Sagarren denbora: Kristiane eta Alfontso 25 urte deserritik itzultzen

Atalak: Sailkatugabeak

Sagarren denbora

Ostiralean, ekainak 11, estreinatuko dute Baionan Sagarren Denbora film dokumentala, Josu Martinezek (aurretik Itsasoaren Alaba plazaratua) eta Txaber Larreategik egina. Gure irakurleen artean aurkezpenik behar ez duen Kristiane Etxaluzek eta Sao Tomen deportatuta daukaten Alfontso Etxegarai iheslari bizkaitarrak elkarrekin daramaten bizimodua du oinarri.

Ikustera joan aurretik filmaren mamiaz zerbait jakina nahi duenak, begira lezake ARGIAk Larrun gehiegarrian egindako elkarrizketa luzea (Kristiane Etxaluz: “Herraren gainean ez dugu herria eraikitzen ahal”), Berria egunkarian Nora Arbelbidek filmaz egin erreportajea (Urruneko berba goxoa egun da oihartzun eta «Iraultzarekin batera, iraupena ere lortu behar dugu») eta Gara egunkarian Fermin Munarrizek argitaratutako elkarrizketa (Kristiane Etxaluz, la brisa que nacía en el norte).

GITE-IPES elkarteak ekoizten duen film hau Baionako Atalante zineman erakutsiko da lehenbizikoz, ilunabarreko 19:30ean. Ondoren Euskal Herrian barna ikusi ahal izango da udan zehar, hala ekainaren 17an Ainize-Monjolosen, 19an Bilboko Capitol zineman eta 24an Iruñeko Zabaldin. Uztailaren 1ean Etxegarairen sorlekua den Plentzian ikusi ahal izango da eta 3an Euskal Herria Zuzenean festibalean.