Kodama irakaslea Japoniako gobernuaren axolakabekeria salatzen parlamentuan (bideoa)

Atalak: Sailkatugabeak

Tatsuhiko Kodama irakasle eta medikua Erradioisotopoen Zentroaren burua da Tokioko Unibertsitatean. Uztailaren 27an bere lekukotasuna azaldu zuen Tokioko Dieta edo Parlamentuaren aurrean. Kodamaren adierazpenak YouTube zerbitzuan daude 8na minutu inguruko bi bideotan bilduak Prof. Kodama Angry about Japanese Gov.’s Gross Negligence-1 tituluarekin. Guk euskarazko azpitituluez osatu ditugu, helbide hauetan ikus-entzun daitekezenak (ez ahaztu irudiaren behe-ezkerraldean Englishen ordez Basque klikatzea):

http://www.universalsubtitles.org/eu/videos/c9NCVoKgkwaj/en/154558/

http://www.universalsubtitles.org/eu/videos/w9jgmuM8p6pe/en/154901/

Kodamak bere dimisioa aurkeztu zuen Japoniako gobernuak erabaki zuenean herritarrek hartu dezaketen gehienezko erradiazio kopurua urteko 20 milisiervetera igotzea. Bideoan nabarmen ageri denez, Parlamentuaren aurrean errieta egin zion gobernuari hiru hilabetetan gauzak ondo egin ez dituelako, eta eskaini zituen xehetasun argigarriak hango egoeraren kontrolik eza salatzen dutenak. Kodamak eskaintzen dituen datu batzuen interpretazio zabal eta zehatza eskaintzen dute (ingelesez) Infinite Unknown blogean.

Bideoa une batez desagertu egin zen YouTubetik, baina Fukushimakoaren jarraipena egiten duten blogari eta talde ugarien ahaleginez berriro sarean dago. Oraingoz, ingelesa edo euskaraz azpititulaturik dago.

Kodamak bere mintzaldi beroan eskaintzen dituen xehetasunen artean hau nabarmendu daiteke: Fukushimako hondamendiak dagoenekoz isuri duela Hiroshiman 1945an amerikarrek jaurtitako bonbak halako 30 erradioaktibitate.