Zizurkilgo ez-albistea
Gaurko albistea, 2013ko ekainaren 25ekoa, izan zitekeen Gipuzkoako EAJk barkamena eskatu diela Zizurkilgo herritarrei hondakin bilketaren inguruko galdeketa simulakroan kargu publiko jelkideek erakutsitako jokabideagatik. Edonori egokitzen zaio hanka sartzea, errazago Diario Vascoko anaia nagusiak goizero xaxaturik harrotuta zabiltzanean. Baina ez da komeni ahaztea gauza bat dela indarraren jabe izatea eta beste bat arrazoia edukitzea. Tamalez gaur ez dugu inon irakurri albistea non Joseba Egibarrek eta Markel Olanok Gipuzkoako EAJren izenean esaten duten “barkatu Zizurkilen eman dugun espektakuluagatik, urrunegi joan gara”. Oso alderantziz, goiz honetan kafea irentsi behar dugu Jose Gabriel Mujikaren paperean leituz “PNV, PSE y PP ven en la consulta de Zizurkil la evidencia del rechazo al PaP“. Amasa-Villabonako antzerkian emaitza hobeak lortzearren edozerk balio duelakoan. Aukera galdu bat ez-albiste hori.
Iruzkin bat
Trackbacks/Pingbacks
- Zizurkilgo herri galdeketa: egin behar ez denaren eredu lotsagarria | Zero Zabor - [...] 25eko eguneraketa] Pello Zubiria Kaminok “Zizurkilgo ez-albistea” plazaratu du bere Xehe blogean. Tartean dio: “Tamalez gaur ez dugu inon…
Agian tranpa egin dutenek dira barkamena eskatu behar dutenak.