#siria Nazio Batuen Erakundea hil da

Atalak: Sailkatugabeak

Titulu gordin hori eman dio gaur La Vanguardian argitaratutako artikuluari Miquel Roca Junyent abokatu politikari katalanista garrantzitsuenetakoa izateaz gain Espainiako stablishmentaren bihotza  barnetik ezagutzen duenak (Cristina Borboni Juan Carlos I erregeak jarritako abokatua ere bada…). Bazkide izan gabe Internetez leitu ezin den “La ONU ha mort – La ONU ha muerto” idatziak honela dio euskaraturik:

“Damaskoren kontrako eraso kimikoak ehunka heriotza eragin zituen eta izugarrikeria honen ondorio politikoek, hasteko, Nazio Batuen Elkartearen heriotza ekarri dute. Irakeko gerraz geroztik larriki zaurituta zegoena, Obama presidenteak akabatu du, Baxar el Asaden erregimena nazioarteko erakundeari galdetu gabe militarki zigortzeko bere erabakiarekin. Bere legebiltzarkideei galdetuko die -edo dagoenekoz galdetua izango die- baina NBEari ez dio entzun eta bere erabakia ez dio mugatzen ez baldintzatzen NBEak iritzi edo esan dezakeenari. Obamak hil du.

Gerra gehiago ekiditeko sortutako erakundea desagertu da hori lortzeko ezintasunagatik. Inork ez du defendituko Damaskoko eraso kimikoaren egileen jokabide arduragabea, baina orain eztabaidan dagoena da ea Estatu Batuei dagokien beren nahi propio eta esklusibotik haiek zigortzeko ahalmena.

Gizadiaren kontrako krimen orok justifikatzen baldin badu amerikarren esku hartzea, bere agintea ez beste bermerik gabe, munduan bakea bi alditan dago mehatxaturik: erasotzaileen beldur gara, baina baita jendarmeen ere. Nahiko genuke lehenak ez egotea eta bigarrenak izatea bakean eta askatasunean bizi nahi duen munduaren ordezkariak. Mundu osoarenak, ez soilik botere gehien daukanarenak. Munduak balantza egin du. Sarritan ondorio hau oinarritzen da krisi ekonomikoaren larriaren gainean. Aldiz, bistakoa da hau ez dela uneotako nahaste-borrastearen motiboa. Batzuek usatzen dituzte bonba kimikoak, aitzakiatzat bakea aldarrikatzen duten herrialdeek eskuratu dizkietenak; besteek mehatxu egiten dute konponketa far westeko filmetako moduan egitearekin. Beste asko begira daude ikusle isil gisan, gertatutakoak eragingo ez balie bezala. NBEa hil da, baina -gainera- bizia eman zioten balioak ahaztu edo oinpean erabili dira. Eta hau guztia Bakearen Nobel sari bat buru dela! Obama presidenteak, oraingoan, jokatu du pelikulako justiciero bezala. Eta, bide batez, NBEa kalitu du. Hil egin du. Hau pena! Esan liteke, batzuetan, gerraren eskenatokia errezagoa suertatzen dela bakea ahalbideratzea baino. Ezin ote liteke bestelako neurririk? Ziur baietz; baina ez dira komeniko, menturaz.

NBEa hil da.