Eskola kirolari ostikoa

2022-01-11  //  Haurrak, Hezkuntza, Jolasa, Kirola, Koronabirusa  //  Iruzkinik ez

Asteburuetan kirol norgehiagokak egin daitezke EAEn… kirol-klub edo federazio bateko kide bazara, gimnasioa edo kiroldegia ordaintzen baduzu, edota profesionala bazara (harmailak ikusle andanez beteta). Eskola kirola egiten baduzu, ordea, ez dago baimenduta. Berriro ere egin du Jaurlaritzak. (gehiago…)

Gurasoetako batek umea txertatu nahi du, besteak ez

2021-12-23  //  Koronabirusa, Osasuna  //  Iruzkinik ez

Anak ez dio zentzurik ikusten ume osasuntsua den Lur txikia txertatzeari. Haurrek arin pasatzen dute gaixotasuna, dio; epe ertain eta luzera txertoak izan ditzakeen ondorioekin arduratuta dago; nabarmendu du birusaren transmisioan eragin txikia dutela umeek  –eta irakurri du, baita ere, beste adin tarte batzuei baino test gehiago egiten ari zaizkiela seigarren olatu honetan, hortik haurren inzidentzia-tasa altua–; are gehiago, bereziki kutsatzaile balira ere, txertoak zoritxarrez ez du birusaren transmisioa mozten, dio Anak; eta jakin du Norvegian eta Finlandian momentuz ez dituztela 11 urtetik beherako haur osasuntsuak txertatuko. (gehiago…)

Haurrak etxean, gurasoak lanera

2021-12-14  //  Koronabirusa, Zaintza  //  3 iruzkin

Umeak positibo eman du edo kontaktu zuzena da, etxean geratu behar du konfinatuta. Bere gurasoak txertatuta daude eta negatibo dira, lanera joan behar dute –nahiz eta seme-alabaren kontaktu zuzen diren, ezinbestean–, “bizitza normala” egiteko esango baitie osasun arduradunak, zaintza eta ardura kontuan hartzen ez dituen neurri aldrebesa tarteko.

Argazkia: Eneko Ortiz.

(gehiago…)

Bi Euskal Herriak

2021-12-07  //  Euskara  //  Iruzkinik ez

Euskal Herri bat da Durangoko Azoka, Korrika, Herri Urrats… aintzat dituena; bestea, errealitate horiei bizkar emanda bizi dena, existitzen direla ere jakin gabe. Kontraesana behar lukeen arren, Euskal Herrian euskararik eta euskal kulturarik batere gabe bizi delako jende asko, hain gaude kolonizatuta.

Arg: Dani Blanco

(gehiago…)

Ikasle kritikoak? Bai zera!

2021-11-08  //  Hezkuntza  //  Iruzkinik ez

Ikasleek konpetentziak garatzea eta pentsamendu kritikoa jorratzea zein garrantzitsua den behin eta berriz azpimarratzen duten berberek kontrako norabidean diseinatzen dituzte hezkuntza planak. Espainiako Gobernuak prestaturiko LOMLOE lege proiektuak Filosofia ikasgaia baztertzen zuela bagenekien, baina azken zirriborroan are handiagoa da sarraskia, lotsagarriki murriztu dituzte Filosofia, Balio Etikoak eta Psikologia orduak. Orain Hego Euskal Herriko gobernuek dute horri buelta emateko giltza. (gehiago…)

Telemedikuntza luzarorako etorri da

2021-09-27  //  Osasuna  //  Iruzkinik ez

Salbuespen gisa saldu zigutena betikotze bidean da. Jaurlaritzak esan du telefono bidezko kontsultek segituko dutela, tresna eraginkorra direla aurrez aurreko kontsultaren aurre-pauso moduan. Sarri, baina, aurrez aurreko horretara ez gara iristen herritarrak, edo beranduegi iristen gara. Lehen mailako arretak bizi duen egoera larria begi-bistakoa da.
(gehiago…)

Zaharrak berri ikastetxeetan

2021-09-06  //  Hezkuntza  //  Iruzkinik ez

Gelako ikasle kopurua txikitzeaz, espazio berriak lortu eta egokitzeaz, ikastetxeetan arreta psikologikoa indartzeaz, hezitzaile gehiago kontratatzeaz… ez diegu ezer entzun gure agintariei. Berriz ere musukoa, distantzia eta gel hidroalkoholikoa dira nagusi Euskal Herriko protokoloetan, berriz ere ikasturte neketsua eta gogorra irudikatu dezakegu. (gehiago…)

Super-heroi ez diren migratzaileek jai dute

2021-07-20  //  Diskriminazioa, Migrazioa  //  Iruzkinik ez

Galiziako hilketa homofoboan erasoa gelditzen saiatu ziren bi migratzaileen egoera erregularizatzea erabaki du Espainiako Gobernuak, sari gisa. “Herritar txartelak” banatzeko irizpide pozoitsu, ziniko eta arriskutsua, inondik inora, asko eta asko direlako ekintza heroikorik egin ez dutelako migrazio politika bidegabera kondenatuta segitzen dutenak. (gehiago…)

Haurrak eta LGBT apologia

2021-06-29  //  Haurrak, LGTBIQ  //  Iruzkinik ez

Apologia arriskutsua irudituko zaio hainbati, LGBT banderak banatzeko haur-parkea aukeratu izana Irunen, ekainaren 28an. Umeak tartean direlarik, sexu askapenaren aldarrikapen edo ikusgarritasun hutsak umeen inozentzia perbertitzen duela uste dute batzuek, Disneyren azken filmarekin edo makillatzen den gizon irakaslearekin berriki ikusi dugun moduan. Alderantziz da ordea, beren identitatea eraikitzen, osatzen eta ezagutzen ari diren sasoian, zeinen baliagarria zaien ikustea abanikoa zabala dela.
(gehiago…)

Gazte parrandazaleak ala pandemiak itotako gazteak?

2021-06-22  //  Gizartea, Koronabirusa  //  Iruzkinik ez

Gazteen “makro-parrandei” eta Ertzaintzak atzemandako “kale-zurrut arduragabeei” sona ematen dieten albisteek talka egiten dute erredakziora iristen zaigun informazioarekin: arazo fisiko eta mentalak garatzen, ikasketetan hondoratzen eta suizidioan pentsatzen ari diren gazteen kopurua hazten ari da kezkagarriki. Errealitate horretaz eta horri aurre egiteko falta diren baliabideez ere hitz egin beharko dugu, egoera lehertu aurretik. (gehiago…)