Nuklearrik gabeko mundu baten aldeko biltzarra Yokohaman

Atalak: Sailkatugabeak

Asteburu honetan Japoniako Yokohama hirian burutzen da Global Conference for a Nuclear Power Free World, Nuklearrik gabeko mundu baten aldeko biltzarra, erreferentziazkoak diren sei erakundek sustatuta: Peace Boat erakunde bakezalea, energia berriztagarriak sustatzen dituen Institute for Sustainable Energy Policies, Citizens’ Nuclear Information Center mugimendu antinuklear herritarra,  Japonian plutoniorik ez erabiltzea aldarrikatzen duen Green Action mugimendu ekologista, Japoniako Friends of the Earth (Lurraren Lagunak) eta Greenpeace.

Ostegunean eta ostiralean, urtarrilak 12-13, Fukushima inguruetara bisitaldia egina izango dute mundu osotik konbidatuta etorriek. Biltzarraren mamia larunbatean eta igandean kontzentratzen da, 14 eta 15ean. Biltzarraren xehetasun gehiago jakiteko, interesgarriak dira atal hauek: parte hartuko duten pertsonalitate ezagunenen perfilak, urtarrilaren 14ko egitaraua, urtarrilaren 15eko egitaraua eta biltzarreko ekitaldi osagarriak.

Hona beren asmoa nola aurkezten duten antolatzaileek:

Martxoaren 11an Japoniako Ekialdeko Lurrikara eta Tsunami Handia eta Fukushima Daiichi zentral nuklearreko hondamendia gertatu zirenetik, 2011ak eragin dramatikoa heldu zaizkio munduari. Hondamendi izugarri horri eta jendeari bezala ingurumenari ekarri dizkion ondorio dramatikoei erantzun nahian, Japoniako jendeak urratsak eman nahi ditu egoera konpontze aldera.

Fukushima Daiichi zentral nuklearreko hondamendia gertatuz gero kutsadura erradioaktiboaren kalteak zabaltzen ari direnez, mundu mailako testuinguru batean pentsatu beharra daukagu zer ikas dezakegun eta nora jo behar dugun. Indar nuklearrari agur esateko garaia da eta energi iturri naturaletan zentratutako gizarte berri bat sortzekoa. Bildu gaitezen elkarrengana mugen eta belaunaldien gainetik eta eman dezagun urratsa gizarte berri baterantz.

Global Conference for a Nuclear Power Free World biltzarraren helburua. Japoniatik mezu hau zabaltzea: Fukushiman gertatutakotik ikasi behar dugu, mundu osoan energia nuklearrak eskaintzen dituen lezioak partikatu gure artean eta garbi aldarrikatu indar nuklearra alde batera uzteko beharra. Ekintza planak proposatzea: mundu osotik bilduko ditugu ideiak eta proposatuko ditugu bai Japonian eta bai munduko gainerako herrialdeetan egin daitezken ekintza planak. Aurkitzea zein ekintza burutu ditzakegun: biltzarrarekin aukera bat sortuko dugu jendeak ikasi dezan zein ekintza burutu ditzakeen eguneroko bizitzan eta ideiak eta proiektuak sortu eta elkarri jakinarazteko.

Yokohamako biltzar honetako ekitaldi nagusiak Pacifico Yokohama erakustokian dira.