Zabortaje

Atalak: Kondarrak

Nekez aurkituko dituzu Europako beste inon partidu nagusietako ordezkariak herritarrak sutzen kutsadura mugatzeko arauak bete ez ditzaten. Gipuzkoan, ordea, hori eguneroko ogia da XXI. mendean ondo aurreratuak izanagatik.

Mikel Jaka Sasieta hernaniarrak 2010eko otsaileko gutunez kontatu zuen –Diario Vascon “Basura y materias primas“, Hernaniko Kronikan “Zaborra edo lehengaia“- berari gertatua herrian hondakinen kudeaketa sistema berriaz gehiago jakin nahian zebilela. “Atez Atekoa aipatu zutenean kezka sortu zitzaidan. Uda­lak deitutako bileretara joan nin­tzen, eta gauza batzuk ar­gia­go ikusi nituen. Hamai­ka­bat taldeak hitzaldia antolatu zuen eta Usurbilgo pertsona bat ekarri zuen, Atez Ate­koa­rekin kritikoa zena. Neure bil­du­rrak hitzaldi hark argituko zizkidala es­pe­ro nuen (usainak, mugak…). Hala ere, Usur­bilgo herritarrak, azaldu zuen bakarra izan zen nola boikoteatu sistema, eta nola jarri traba legalak. (…) Usurbilgo EAJko zinego­tzia Atez Atekoaren aldekoa da, eta bera da adibide nagusia, sistema baliagarria dela jakiteko. (…) Ezberdin pentsatzea normala da, norberak berea defendatzea logikoa, baina besteen lana boikoteatzea ez da justua, ez zuzena, eta bide okerrera garamazki“.

Bi urte beranduago, Jakaren erreguari jaramonik egin gabe, usurbildar bultzagileei lekukoa harturik hernaniar batek zabaltzen ditu hooligan bizitzeko lezioak Gipuzkoan. Zumaiako jendeei, esate baterako. Epelak berotzeko Photoshopak eta Facebookek  asko balio dutenez, fotomuntaketa eraginkorra jarri dute Zumaiako plataformakoek sarean, “Otro ejemplo de una zona de Zumaia con los colgadores del PAP que nos quieren imponer. Arrangoleta“. Baietz, zumaiarrei ere norbaitek lagundu behar diela arrakastaren sekretua den sabotajea ondo fintzen: “Eaj-Pnv Hernani Hernaniko Eaj-Pnv. Hace tiempo comenté que en Hernani nos libramos bastante porque el 55% (mas o menos) de los vecinos pasan (pasamos) del sistema y llevamos la basura fuera. No me imagino si lo siguieramos la totalidad. El caos y la porquería, los costes… todo se multiplicaría de manera exponencial. O sea que a los que hacemos turismo con la basura nos debíais condecorar“… Domina, zer gutxiago.