Fukushima, igandea 20

Atalak: Sailkatugabeak

16:30 Zeuk erabaki El Paiseko titular hau zuzena den: “Japon mantiene a raya la crisis nuclear tra una semana de lucha“. Ibon Sarasolaren Zehazkik esango dizu “tener a raya” dela euskaraz “arrastoan sartuta eduki”. Txiste errez bat okurritu zait: 1983ko abuztuko uholdeetan Bilboko zazpi kaleetan metro eta erdiko ura dago, suhitzaileen buruzagiari alkateak deitu dio egoeraren berri galdetuz eta honek erantzun dio “lasai, alkate jauna, uholdea arrastoan sartuta daukagu”. Gaur titular hori ipini du lehen orrian El Paisek eta gero barruan kontatzen dena (informazio ona, dena esan bedi) ez da inondik ezkontzen horrekin. Baina une honetan, arratsaldeko lau eta erdiak direnean, are eskandalagarriagoa da kontua: interneteko edizioko lerroburuak dio “La radiación supera el nivel de seguridad en la región de Fukushima”, hor klikatzen duzu eta berriro aipatu “… mantiene a raya…” famatua azalduko zaizu tituluan, ondoren lehen letratik esaten hasteko Fukushima (non baitago zentral hondatua) eta Ibargina probintzietan erradiazio mailak gainditzen dituela segurtasun estandarrak. Norbaitek noizbait esplikatuko du nork-non-zertarako asmatu zuen titular hori hainbeste ordu eta testuinguru ezberdinetan mantendu zena.

14:30 Gaurko egunak pista handiak erakusiko dizkigu ondoren datorrenaz. Goizean jakinarazi dute komunikabide askok dagoenekoz argindarra heldu dela, konexioa egina dagoela alegia, Fukushimako erreaktore gehienetara. Albiste ona da. Baina gaur ikusiko da ea argindar horrek bete dezakeen eskatzen zaion helburu nagusia: erregaia urtzen ari zaien erreaktoreetako hozketa sistemak martxan jartzea. Hori lortuko balitz, orain arteko kalteak ukatu gabe, arnas bat hartuko lukete operazioaren kudeatzaileek. Lortzen ez badute… gauzak okerragotzen joango direla seinale. Japoniako agintarien bozeramaile batek, Yukio Sedanok, argi adierazi du, Los Angeles Timesek bildu duenez: “Badirudi gure ahaleginek lortu dutela, hein batean, egoerak okerragora egiteari bidea moztea. Baina egoerak aldakorra izaten segitzen du. Ez gara gauzak laster hobetuko direla uste izateko bezain baikor”.

ikusiko da zein