendapenekin (‘Unbreakable Kimmy Schmidt’, ‘Bloodline’ , ‘Daredevil’…) Hori bai HBO-ren 126-etatik oraindik urrun.
Hemen izendapen garrantzitsuenak.
(gehiago…)

Aspertua? Ez galdu azken urteetako 50 "thriller" onenak!

2015-07-16  //  Gomendioak, Pelikulak  //  Iruzkinik ez

“Imajina dezagun gizon bat, etxeko sofan eserita . Azpian lehertzeko zorian dagoen lehergailu bat duela. Berak ez daki hor dagoela, ikusleak ordea bai. Hori da suspensea”.

Alfred hitchcock.

Suspensea eta thrillerra maiz lotzen diren bi genero dira, baina zuzena al da lotura hau? Thrillerra: (ingelesetik to thrill, ikaratu)”Misterio eta tentsioa osagai dituen literatura, bideo-joko eta zinema generoa eta ikusle-irakurleari eragin emozional handia sortarazten diona”  honela dio definizioak. Beraz suspenserik gabeko thrillerrik egon al daiteke? nire ustez ez, beste hainbat osagarrirekin batera, misterio-puntu hori baita xarma nagusietako bat.
Besteak ohiko ezaugarriak zeintzuk dira? topikoetara joaz:

–Burututako krimen bat– ala burutzear dagoena- izaten dela istorioen alderdi garrantzitsuetako bat eta gatazkaren ezinbesteko puntua; intriga, eta manipulaturiko informazioa ere ageri direlarik. Desagerketak ere nahiko tipikoak izaten dira.

-Hortik tiraz, susmagarriak diruditen hainbat pertsonaia ageri dira, minutuak pasa hala “gure susmagarria” aldatzen doalarik.

-Narratibaren lanketan aldiz, liburuen kasuan, biolentziaz kargaturiko egoerak ageri dira. Berbera, zinemara itzulita, irudi bortitzen agerpena.

– Efektu etiko zein estetikoen bitartez, tentsioa eta estresa eragiten dituzten elementuak ere maiz azpimarratzen dira,bai  protagonista eta baita ikuslea ere,  mugaraino eramanez.

-Falta ezin dena noski, hain bereizgarria izaten den atmosfera ilun eta astun hori. Fincher handiak adibidez, maisutasunez maneiatzen dakiena.

Guzti hau kontuan izanik, goazen harira.  Nire genero  gogokoenetarikoak (eta jende askorena),  azken urteetan eman dituen ezinbesteko tituluak aipatzera.

Muga bat jartzearren, 1990 urtetik aurrerako filmak soilik sartuko ditut zerrendan.

(Eta noski, inongo ordenik jarraitu gabe, besterik gabe zerrenda goitik behera):

  (gehiago…)

Oporretan ikusteko, aurtengo telesail-motzak

2015-07-09  //  Gomendioak, Telesailak  //  Iruzkinik ez

Oporrak hastear edo jada hasita izango dituzue zuetariko askok. Hegazkina, kotxea ala trena hartzeko prest. Bertan ordu dezente igaro behar dituzuela eta, entretenitzeko zer egin dezakezuen ariko zarete. Askok, liburua aukeratuko duzue noski, baina beste batzuk nahiago izaten duzue film ala telesailetara jo. Baliteke bidaia luzerik egin behar ez izatea,  baina oporrak igaro behar dituzuen toki horretan, eguzkia desagertzen den momentuan, afal ostean, gelan lasai ikusteko zerbaiten bila ariko zarete. Hori bai,  ez dadila luzeegia izan , egun-tarte horietan hasi eta bukatzeko zerbait. Harrapatzeko modukoa izan dadila, baina atal gutxikoa ala behintzat denboraldi bakarrekoa eta ahal izanez gero zerbait berria, aurtengoa. Hementxe nator, aurten deskubritu ditudan telesail motz ala mini-serieak gomendatzeko prest!

(…eta datu bitxi bat, zerrenda osoan ez da telesail amerikar bakar bat ageri, lehenengo aldia  da blogarekin hasi nintzenetik hau gertatzen zaidala)

(gehiago…)

LOST: historiako telesail onena.

2015-07-06  //  Telesailak  //  2 iruzkin

Lost, historiako telesail onena dela argudiatzeko, bi lerro baino ez nituzke behar. Istorio bat kontatzerako orduan, niretzat, garrantzitsuena, emozioa da, sentimendua, ikusten duzun horrek zure barneko tekla hori zanpatzea lortu duen ala ez. Lost-ek tekla guztiak ukitu zituen nire barnean, telesail bat ikustean, lehenagotik inoiz sentitu ez nituen sentsazioak, astero-astero azaleratzea lortu zituelako.
(gehiago…)

Zinemaren sorrera zalantzan jartzen duen dokumentala

2015-07-02  //  Albisteak, Pelikulak  //  Iruzkinik ez

“Historiako lehen filma” entzuten dugunean, Lumière anaiak ala Thomas Edison bezalako izenak datozkigu burura. Kontua da, David Wilkinson-ek zuzenduriko, “The first film” izeneko dokumental bati esker guzti hau pikutara joan daitekeela.

(gehiago…)

Zein izan zen zinemaren historiako lehen Blockbuster-a?

2015-06-25  //  Sailkatugabeak  //  Iruzkinik ez

Lehenik eta behin blockbuster bat zer den argitu beharko genuke. “Hori Blockbuster bat besterik ez da!”, “Uf, Blockbusterrak ez ditut batere gogoko, nahiago dut zinema independientea”. Zenbatetan entzungo genituen esaldi hauek? Zer da zehazki orduan, ditxosozko blockbuster bat?  Wikipediaren arabera: Blockbuster filma (ingelesez blokea lehertarazten duena) ikusleen artean oso arrakastatsua den filma da, nonbait txartel salmentan 100 miloi dolarrez gorako etekinak lortzen dituena. Hau da, diru kopuru handiak mugitzen dituzten (eta normalean errentagarriak diren) entretenimendurako produktuak. Baina kontzeptu hau hobeto ulertzeko, jatorrira joatea litzateke bidezkoena, historiako lehen blockbuster-a kontsideratzen den filma aztertzera, Spielberg handiaren Jaws (1975) filma.
(gehiago…)

Netflix badator. Baina, zer da? zein aldaketa eragin ditzake?

2015-06-18  //  Albisteak, Pelikulak, Telesailak  //  Iruzkinik ez

Hil  honen  hasieran  jakin  dugu  Netflix  plataforma  digitala  Hego Euskal  Herrira urrian  iritsiko  dela.  Iparraldeko erabiltzaileek  iaztik dute Netflix baliatzeko aukera. Streaming bidez, serieak eta pelikulak eskaintzen dituen zerbitzua da . 2011an eduki propioa sortzen hasi zen. Hau da, telebista kateek eskaintzen dituzten serie eta saioak emateaz  gain,  zuzenean  erabiltzaileari  Netflixek  berak  ekoiztutako serieak sortzen ditu.  House of  Cards edo  Orange is  the new black arrakastatsuak, esaterako.

Netflixekin,  beste  plataforma  digital  batzuekin  bezala,  ez  da beharrezkoa telebista bat, telebista gailu bat, izatea etxean. Nahikoa da interneteko konexioa, kreditu txartela, eta edozein pantaila izatea gure gustuko serieak ikusteko. Estatu  Batuetan,  esaterako,  bi  milio  t’erdi  etxe  baino  gehiagotan internet  bidez  bakarrik  ikusten  dituzte  bideo  edukiak,  eta  ez  dute telebistarik,  ez kable bidezkorik ez betiko telebistarik ere.
 

Netflixen  etorrera  albiste ona al da?

Bai albiste ona da. Baina kasu honetan herrenka datorrela uste dut. Nire baldintza minimoen artean hauek bete beharko lituzkeelako:

• Jatorrizko hizkuntzan ikusteko aukera: ez dago batere argi aukera hau eskainiko duten ala ez. Beraz -1
• Primerako irudi-kalitatean: zentzu honetan enuen gutxiago espero, harpidetza motaren arabera 4Kn ikusteko aukera ere izango dugu. +1
• Estreinua Ameriketan aireratzen duten momentu berdinean ez bada, gehienez  24-48 ordu beranduago izatea. ia ezinezkoa iruditzen zait horrelako zerbait gertatzea, beraz puntu bat gutxiago. -1
• Katalogo zabala izatea: Ameriketan 10 000 titulu inguru daude, Ingalaterran 2500 eta Frantzian 1000 inguru. Hemengo edukiak ziurrenik Frantziakoen oso antzekoak izango dira. Beraz, eskasa, oso eskasa. -1

_____________________________________________________________________

Beren telesailik ezagunenak ikusi ahal izango ditugu?

Bere ikur bilakatu diren House of cards eta Orange is the new black ez dira katalogo barruan etorriko. Espainian Canal +ek bereganatu baizituen eskubideak. Aurten estreinatu diren Bloodline, Daredevil edo Sense8 aldiz bai.


Baita Irailetik aurrera aireratuko dituzten Narcos eta Marco Polo. Filmen arloan ere emango du zeresana: ‘Beasts of No Nation’, The Ridiculous Six’ eta Bradd Pitt-en ‘War Machine’ adibidez.


 
_____________________________________________________________________

Jadanik  gure  artean  badira  bideoa  eskaintzen  duten eskaribidezko  plataformak.  Zein  desberdintasun  dago hauen  eta Netflixen artean?

Netflix

• Prezioa: Badirudi, 8€ inguru.
• Katalogoa: Nahiko murritza, hilero zabaltzen joango den arren. Hasiera bateko ekoizpenen %20 gainera,  Espainiarrak izango dira. Ameriketan 10 000 titulu inguru daude, Ingalaterran 2500 eta Frantzian 1000 inguru. Hemengo edukiak ziurrenik Frantziakoen oso antzekoak izango dira. Beraz, eskasa, oso eskasa
• Alokairua: Ez
• Gailuak : Bateragarritasun aldetik ziurrenik zabalena izan liteke, iOS, Android, kontsolak, Chromecast, Roku…

Wuaki

Jatorri espainiarreko plataforma dugu Wuaki. Netflix-en harpidetzaren eredua eta bideoklub online baten arteko nahasketa izan liteke:

• Prezioa: 6,99€ hilabetean, baina ezin dira filmen 100%ak ikusi, nahiko mugatua.
• Katalogoa: Alkilerrean eduki nahiko zabala, harpidetzan eskasagoa, baina nahikoa. Netflixen hasierako hilabeteean baino katalogo zabalago izan lezake.
• Alokairua: Bai, 3 eta 5€ artean
• Gailuak : Hemen ere, bateragarritasun zabala.

Yomvi

Yomvi Canal +-en plataforma da

• Prezioa: Harpidetza maila desberdinak daude. Basikoena  6€  /hilean eta Netflixen antzekoena. Hortik aurrera, 25 kate gehiago, (12euro hilean)  edo futbola ikusteko (18euro)
• Katalogoa: 6000 titulu inguru-
• Alokairua:Bai, 1500 títulu inguru.
• Gailuak :PC, Mac, iOS, Android, kontsolak eta Smart TV gehienak.

Movistar Series

Netflix-en oso antzekoa baina takilla aukerarik gabe.  Katalogoa jatorrizko hizkuntzan eta bikoiztua. Atal berriak, AEB estreinatu eta 24 ordutara ikusteko aukera. Traba nagusia? Movistar-en bezero izatea ezinbestekoa dela eta 40 euro inguru balio dituen deskodetzaile eskuratzea.

• Prezioa: 7€, bezeroentzak bakarrik.
• Katalogoa: Ez oso zabala baina aukerakoa.
• Alokairua: Ez
• Gailuak : Deskodetzaile bitartez, PC, Smarthones / tablets (iOS eta Android)

Filmin

Eduki independienteena duen plataforma izan liteke ziurrenik.

• Prezioa: 8 edo 15€.
• Katalogoa: 8275 film,  “Premier-ak” (berrienak edo esklusiboak)  eta arrunten artean banatuak.
• Alokairua: Bai. 2 eta 4€ artean.

_________________________________________________________________________

Ikusentzunezkoen  kalitatezko  aukera  ikaragarri  zabaldu da telebistako  serieen  loraldiarekin.  Internetek  ematen dituen aukerak, askatasunak, batetik, eta telesailen kalitateak, bestetik,hauen kontsumoa bultzatu eta liberalizatu egin dute.  Askatasun hori  zer  nolako  erronka da  telebista  konbentzionalentzat? Erabilera berri hauek zein aldaketa eragin ditu edo eragin ditzake etorkizun gertukoenean?

Nire ustez ez dute inongo aldaketarik edo erronkarik suposatuko telebista konbentzionalarentzat. Zergatik? telesailak horrela ikustea astakeria hutsa delako. Alde batetik oso berandu estreinatzen dituztelako, bestetik bikoiztuak eta iragarkiekin eta azkenik etengabeko egun eta ordu aldaketak jasaten dituztelako. Orain aste batzuk aipatu nizuen True detectiven kasua hortxe daukazue, sakrilegio hutsa! Nork ikusten ditu telesailak telebista konbentzionalean? Arrakasta gehien izaten dituzten telesail motak, prozedimentalak izaten dira (Bones, CSI…) Zergatik? Ez dutelako jarraipen zorrotz bat eskatzen eta atalak solte ikusi daitezkeelako.
Aldaketa jasan dezakeen arlo bakarra nire ustez, formatu fisikoen salmentan egon daiteke. Etorkizuna, eduki guzti hauek, streaming edo interneten bidez kontsumitzeko bideratua dago eta horrelako plataformen etorrerak (tamalez) dvd edo bluray formatuen desagerketa ekarri lezake.
_____________________________________________________________________

Serie berriez gain, internet bidezko kontsumo honek aspaldiko ekoizpenak berreskuratzea ekarri du?- Edo,  gutxiengo  baten  gustokoak  diren  serieak  zabaltzea  edo gehiengo batengana iristea? (Breaking Bad, esaterako, kontsumominoritario bat izatetik arrakasta itzela izatera pasa zen)

Hau da nire ustez gakoetako bat. Aintzinako telesailak erraztasunez eskuratzeko ahalmena, alderdi oso interesgarria iruditzen zait. Interneten lortzeko zailak diren ekoizpenak ala besterik gabe igande arratsalde batean sofan etzanda gaudela, klasiko horiek,  mugitu gabe berreskuratzeko aukera izatea, bikaina iruditzen zait. Horregatik katalogo zabala izatearen garrantzia.

________________________________________________________________

Eta  produkzio  handiez  gain,  ekoiztetxe  eta  enpresa  ahaltsuez gain, internet bidezko ikusentzunezkoen zabalkunde honek zein eragin  du  sortzaile  xumeagoengan?  Musikaren  kasuan, esaterako,  disketxeekiko  eta  distribuzioarekiko  askatasuna,musikari  berriarentzat  edo  ahalmen  gutxi  duenarentzat,onuragarria,  baina baita kaltegarria izan daitekeela ikusi dugu. Ikusentzunezkoen arloan gauza bera gertatzen da?

Orokorrean positiboa iruditzen zait. Argi dago internet bidezko ikus-entzunezkoen zabalkunde honekin, lehia eta konpetentzia askoz handiago dela,  baina behintzat erakusleiho horretan zuzenean egoteko aukera eskaintzen du. Orain, edozeinek igo ditzake bere webserie edo laburmetraiak sarera, modu honetan mundu osoak ikusi ditzan. Webserie eta telesailak gauza bera izatea eragin du honek ( Netflix produktuak ez al dira webserieak?), bien arteko marra hori ezabatu egin da.
Bestetik gainera, gaur egun ekoizpen ikusgarri bat,  diru gutxirekin egitea  -neurri batean noski – nahiko erraza da, doako aplikazio ikusgarriak daudelako eta merkatuan kamera nahiko merkeak aurki daitezkeelako, kalitate zoragarrian grabatzeko. Konpetentzia bortitz honek, nabarmentzeko behar bat sortu du eta honi esker, edukiari askoz ere arreta gehiago eskaintzen hasi zaio. Gidoiak askoz landuagoak daude eta konturatzen hasiak dira, gakoetako bat hor egon litekeela, istorioetan.
 
 
 
 
 

Azken urteetako 20 "komedia erromantiko" onenak

2015-06-16  //  Gomendioak, Pelikulak  //  Iruzkinik ez

Fantasiazko, beldurrezko eta abenturazko pelikulak. Laburmetraiak, telesailak eta dokumentalak. Pelikula frikiak, kultuzkoak eta nazkagarriak. Denetarik aipatu dut, orain bi urte sortu nuen blog honetan. Baina zer gertatzen da, komedia-erromantikoekin? Iritsi da garaia, prest nago, komediaren azpigenero hau aipatzeko. Eta zer da zehazki komedia-erromantiko bat? topikoetara joaz: Bi pertsona ezagutzen dira-normalean ezustean izaten da topaketa hau-. Ikuslearentzat, beraien arteko erakarpen hori ,oso  nabarmena den arren,  normalean kanpoko beste eragile bat sartzen da tartean: hirugarren pertsona bat azaltzen da. Edo hasiera batean ez dira ongi eramaten. Bietako batek senarra/emaztea du eta beraien artekoa ezinezkoa da…Une jakin batean eta hainbat momentu komikoren ostean, banandu egiten dira, beraien bizitza “arruntera” bueltatuz. Baina burua beste pertsona horrengan dute eta azkenean, betiko maitasuna adierazi...eta bla bla bla….

Topiko nazkagarri horietatik aldenduz, nire ustez: Umorez zipriztindua dagoen maitasun istorio bat, baina zailtasunak sortzen diren einean, drama dosi txiki batzuekin tartekatzen dituztelarik. Genero honetako film onenak Billy wilder, Lubitsch ala Cukor-en betiko klasikoak iruditzen zaizkit, gaur egungoen artean,  kalitatezko ekoizpenak aurkitzea, dezente kostatu zait,  egia esan. Oso nabarmena da, adibidez,  Love Actually, Bridget Jones, Pretty Woman ala Nothing Hill komedia-erromantikoak direla baina, Groundhog Day ala Eternal Sunshine of the Spotless Mind ezin al dira genero honen barnean sartu?  Goazen ba nire ustez, azken urteetako “komedia-erromantiko” onenak aipatzera:
 
(gehiago…)

"The Jinx" gustuko baduzu, ez galdu krimenei buruzko dokumental izugarri hauek!

2015-06-12  //  Dokumentalak, Gomendioak  //  Iruzkinik ez

“Errealitateak, fikzioa gainditzen du askotan”. Zenbat aldiz entzungo genuen esaldi hau? Horrela dela frogatzeko, dokumental sorta harrigarri eta zoragarri batzuekin natorkizue. Guztion ahotan dabilen The Jinx dokumentalaren gaitik tiraz, krimenei buruzko lan zirraragarrienak aipatuko dizkizuet gaurkoan. Tentsioa eta erritmoa, jolas-parke batean egongo bagina bezala, gora eta behera sentitzen ditugun bitartean Hollywoodeko edozein gidoik nahiko lituzkeen biraketa harrigarriz josia; eta esan bezala, errealitateak fikzioa gainditzen duenaren froga garbia diren istorioak:
(gehiago…)

"LaSexta-k" frogatu du, espainiar kateetan telesailak ikustea, astakeria hutsa dela

2015-06-03  //  Albisteak, Telesailak  //  Iruzkinik ez

Askotan galdetu izan dute,  Ameriketan sekulako arrakasta izan duten telesailek, Espainiar telebista kateetan aireratzen dituztenean,  zergatik egiten ote duten porrot. Argudio ugari okurritzen zaizkit, baina aste honetan, La Sexta telebista kateak egin duenarekin, nahikoa eta soberan. Twitter eta sare sozial guztiak, guztiz sutu zituztelarik.
(gehiago…)