Hor datza Egunkaria

Atalak: Sailkatugabeak

Euskaldunon Egunkaria sortu berritan, Agiña izeneko baten hitzez eta Juan Ramon Azpitarte Imuntzoren musikaz osatutako Hor dago Egunkaria kanta plazaratu zuten Imuntzo eta Belokik (“Jo ezak!”, 1991, Elkar) . Periodiko hura bortxaz hil eta hamaika urte eta erdira haren arduradunen kontrako auzibide guztiak itxi direnean, Agiña berak kanta izatera iritsi litekeen batentzako Hor datza Egunkaria hitzak idatzi ditu. Lehena eta bigarrena, biak doaz hemen azpian egileak idatzirik utzi nahi lituzkeen bezala.

Hor dago Egunkaria

Agiña, 1991

Hor dago Egunkaria
Behar zen mezularia
Hor dago Egunkaria
Behar zen mezularia
Euskal tinta ta paperez
Goizero prentsa berria
Goizero prentsa berria
Hor dago Egunkaria

Xaho eta Lauaxeta
Xaho eta Lauaxeta
Lumak liluraz beteta
Herri berriko kronikak
Idazteko prest daude ta
Idazteko prest daude ta
Xaho eta Lauaxeta

Urrutiko intxaurren hotsak
Urrutiko intxaurren hotsak
Bertako tristura pozak
Zuzen kontatuz garaitu
Español frantses arrotzak
Fantses español arrotzak
Urrutiko intxaurren hotsak

Batasun bideak urra
Hautsi muga ta gezurra
Batasun bideak urra
Hautsi muga ta gezurra
Egunkaria izan bedi
Abertzaleon ikurra
Abertzaleon ikurra
Batasun bideak urra

Hor datza Egunkaria

Agiña, 2014

Hor datza Egunkaria
Behar zen mezularia
Hor datza Egunkaria
Noren aiztoak moztu du
Euskaldunon eztarria?
Euskaldunon eztarria
Hor datza Egunkaria

Inmaculada Gomila
Larrunen gaindi dabila?
Inmaculada Gomila
Mamuak askatu ditu
De Lancrek sorginen bila
Mamuak sorginen bila
Inmaculada Gomila

Iñaki, zer egin ditek?
Iñaki, zer egin ditek?
Gorilek barre dagite
Zein zulotan ez miatu
Txintxoek ondo dakite
Iñaki, zer egin ditek?
Txintxoek ondo dakite

Aita Saindua elizan
Errege jauna ehizan
Errege jauna ehizan
Luis Goiaren arnasentzat
Ez da errukirik izan
Ez du errukirik izan
Errege jaunak ehizan

Xaho eta Lauaxeta
Lumak tristuraz erreta
Xaho eta Lauaxeta
Euskaldunen haserrea
Bildu zuen kroniketan
Haserrea kroniketan
Xaho eta Lauaxeta

Kriskitin eta kraskitin
Ez arrosa, ez krabelin
Kriskitin eta kraskitin
Eginen altxor galanta
Usteltzen dago Hernanin
Kriskitin eta kraskitin
Egin usteltzen Hernanin

Etarra naizenez gero
Ez dut zerurik espero
Ez dut zerurik espero
Del Olmori zor dizkiot
Lau gau beltz eta sei ero
Ezin zerurik espero
Etarra naizenez gero

Eder Madrilen gurbitza
Hari begira haritza
Eder Madrilen gurbitza
Hartzaren eskutan beti
Euskaldunaren bizitza
Madril, hartza ta gurbitza
Haiei begira haritza