Fukushimakoa zertan da 7 hilabete beranduago?

2011-10-27  //  Sailkatugabeak  //  Iruzkinik ez

Errutina nekagarria denez, militante bakan batzuek segitzen dute Fukushimako hondamendiaren albisteak bildu-itzuli-eskainiz beren blogetan. Horietako bat da Pierre Fetet, “Fukushima-over-blog” bizirik atxikitzen duena. Zazpi hilabete ondoren urri amaieran Japonian gauzak nola dauden laburbidu du “Fukushima : tour de l’actualité” sarreran. Hona haren mamia, puntuka berak ordenatu bezala. Sarreran dioenez, “zentralak jarraitzen du erradioaktibitatea barreiatzen ingurumenean –airean, lurrean, uretan–, Japoniako lurraldean kutsadura iritsi da Tokio atariraino eta jende gehienak deus gertatuko ez balitz bezala bizi diren arren zenbait gunetan erradiazio gehiago neurtzen dira Txernobyl inguruetan ebakuatzera behartutako guneetan baino”. (gehiago…)

Arreben bularrak, zerrien jostailu

2011-10-20  //  Sailkatugabeak  //  Iruzkinik ez

Emakume, neska, andre, ez utzi zuen bularrekin jolas egiten petrikilloei. Bularreko minbiziaren kontrako borrokan ari diren 400 espezialista bildu omen dira Donostiako Kursaalean burutzen ari den Senologia eta Bularretako Patologiaren XXX. Biltzarrean. Atzo andre talde bat bildu zen Moneoren kuboaren aurrean globo arroxak jaurtitzera, minbiziaren arrisku gero eta gorriagoa duten emazteekiko elkartasunez, bularreko kantzerraren mundu egunez. Dena politikoki polita. (gehiago…)

Jakintsuaren bertso berriak kazetariei jarriak (Net Hurbil)

2011-10-17  //  Sailkatugabeak  //  Iruzkinik ez

Bi Fukushima daude munduan 2011ko udazkenean. Bata, kasik ahantzia, udaberrian mundua ikaratu ostean udazkenerako normaldua… jendeen gehiengoarena. Beste Fukushima, berriz, larrialdi betean bizi da, oraindik kontrolatu gabeko hondamendia martxan duela; honen berri hedabide minoritarioek ematen dute soilik.

Bideoa laborategian grabatuta dago. Sartuko da euskaldun txapela jantzitako aitona, gitarra hartu eta kantatzen hasiko da I pitty the newspaperman (“Erruki diot kazetariari”). Abeslaria Christopher Busby kimikaria da, 66 urteko gizona, Txernobylgo istripuaz geroztik zentral nuklearren kontrako kanpainan ari dena.
(gehiago…)

Ehunka txanpon txiki herriak biziberritzeko (Net Hurbil)

2011-10-09  //  Sailkatugabeak  //  Iruzkinik ez

Urte bete barru Lapurdin, Nafarroa Beherean eta Zuberoan lekuko moneta propioa eduki dezakete, Bizi! mugimenduak sustatuta. Munduan horrelako lekuko txanponak ehunka dira gaur egun, globalizazioari aurre eginez bertako ekonomiak, enplegu berriak, herritarren arteko elkarlana eta  iraunkortasuna sustatzen dituztenak.
(gehiago…)

Nuklearren kontrolik eza munduan, Amie Gundersenen analisian

2011-10-07  //  Sailkatugabeak  //  Iruzkinik ez

Amie Gundersen nuklearretan adituak eskaini ditu Fukushimako hondamendiari buruzko analisirik zorrotzenetakoak hilabeteotan. Fairewinds aholkularitza konpainia txikia dauka Gundersen ingeniariak, lehen zentraletan ardura lanetan jardun ondoren. Artikuluak idatzi baino nahiago du bideoz zabaltzea. Urri hasieran sareratu duenaren itzulpena eskaintzen dugu ondoren, Nuclear Oversight Lacking Worldwide, non ematen baititu xehetasunak erakusten dutenak zein estu lotuta dauden zentralen jabeak eta zentral horien kontrola bermatu behar duten adituak. (gehiago…)

Matrikulazio kanpaina Hernanin

2011-09-29  //  Sailkatugabeak  //  Iruzkinik ez

Efektibamente, kurtso berrirako matrikulazio kanpaina motel samar zebilelakoan gure herrian, udalean oposizioan dauden PSE-EEk, EAJk eta Hamaikabatek euskaltegiei esku bat botatzea erabaki dute. Nola? Ikasle berriak eramanez. (gehiago…)

Ikusi (on-line) ARTE kateak Fukushimakoaz egindako azken erreportajea

2011-09-26  //  Sailkatugabeak  //  Iruzkinik ez

Larunbat-igandez, irailak 24 eta 25, bi alditan eskaini du telebista konbentzionalez ARTE kate frantses-alemanezkoak “Fukushima, les révoltés du nucleaire” (Fukushima, nuklearrek matxinaraziak). David Zavaglia-k prestatutako erreportajea Interneteko bertsioa beste biz osatutako luzeago baten barruan dago; gogoratu “Fukushima, les révoltés du nucleaire” bideoaren 14. minutuan hasten dela eta 36.ean amaitzen. Hona bere edukia laburbildurik.
(gehiago…)

Anna Hazarek XXI. mendeko Gandhi baten itxura dauka (Net Hurbil)

2011-09-25  //  Sailkatugabeak  //  Iruzkinik ez

Kontsumismoan arrapaladan murgiltzen ari den Indian gutxien espero zitekeen XXI. mendean gizartea astinduko zuenik Gandhi berritzat aurkeztu gizon batek. Baina jendeek kaleak bete dituzte politikoen ustelkeria salatzen duen lider aszetari erantzunez. Anna Hazarek gose grebak egiten ditu, baina agintzea zer den ere ikasita dator.
(gehiago…)

‘Corium’ esatea debekatuta dago Fukushiman

2011-09-18  //  Sailkatugabeak  //  Iruzkinik ez

Hitz tabua da, Fukushimaz iritziak ematen dituzten milaka aditu eta kalakarien arteko bakan batzuek aipatzen dutena. Askok ezagutuko ere ez dute. “Corium” diozu?  Zentral nuklearren jabe eta arduradunek badakite zer den, baina isilaraztea hobetsi dute. Nola azaldu jendeari erregai nuklear urtuek sortutako magma goriak kontrol barik darraiela?
(gehiago…)

Hurrengo mundualdian, kaxalote nahi dut

2011-09-13  //  Iritzia  //  Iruzkinik ez

Ez dut beste modurik ikusten hildakoan Zubiriatarren Aginagako malkarrean lurperatu nazaten. Iaz oso garbi esplikatu zigun Unai Break: “Legeak eta usadioak traba egiten diote heriotza ekologikoari”. Beraz, kaxalote sortzea beste aukerarik ez, baldin eta nahi badut nire hezur-mami eskasok milioika urtez hominidoek erabilitako sistema merke eta garbienean hobiratu ditzaten.
(gehiago…)