Azken urteetako animaziozko film onenak

2015-04-09  //  Gomendioak, Pelikulak, PIXAR-GHIBLI  //  7 iruzkin

Animazio hitzaren definizio zuzena, latinetik datorrela esan daiteke “anima” =”arima” , beraz animatzearen akzioa “arimaz dohaindu” bezala itzuli genezake. Baina lehenik eta behin, genero honen barruan sailkapen txiki bat egitea izango litzateke bidezkoena:

• Animazio tradizionala
  • Marrazki bizidunak
  • Bolumen animazioa
  • Go motion bolumen animazioa
• Rotoskopia
• 3D Animazioa
• Animazio esperimentala
• Mugimendu “harrapaketa”

Marrazkien bidez mugimenduaren “ilusio” hori sortzea, zinemaren sorrera baina zaharragoa dela esaten dute hainbat historialarik, historiaurreraino atzera egin beharko genuke konkretuki.  Bertan labar-pinturen bitartez mugimendua adierazten baitzuten. Egipto eta Greziako ondorengo aurkikuntzek, joera hori berresten zutelarik.
Gaur egungo bi erreferente nagusiak, Pixar eta Ghibli izan litezke, baina bi estudio hauetatik haratago, hainbat film bikain aurki ditzakegu. Hauek, nire ustez, azken urteetako (2000 urtetik aurrera) animaziozko film onenak:
Gogorarazi beti bezala, zerrendako film batzuk, euskarazko azpitituluekin ikusteko aukera duzuela, azpitituluak.com webgunean
(gehiago…)

"Wayward Pines", Shyamalan-en telesaila, iristear

2015-03-26  //  Albisteak, Telesailak  //  Iruzkinik ez

Manoj Nelliyattu Shyamalan, Indiar jatorriko estatubatuar zinema zuzendari, gidoigile eta ekoizlea. Gorrotatua eta maitatua aldi berean. Hasierako filmekin nire zuzendari gogokoenetarikoa bilakatu zen tipoa; The Sixth sense, Unbreakable, The Village eta Lady in the water, zoragarriak iruditzen zaizkit, bikainak. Signs eta The Happening aldiz,  nabarmentzeko moduko hainbat alderdi dituztela uste dut. Baina 2008tik aurrera, bere ibilbide zinematografikoak erabateko gainbehera baten kronika geldiezina dirudi.
(gehiago…)

55 filmen lehen eta azken planoak

2015-03-25  //  Albisteak, Pelikulak  //  Iruzkinik ez

Zeintzuk dira zinemaren historiako hainbat pelikula garrantzitsuren, lehen eta azken planoak?  Jacob T. Swinney-k egindako bideo bitxi honetan –First and Final frames- ikus dezakegu esperimentua. Hainbat kasutan momentu harrigarriak sortzen direlarik, bai irudiek antzekotasun izugarria dutelako eta baita lotura oso bitxiak egiten direlako. Gai al zarete, film guztiak identifikatzen?
(bideoaren azpian izenburuen zerrenda erantsi ditut)

( Musika, Thomas Newman-en “Any Other Name” )
Hauek muntaian azaltzen diren filmak:

"The Leviathan": existitzen ez den film baten, trailer ikusgarria

2015-03-24  //  Albisteak, Pelikulak  //  Iruzkinik ez

Trailer kontzeptual ikusgarri honen egilea, Ruairí Robinson Irlandarra dugu, “The Last Days on Mars”  filmaren zuzendaria eta hainbat laburmetraien egilea, horietatik Blinky™ ezinbestekoa tartean delarik.  Oraingoan, Jim Uhls gidoilariaren laguntzarekin “The Leviathan” izeneko zientzia fikziozko istorio harrigarri hau sortu dute.  Momentuz trailerra besterik ez da existitzen, hau da proiektu bat besterik ez da.
Eta guzti honen intentzioa zein da? Munduko ekoizle eta ikus-entzunezko enpresa guztien begiak  bideo honetan ipintzea. Fenomeno geldiezin hau, aurrera jarraituz gero -milioika bisita eta zaletu ugari azaltzen ari dira filma errodatzeko eskatuz- interneti esker hainbat proiektu independiente aurrera eramateko  aukera esistizen denaren beste adibide bat izan liteke. Zurrumurruak besterik ez diren arren, badirudi Simon Kinberg -X-men sagaren ekoizle eta gidoilarietako bat-  Neill Blomkamp – District 9 (2009), Elysium (2013), Chappie (2015) eta etorkizunean  Alien 5 (2017)  – zuzendariarekin batera, prest daudela istorio hau zinemara eramateko.

Datu eskasak aurki daitezke, baina sinopsi ofizialak dioenez: ” XXII mende hasieran, gizakia hainbat planetara bidaiatzea eta aldi berean hauek kolonizatzea lortu du. Argia baina azkarrago bidaiatu ahal izateko, sekula ezagutu den, izaki handienaren arrautzen barnean aurkitzen den, materia bitxi bat lortu behar dute. Munstro hauek ehizatzeko ordea, ez da inor boluntario gisa eskainiko”
Moby Dick erraldoi bat espazioan barrena, edo horrelako zerbait.

 

"Indiana Jones" eta " Back to the future" filmen zalea? zorioneko zaude!

2015-03-23  //  Albisteak, Dokumentalak, Pelikulak  //  Iruzkinik ez

Orain aste batzuk idatzi nuen, “Goonies never say die”: salba dezagun abenturazko generoa! artikuluan aipatzen nituen adibideekin, nostalgiko jarri al zinen? Indiana Jones filmaren elkarrizketa guztiak hitzez-hitz esateko gai? Back to the future-en musika entzute hutsarekin, motibatu eta saltoka hasten zaren horietakoa zara? Raiders eta Back in time, gogoan izan orduan bi izenburu hauek.
(gehiago…)

Korrika badator! sasoi betean egoteko film eta dokumentalak

2015-03-18  //  Albisteak, Dokumentalak, Pelikulak  //  4 iruzkin

Bihar abituko da , munduan herri batek bere hizkuntzaren alde egiten duen ekimenik jendetsuena, KORRIKA.  Ehunka milaka pertsonak hartuko dute parte hizkuntza beraren sinbolo den lekuko bat eskuz esku elkarri pasaz etenik gabe. Hamaika egunez eta hamar gauez, 210 orduz luzatuko duten festan 2.300 kilometro inguru egingo dituzte Euskal Herriko hiri eta herri gehienak lotuz korrika.

Baina bide batez,  sasoi betean egoteko ala besterik gabe, motibazio puntu hori gehitzeko, zein pelikula edo dokumental ikus ditzakegu? nola islatu du zinemak, korrika egitearen gaia ? hauek, nire ustez sasoi-betean egoteko film eta dokumental aproposenak:
(gehiago…)

"Kampen om tungtvannet" telesaila, urteko lehen harribitxia

2015-03-13  //  Gomendioak, Telesailak  //  Iruzkin bat

Martxoan gaude oraindik,  baina badaukagu urteko telesaila izan litekeena, edo behintzat urte amaieran onenen artean egongo dena. Ez da amerikarra, ezta Ingelesa ere. 6 atalez osaturiko miniserie Norvegiarra baizik: Kampen om tungtvannet (The Heavy water war- Ur astunaren guda). Zuzendaria Per-Olav Sorensen, baina izen ezagun bat, sortzaileen artean aurki dezakegu, Adam Price, Borgen telesail zoragarriaren gidoilarietako bat besteak beste.


Istorioa kokatzeko, II. Mundu Gerrari buruzko atal konkretu batera egin behar dugu salto: “Ur astunaren bataila” deiturikoa. II Mundu Gerran, Norvegian gertaturiko gertaera historiko erabakigarriena. Rjukan kokaturiko Norsk Hydro enpresari eginiko sabotaje ekintzak, bertako ur astuna fabrikatzearen planak eragozteko. Eta zergatik zen hain garratzitsua ur hau? Naziek arma nuklearrak garatzeko behar zutelako.
Telesailak, lau ikuspuntu desberdinetatik erakusten digu gatazka; Lehenik eta behin, alemaniarren ikuspegia, energia atomikoari buruzko ikerkuntza zientifikoaren bitartez, Werner Heisenberg (Bai, Breaking bad telesaila pertsonaia erreal honetan inspiratu zen)  buru dela. Bestetik aliatuena, bai Londreseko kuartel nagusian eta baita eskoziarrean basean, sabotaje planak burutzen dituzten bitartean. Hirugarrena, erasoak burutzeko ardura duen norvegiar taldea. Eta azkenik, ur astuna fabrikatzen duten enpresa eta bertako zuzendariak.

Alderdi oso garrantzitsu bat eta gakoetako bat nire ustez, ez dutela efektu digitalik erabili −behar-beharrezkoak diren sekuentziaz gain noski−, zuzenean kokapenetara joan dira errodatzera −8 lokalizazio baino gehiagotan grabatu dute− eta horrek sekulako sinesgarritasuna ematen dio osotasunari. Nazien menpe bizitzearen beldur hori ezin hobeto trasmititzen du.


Aspaldi aipatu nizuen, ikus-entzunezko edozein produktu, jatorrizko hizkuntzan ikustearen defendatzaile amorratua naizela, eta kasu honetan are gehiago. Sekulako aberastasuna eskaintzen duen telesaila baita, lau hizkuntzatan errodatua: Norvegiera, danirmarkera, alemaniera eta ingelesa.

Telesail nordikoen arloan askotan aipatzen den zerbait, Bron broen, Borgen eta Forbrydelsen direla bertako urrezko hiru telesailak, gaurtik aurrera laugarren hautagai bat daukagu: Kampen om tungtvannet.

Itzuli daitezela! Bigarren aukera merezi duten telesailak

2015-03-05  //  Gomendioak, Telesailak  //  Iruzkinik ez

Lehia oso bortitza eta gogorra izaten da audientziaren aurrean nabarmentzeko guda horretan, eta bidean merezi ez duten telesailak geratzen dira askotan.  Behar ziren audientzia datu ez hain altuak, ekoizpenarekin jarraitzea eragozten duten ezin besarkatuzko aurrekontuak, edo besterik gabe, ikusle arruntaren aurrean arrakasta izateko, proposamen arriskutsuegiak.  Arrazoi hauengatik edo esplikaezinak diren beste batzuengatik, telesail asko ,bertan behera geratu eta ostrazismoan barrena bidaiatzea zigortuak izaten dira.

Adibide nabarmenena, Carnivale telesaila izan liteke; 2005eko Maiatzaren 11ean telesaila bertan behera geratuko zela iragarri zuten,  audientzia baxuak eta bigarren denboraldiaren ekoizpen gastu altuak izan ziren erantzule nagusiak. Honek, argumentuaren hainbat hari kolokan uztea eragin zuen eta ondorioz, zaletuek, bueltatzeko hainbat eskaera egin zituzten, asteburu bakar batean 50 000 email baina gehiago bidaliz.  Zurrumurru asko entzun dira azken urteetan film moduan bueltatuko ote zen ala ez, baina momentuz hortxe jarraitzen du, kaxan gordeta.
Zeintzuk dira bigarren aukera hori merezi duten telesailak? Bertan behera geratuko zirela iragarri zutenean,  sekulako amorruaren menpe utzi zizkiguten telesail horiek?

ITZULI DAITEZELA!

(gehiago…)

Derrigorrez ikusi beharreko telesail nordikoak

2015-02-26  //  Gomendioak, Telesailak  //  Iruzkin bat

Herrialde nordikoak, bost estatuz osaturiko eskualde geografikoa: Danimarka, Finlandia, Islandia, Norbegia eta Suedia. Guztion artean topikoen zerrenda txiki bat eginez gero, bikingoak, edredoiak, fiordoak, elur-oreinak, hezkuntza sistema inbidiagarria edo hotz ikaragarria bezalako kontzeptuak azalduko lirateke; eta.. telesailak zer?
Hasieran, bertako literatura bikaina eta iluna izan zen, ondoren sekulako kalitatea eta indarra zituzten istorioak kontatzen hasi ziren zinemaren bitartez eta urte batzutik hona, telesailak batu dira zerrenda bikain horretara. Danimarka, Suedia eta Norbegia sekulako arrakastarekin ari dira, beraien telesailak mundu osora esportatzen. Guztion begietatik idealizaturik daukagun gizarte horrek,  miseriak ere badauzkala nabarmentzen dituzten istorioak batipat. Punta-puntako telesailen katalogo horren barruan merezitako postua irabazi dutenak. Krimenez beteriko drama bortitzak, beraien gizarteari begirada kritikoz josiak, baina baita umore beltzez beteriko gidoiak eta amodiozko istorioa xelebreak ere.

Zeintzuk dira, azken urteetan derrigorrez ikusi beharreko telesail nordiko horiek?

(gehiago…)

Non eta nola ikusi gaur gaueko Oscar sariak?

2015-02-22  //  Albisteak, Sailkatugabeak, Sariak  //  Iruzkinik ez

Gaur gauean ospatuko da 87. Oscar Sarien ekitaldia Dolby aretoan , 2014. urtean zinemagintzan egindako lanik onenak saritzeko. Aurkezlea Neil Patrick Harris izango da eta Estatu Batuetan ABC telebistak emango du zuzenean.

Hemen aldiz, ekitaldia zuzenean ikusteko aukera “bakarra”, Canal + ordainpeko telebista katearen bitartez. Baina ba al dago beste aukerarik? Estatu batuetan bizi ez bagara, eta ordainpeko telebistarik ez badugu, ezin al ditugu sarien banaketak ikusi? Jakina baietz! Hementxe proposamen batzuk:

Lehenik eta behin argibide moduan esan behar dut, nahiz eta orokorrean arazorik ez egon, esteka hauek askotan trabatu egiten direla, soinua ez dela oso garbi entzuten eta irudi-kalitatea ez dela suziriak botatzeko modukoa.

Ofizialak

• Web ofiziala: http://oscar.go.com ( Zatikako bideoak ernasten dituzte eta ez da 100% ekitaldi osoa ikusten)
• Youtube: http://www.youtube.com/oscars ( Bideo konkretuak)
• Canal +

Besteak

• FilmOn.tv,
• My TV Online,
• Delicast
• http://oscar2015live.com/
• Livestation.
• http://www.rojadirecta.me (beranduago jarriko dute esteka)
• Chrome eta Firefox nabigatzailean HOLA izeneko luzapena eranstea;  honekin beste herrialde batean egongo bazina bezala nabigatzen laguntzen du eta modu “legalean”, sari banaketa web orrialde askotan ikusteko aukera eskeintzen du.

• Esan beharrik ez dago, nire twitter pertsonaletik minuturo jarriko ditudala sarituak https://twitter.com/Gaizka_Izagirre  (hau modu aspergarriena noski)

Eta gogoratu #oscarsariak traola erabiltzen!

OHARRA: Gau osoan zehar estekak gaurkotzen joango naiz, berriak azalduz gero edo daudenak bertan behera geratzen badira. Eta noski,  zuek link berriak topatuz gero eskertuko nizuene beheko irunzkinean eranstea.