Vespa Velutinarenak

2012-10-21 // Erlea // Iruzkin bat

Ez dakit irakurleak asko estimatuko zuen irudimen urriko kazetari hau urtegarai honetan fikziotan hastea aste honetako paperekoan: “Vespa Velutina eta mundializazioa. Liztor asiarraren mezua“. Irakurgaia eskaintzen duenaren lehen mandamentua horrela saiatu naiz betetzen, aldizkaria orri horretan ireki duen ezezaguna ez aspertzen. Interesatu zaizula? Hona hemen liztor malapartatu horretaz erreferentzia gehiago. (gehiago…)

Asteburuan, Lurrama

2012-10-17 // Ekonomia, Gizartea, Natura, Osasuna // Iruzkinik ez

Ostiralean hasi eta igandean buka (urriaren 19tik 21era) Lurrama egingo da Miarritzeko Iraty erakustazokan. Bestelako nekazaritza, elikadura eta -ausartegi hitz egitea ez bada- bestelako bizimodua aldarrikatzen duen edonorentzako bilgune garrantzitsua. (gehiago…)

Eskerrik asko, Martxelo

2012-10-16 // Iritzia // Iruzkinik ez

Torturaren garraisia Europa osoan zabaltzeagatik. Eta besarkada handi bana Espainiaren Inkisizioak bere hatzaparretan noizbait mastrakatutako guztioi.

“Etorkizuneko uztak”, Marie-Monique Robinen azkena Arte katean urriaren 16an

2012-10-15 // Iritzia // Iruzkinik ez

Le Monde selon Monsanto eta Notre poison quoitidien (Eguneroko gure pozoia) filmetan bezala liburutan klasikoak utzi dizkigun Marie Monique Robin nekaezinak astearte honetan, urriak 16, ilunabarreko 20:50etan, Arte katean presentatzen du bere azken ikerlana: Les moissons du futur (Etorkizuneko uztak). (gehiago…)

‘Pilarica’ egunez lanean aritu zaretenoi, zorionak eta mila esker

2012-10-12 // Iritzia // Iruzkinik ez

XXI. mendeko 12. urtean Espainiaren eta eguzkirik itzaltzen ez omen zitzaion inperio bortitz hartatik metropoliko disidenteentzako Inkisizio torturatzailea baizik salbatu ez duen inperialismo espainiarrak paseilloa egiten duen egun horretan. Eskerrik asko desobedientzia zibila aldarrikatzeko modu bakarra ez obeditzea dela erakusten aritu zaretenoi. Zorionak erabakitzeko eskubidea lortu ahal izateko onena gaur bertan erabakitzen hastea dela demostratzen duzuenoi.

Erleak zaindu Varroaren kontrako tratamendurik gabe (2)

2012-10-05 // Erlea // Iruzkinik ez

Kefyn M. Catley biologo eta erlezainaren Taming the Mighty Mite: Some Thoughts on Living with Varroa [Akaro ikaragarria baretzeko, Varroarekin bizitzeaz zenbait burutazio] artikuluaren bigarren erdia. (Lehen zatia hemen). (gehiago…)

Erleak zaindu Varroaren kontrako tratamendurik gabe (1)

2012-09-28 // Erlea // Iruzkinik ez

Garaiotan Vespa Velutina liztor asiarra den arren telebista eta egunkarietako izar hitzailea, Apis mellifera erle mendebaldarra zaintzen dugunon amesgaiztoa Varroa destructor akaroa da. Gureganaino 1980ko hamarkadan iritsia, bera da Europa eta Amerikako erleen ahultzearen errudun nagusietakoa. Euskal Herrian erlezain guztiek erremedioz tratatzen dituzte beren kofoinak, gehienek akarizida sintetikoz, gutxienek sistema ekologikoz. Denek? Ez, badira erlezain egoskor ale bakan batzuk beren elkarteen eta agintarien manuei men egin gabe erlauntzak inolako ezerekin tratatu gabe atxiki nahi dituztenak. Batzuek eta besteek irakurri beharko lituzkete ondoren datozen lerroak, erakusten dutenak zer dioen eboluzioaren zientziak gai honetaz. Erleak tratamendurik gabe zaintzeko erabakia intuizio ekologizale batetik askoz haratago doan esperientziak ere justifikatzen baitu. (gehiago…)

Mallorcako festibala

2012-09-13 // Kondarrak // Iruzkinik ez

Frankismoa sasoi ederrean zegoela, gure ume denborako 1964,5,6… haietan, Baleare uharteetarako turismoa erakartzeko antolatzen zuten: “Ganadora del Festival de Mallorca”. Baietz gaur 60 urteren bueltan dabilen askori tarareatuz gero “Volando, Volando…” honek erantzun “… a Mallorca voy, a Mallorca voy…“. Hurrengo urtea heldu eta “Será maravilloso viajar hasta Mallorca / Sin necesidad de tomar el barco o el avión / Sólo caminando en bicicleta o en auto stop“, egunen batean penintsulatik bertaraino zubia egin beharko luketela eta. Orain bestelako festibala darabilte hizpide. (gehiago…)

Tximeleta mutanteak Fukushiman… eta ziurrenik Garoñan

2012-09-03 // Fukushima, Net Hurbil // Iruzkinik ez

2012ko abuztuak mustro berria ekarri du Ness aintzirako mitikoari itzal egitera: Pseudozizeeria maha. Ingelesez pale grass blue butterfly deitzen duten belardietako tximeleta urdinxka mutantea bilakatu da Fukushimako kutsadura erradioaktiboen ondorioen ikur. Horra xomorroa erakusten gizakiei nolako etorkizunera egokitu beharko duten. (gehiago…)

Erle arren masakrea

2012-08-30 // Erlea // Iruzkinik ez

Gaur gogorarazi digu Susa argitaletxeak bere Emailuan Maurice Maeterlinck idazle belga (frantsesez idatzi zuen flamandarra) jaio zela duela 150 urte. Haren erreferentziak aurkituko dituzue Armiarma guneaz gain Wikipedian eta beste. Maeterlinck idazle kontserbadore eta diktadurazaleak idatzi zituenen artean famatua da “Erleen bizimodua”, zeinetan, “Inurrien bizimodua” eta “Termiten bizimodua” liburuetan bezala, xomorroei buruzko ezagutza baliatzen duen gogoeta filosofikoetarako. Bigarrenaren pasarte bat euskaratu zuen 1933an Xabier Lizartik, Armiarmak jaso duen Txindurriak.
(gehiago…)

Vespa Velutinarenak

Asteburuan, Lurrama

Eskerrik asko, Martxelo

“Etorkizuneko uztak”, Marie-Monique Robinen azkena Arte katean urriaren 16an

‘Pilarica’ egunez lanean aritu zaretenoi, zorionak eta mila esker

Erleak zaindu Varroaren kontrako tratamendurik gabe (2)

Erleak zaindu Varroaren kontrako tratamendurik gabe (1)

Mallorcako festibala

Tximeleta mutanteak Fukushiman… eta ziurrenik Garoñan

Erle arren masakrea

Pello Zubiria

Azken bidalketak

Iruzkin berriak

Artxiboak

Kategoriak

Meta