Asteburuan, Lurrama

Atalak: Ekonomia, Gizartea, Natura, Osasuna

Ostiralean hasi eta igandean buka (urriaren 19tik 21era) Lurrama egingo da Miarritzeko Iraty erakustazokan. Bestelako nekazaritza, elikadura eta -ausartegi hitz egitea ez bada- bestelako bizimodua aldarrikatzen duen edonorentzako bilgune garrantzitsua.

Xilabakoa baldin bazara, Miarritzeko Iraty sala non dagoen badakizu. Hegoaldetik baldin bazoaz, galbiderik ez da: autopistan irten Miarritzeko aireporturako atarian, segi beti aireporturantz eta bideko talo handi batean aurkituko duzu seinalea.

Begiratu egitarauari. Ostiralean baldin joanez gero, telebistan ere gutxitan topa litekeen mahainguru baten lekuko izan zaitezke: Europako nekazaritza kudeatuko duen PAC berriaz eztabaidan Stéphane Le Foll nekazaritza laborantzako ministroa, Aurélie Trouvé ATTACeko presidentea, Jose Bové eurodiputatua eta Mixel Berhokoirigoin aurkezpenik behar ez duena. Eztabaida historiko horretatik landa, film dokumental eta eztabaida gehiago.

Gainerakoan, Zuberoa, Baxenafarroa eta Lapurdiko baserritarrek erakusten dituzte beren abereak, sal-erakusgai eskaintzen etxaldeetako ekoizpenak, haurrak aparkatzeko jolastokia, sukaldaritza tailerrak… eta Alternatiben Herrixka. Eredu ezin parte hartzaileagoa: Lurrama antolatzen dutenei lagundu nahi izanez gero, boluntario aritzeko aukera damaizute.

Urri honetan asko ibili beharko zenuke Lurrama baino onddo hoberik biltzeko.