Iñaki Subijana epaileari deika
Igandean irakurri nituen Iñaki Subijana Gipuzkoako Auzitegiko presidentearen iritziak El Diario Vascon: “Batasuna debe condenar de forma inequívoca a ETA para ir a las urnas. La flexibilidad ante un proceso de paz no puede llevar a inaplicar la ley poque vaciaría el Estado de Derecho“. Pentsatu nuen, eta pentsatzen dut, beti dela errezagoa besteri zer egin behar duen agintzea nork bere betebeharrak argitzea baino.
Astearte honetan ikusten dudalarik argazki honetan nola daramaten guardia civilek atxilotuta Itsaso Urteaga zarauztarra, zuri egiten dizut dei, Espainiako epaileen sistemak Gipuzkoarako buruzagi izendatu zaituen Iñaki Subijana jauna: Itsaso Urteagari beste epaile baten aginduz polizia espainiarrak oraintxe ematen ari zaizkion tratuaren erantzule zeu ere bazara. Bai hemen eta bai Madrilen ematen zaion tratuarena.
Gauza asko aldatu behar ditugu denok Euskal Herrian eta Espainian. Baina bada bat berehala errotik moztu beharrekoa: denetan Europako beste edozein demokraziaren antzeko izatea… salbu eta polizia eta guardia civilaren inpunitatean. Epaileok noiz moztu behar dituzue demokrazia espainiarraren polizien usadio txetxeniarrak?
Guztiz ados, Pello, gauza batean salbu: hemengo polizien usadioak ez dituk, nik dakidala, “usadio txetxeniarrak”; izatekotan, “antitxetxeniarrak”, ezta?