“Bakea tokian-tokian eraikitzen” Nazioarteko Konferentzia Donostian

2013-09-10  //  Estaturik gabeko nazioak, Euskal Herria, Gatazka armatuak  //  Iruzkinik ez

Nazioarteko konferentzia.

Donostiara munduko hainbat hiritako alkateak etorriko dira “Bakea tokian-tokian eraikitzen” lemapean egingo diren jardunaldietan parte hartzera. Bizi dituzten gatazken konponbide prozesuei buruz ariko dira, edo iraganean egindako bidean ikasitakoak azaltzera. Atzo aurkeztu zuten ekimena Aieteko Bakearen Etxean, orain bi urte Bertie Ahernek Aieteko Adierazpena irakurri zuen lekuan bertan. Urriaren 10ean eta 11n egingo da ekimena, Mayors for Peace erakundearekin elkarlanean.

Palestina, Sahara, Kurdistan, El Salvador, Herrialde Katalanak, Irlanda, Hegoafrika, Bolivia, Argentina, Flandria eta Euskal Herriko herri edo hirietako alkateak ikus daitezke aurkeztu duten egitarauan. Izen emateak ireki dituzte eta informazio guztia www.donostiapeace.com webgunean aurki daiteke, hainbat hizkuntzatan.

Juan Karlos Izagirre Donostiako alkateak adierazi duenez, “denok dugu eskaintzeko zerbait, eta ikasteko asko”. Iñigo Urkullu lehendakaria ekimena irekitzera gonbidatuta dagoela adierazi zuten. Egitarauan parte hartuko duten beste euskal ordezkariak Martin Garitano Gipuzkoako ahaldun nagusia, Didier Borotra Miarritzeko alkatea, Vicente Zaragüeta ohorezko patroia eta Lokarriko kideak izango dira. (gehiago…)

PKK-k bertan behera utzi du Turkiatik gerrilariak erretiratzeko prozesua

2013-09-09  //  Estaturik gabeko nazioak, Kurdistan  //  Iruzkinik ez

PKKko bi gerrilari (Arg: Karlos Zurutuza)

Kurdistango PKK alderdiak bertan behera utzi du bere gerrilariak Turkiako estatutik ateratzeko prozesua. Firatnews gunean argitaratu du oharra KCK alderdiak, Turkiako gobernuak ez duela bakea indartzeko inongo pausorik ematen argudiatuz.

KCKk adierazi du martxoaren 21ean publiko egindako su-etena indarrean dagoela, eta Turkiako gobernuan den AKP alderdiari Abdullah Öçalanekin adostutakoa prestatzen hasteko aukera eman nahi diotela. Horrez gain, adierazi nahi izan dute AKPren kudeaketa txarra izan dela gerrilarien erretiratzea geratzeko arrazoia. Beren ustez, Erdoganek negoziazio prozesua hurrengo hauteskundeak irabazteko erabaili nahi du, ez dio garrantzirik eman biolentziarik gabeko egoera bat lortu izanari eta ez dio erantzun Kurduen mugimenduak egindako esfortzuari. (gehiago…)

Kanadako inuitak baliabide naturalen eskumenak lortu nahian

2013-09-03  //  Inuitak  //  Iruzkinik ez

Haurrak inuiten banderarekin.

Kanada iparraldeko Nunavut lurraldean bizi den gehiengo inuita Ottawari baliabide naturalen eskumenak eskatzen ari da. Estatuko gainontzeko lurralde eta probintziek beren baliabide naturalen konpententziak dituzte, eta inuitek ere hala nahi dute.

Nunavuteko agintariek adierazi dute baliabide hauek kontrolatzea lurraldearen garapen ekonomikorako ezinbestekoa dela. 32.000 pertsonako biztanleriarekin, Nunavutek 1,9 milioi kilometro koadroko eremua hartzen du. Bere lurretan urrea erauzten dute, eta etorkizun hurbilean petroleoa, gasa eta mineralak ere atera nahi dituztela irakurri dugu Nationalia gunean. (gehiago…)

Kataluniako Diadarekin elkartasun mobilizazioak Euskal Herrian

2013-09-02  //  Estaturik gabeko nazioak, Euskal Herria, Herrialde Katalanak  //  Iruzkinik ez

Independentistak sarearen ekimena.

Kataluniaren independentziaren aldeko mobilizazioak egingo dira Euskal Herrian. Batetik, hiriburuetan, Independentistak sareak deituta. Catalunya-Euskal Herria, bi herri helburu bakarra, Independentzia lelopean gizakateak egingo dituzte irailaren 7an, 19:00etan. Leku hauetan izango dira ekimenak: Iruñeko Sarasate pasealekuan, Donostiako Catalunya plazan, Bilboko Arriagan eta Gasteizko Foruen plazan. Hendaian ere izango da elkarretaratzea.

Independentistak Sareak euskal herritar asko eta askoren sentimentua eta gogoa kontutan hartu eta elkartasun eta konplizitate hori adierazteko aukera eskaini nahi die guztiei, eta irailaren 7an, larunbata, Kataluniako prozesu independentistaren aldeko ekimenak ditzen ditu Euskal Herriko hiriburuetan (…) aurtengo Diadako mobilizazioa gizakate erraldoia izango da, eta mundu zabalean zehar Kataluniarekin bat eginez antolatuko diren ekimenak ere gizakateak izango dira, beraz, Euskal Herriko hiriburuetan ere gizakateak egin eta, ondoren, elkartasun ekitaldiak burutzea proposatzen du Sareak. (gehiago…)

Madrilgo #OfeliaResiste kanpainak zuhurtasunez ospatu du garaipena

2013-08-29  //  Uncategorized  //  Iruzkinik ez

Gaueko 00:00etan atera zuten familiako argazkia. (Arg: @juancarlosmohr)

Lehen bataila irabazi dute Madrilen Ofelia Nieto kaleko eraikina eraistearen aurka mobilizatu diren ehunka pertsonak. Bart gauerdian amaitu da Udalak hau egiteko zuen epea. Bertan hiru familia bizi dira eta espaloia zabaltzeko argudiopean kalean utzi nahi dituzte. “Sí se puede” oihuka ospatu dute garaipena. Halere, webgunean argitaratutako oharrean jakinarazi dute, jakitun direla Udalak eraiste baimenaren luzatzea eskatu duela.

“Abuztuaren 14ko goizaldean jasan zuten porrot nabarmenaren ostean, ez dira berriz saiatu eraikina desalojatzen. Ordutik ehunka ekintzaile txandaka ibili dira familia bere borrokan ez bakarrik uzteko (…) une gorena 28ko gauean bizitu dugu, 150 pertsonak azken sprint erabakiorra ixteko gaua pasa zutenean bertan”. (gehiago…)

#OfeliaResiste, espekulazioaren aurkako borroka Madrilen

2013-08-28  //  Uncategorized  //  Iruzkinik ez

Herritarrak etxe barnean eta inguruan, hau zaintzen. (Arg: @juancarlosmohr)

Madrilen hiru familia bizi diren etxebizitza eraitsi nahi du Udalak, eta ehunka pertsona hau saihestear daude. Azken egunotan 24 orduz etxearen barnean eta kanpoaldean daude hau zaintzen, eraiste aginduak iraungitze data baitu: gaur, abuztuak 28, gaueko 23:59ean. (gehiago…)

Kataluniarren bigarren indar erakustaldia prest: Via Catalana

2013-08-26  //  Estaturik gabeko nazioak, Herrialde Katalanak  //  2 iruzkin

Via Catalana ongi atera dadin jarriko dituzte indar guztiak independentistek.

Datorren irailaren 11n indar erakustaldi berri bat egin nahi dute Kataluniako independentzia zaleek: Via Catalana cap a la Independència (Bide Katalana Independentziarantz). Herrialdea iparretik hegora zeharkatuko duen 400 kilometrotik gorako giza kate erraldoia. Bartzelona, Girona eta Tarragona bezalako hiriak lotuko ditu besteak beste. ANC mugimendua ari da antolatzen, iazko manifestazio arrakastatsua errepikatu nahian.

Herrialde Baltikoak lotu zituen giza katea.

Mobilizazio berezi hau herrialde Baltikoek egindako giza katean oinarrituta dago. 1989ko abuztuaren 23an bi milioi pertsona inguruk 670 kilometroko giza katea egin zuten Estonia, Letonia eta Lituania lotuz. Bide Baltikoa deitu zioten eta Soviet Batasunetik hiru herrialdeen independentzia eskatu zuten horrela. Ekimenaren antolatzaileek ondorengoa adierazi zuten besteak beste: “Europa komun bat posible izango dugu Europako nazio guztiek autodeterminazio eskubidea ziurtatua badute”. Kataluniarrek esaldi horri eutsi eta eskubide hori aldarrikatzen dute. (gehiago…)

Samiak meategi baten aurka

2013-08-23  //  Estaturik gabeko nazioak, Saapmi  //  Iruzkinik ez

Suedia iparraldean bizi diren samiak burdina ustiatzeko ireki nahi duten meategi baten aurka ari dira borrokan. Atzo 50 pertsonaz osatutako protesta desegin zuen poliziak eta zortzi atxilotu zituen. Euronews berri agentziak argitaratutako albistean, samietako baten adierazpenak jaso dituzte: (gehiago…)

Zergatik ez dute kanpoko munduarekin harremanik (nahi) zenbait herrik?

2013-08-22  //  Amazoniako herriak, Estaturik gabeko nazioak, Jatorrizko herriak  //  Iruzkin bat

Papayaz beteriko saskiak, matxeteak eskuetan… Brasilgo herri isolatu batean argazkia.

Badira beren bizimoduari eutsi eta kanpo munduarekin harremanik gabe bizi diren herriak. 100 bat geratzen direla kalkulatzen dute adituek. Gehienak eremu oihantsuetan biltzen dira, Hego Ameriketan edo Ginea Berrian kasu. Herri isolatu hauek guretzat ohikoak diren gaixotasunen aurkako immunitaterik ez dute, eta harremana izateak ehuneko handiak hil ditzakeela frogatuta dago.

Bizimodu hau daramaten herrietako bat da Perun Amazonian bizi den Mashco-Piroena. Oihanean ongi sartuta, aipatu Mashco-Piro herriarekin egin dute topo esploratzaile batzuk. Hirugarren aldia da urtebetean herri horrekin topo egiten dutena, eta azken bisita bideoan grabatu zuen espedizioan zihoan kide batek. Jatorrizko herrien aldeko borrokan diharduen Survival GKEtik diotenez, harremanik gabeko tribu bat ez zen sekula hain gertutik grabatu. Kontua da, azaroan hilik agertu zela herri horrekin harremana izan zuen kide bat, bihotzean gezi batekin. Albisteari tiraka, sufrimenduz beteriko beste herri baten historiarekin egingo dugu topo. Hemen bideoa.

  (gehiago…)

Eskoziako artxipelagoek eskumen gehiago nahi dute, erreferendumeko emaitza edozein dela ere

2013-07-23  //  Eskozia, Estaturik gabeko nazioak  //  2 iruzkin

Eskoziako hiru uhartediak. Nationalia.cat-etik hartutako irudia (CC-NC-ND)

Eskoziako independentzia prozesuan gertatzen dena gertatzen dela Orkadak, Shetlandak eta Kanpoko Hebridak uharteetako gobernu lokalek estatus politiko berezia eskatu dute. Uharteek jarrera neutrala hartu dute erreferendumaren aurrean eta Our Islands – Our Future kanpaina abiatu dute.

Hiru artxipelagoetako kontseiluek Eskoziako eta Britainia Handiko gobernuei eskatu diete aurrez adieraz dezatela zein izango diren uharteetako biztanleek izango dituzten onurak. (gehiago…)

Hizkuntzen ofizialtasuna eskatu dio Frantziaren menpeko Polinesiak Parisi

2013-07-11  //  Estaturik gabeko nazioak, Frantziaren menpeko Polynesia  //  Iruzkinik ez

Tahitiarrak kamera aurrean.

Frantziako Konstituzioari emendakina jartzeko eskatu du herrialde horren menpe den Polinesiako Biltzarrak. Parlamentuko saioa tahitieraz egin zela argudiatuta Parisek bi lege polinesiar baliorik gabe utzi ostean dator eskaera. Egun hizkuntza ofizial bakarra frantsesa da, Paristik milaka kilometrotara dauden uharte hauetako hizkuntzen kaltetan.

Aldeko 46 boto eta 11 abstentziorekin onartu zen eskaera. Legebiltzarkide autonomistak alde agertu ziren, eta abstenitu zirenak diputatu independentistak izan ziren, bigunegia zela iritzita.

(gehiago…)

90.000 pertsona Kataluniako ‘Askatasunaren aldeko kontzertuan’

2013-07-01  //  Estaturik gabeko nazioak, Herrialde Katalanak  //  Iruzkin bat

‘Freedom Catalonia 2014’ mosaiko erraldoia.

Larunbatean 90.000 pertsona bildu ziren Bartzelonako Camp Nou estadioan egin zen independentziaren aldeko kontzertuan. Bost ordutik gora iraun zituen eta hurrengo eguneko kroniketan irakurri ahal izan dugunez, artistarik aipatuenak Lluís Llach, Peret, Brams, Lídia Pujol, Cris Juanico, Cesk Freixas eta Pau Alabajos izan ziren. Euskal herritar bat ere izan zen oholtza gainean, Fermin Muguruzak Gora Herriak abestu baitzuen bere taldearekin. 2014 Freedom Catalonia mosaiko erraldoiaren argazkia utzi zuten hemeroteketarako. Hainbat hedabidek gertuko jarraipena egin zioten eta adibidez, TV3 publikoak zuzenean eman zuen larunbatean. (gehiago…)

‘Askatasunaren Aldeko Kontzertua’ egingo dute larunbatean Bartzelonako Camp Nou estadioan

2013-06-28  //  Estaturik gabeko nazioak, Herrialde Katalanak  //  Iruzkinik ez

Concert per la Llibertat

Kataluniaren independentziaren aldeko kontzertua egingo dute larunbatean Bartzelonako Camp Nou futbol zelaian. Milaka pertsona biltzea aurrikusten dute “Concert per la llibertat” deiturikoan. Dozenaka artistak hartuko dute parte emanaldian.

“Izan dezagun pazientzia, eman diezaiegun denbora politikariei, baina ez gaitezen gelditu”. Lluis Llachen hitzak dira prozesu soberanistan jendarte zibilak hartu duen protagonismoari buruz gogoetan. “Orain herritarrok protagonismoa hartzen ikasi dugun honetan, ez diogu honi uko egin behar eta norabidea markatzen jarraitu behar dugu”, esan dio Llack-ek Nacio Digital egunkariari.

Kontzertua bi zatitan banatua izango da: Batetik Kataluniako eta nazioarteko musikak “askatasunari emandako kantuak” errekuperatuko dituzte (tartean Fermin Muguruzak ‘Gora Herriak’ abestuko du); eta bestetik, Lluís Llachen diskografiako kantuak abestuko dituzte Llach-ek berak eta beste hainbat musikarik.

Burujabetzaren alde, lanean jarraitzen dute Katalunian. Horren adibide da, aste honetan izan dugun beste albistea: Erabakitzeko Eskubidearen Aldeko Itun Nazionala adosteko lehen bilera egin dute Kataluniako Parlamentuan herrialde osoko 40 erakunde baino gehiagok. Tartean ziren alderdi abertzale nagusiak (CiU, ERC, ICV-EUiA eta CUP), sindikatuak, Katalan Hizkuntzaren Elkarteen Koordinakunea, Kataluniako Gazteriaren Kontesilu Nazionala, Kataluniako Kooperatiben Federazioa, Gay Askapenereako Frontea, Kataluinako Negozioen Elkargoa, Independnetziaren Aldeko Udalen Elkartea…

Desobedientzia zibila indar hartzen ari da Turkian

2013-06-19  //  Desobedientzia zibila  //  Iruzkinik ez

Erdem Gunduz Taksim plazan bigarren gauean.

Istanbulgo Taksim plazan astelehenean sei orduz zutik egon zen turkiar batek, herrialde osoan protestekin jarraitu nahi duten ehunka lagun inspiratu ditu. Ia hiru astez Gezi parkean eutsi ostean, poliziak indarrez hustu zuen kanpalekua eta, halako batean, biolentziaz beteriko egunen ostean, jendea kalean zutik tinko geratzen hasi da gobernuaren aurkako protesta gisa. (gehiago…)

Neurriak hartu, egin dezagun aurrera (Adierazpena Legebiltzarrean)

2013-06-12  //  AskeGunea, Euskal Herria  //  Iruzkin bat

Egunon jaun-andreok. EH Bilduko Julen Arzuagak gonbidatuta, Erakunde, Segurtasun eta Justizia Batzordean nago Donostiako AskeGunean gertatu zenari buruzko nire testigantza emateko.

Lehenik eta behin aurkeztu egingo naiz. Lander Arbelaitz naiz, Donostiakoa eta 27 urte ditut. Sei urte daramatzat Argian lanean kazetari gisa. Egun webguneko erredaktore burua naiz. Egunerokoan webgunean aritzen naiz lanean, baina kazetaritza-lanak egitera hainbat lekutara joateko zortea izan dut: Norvegia iparraldean bizi diren samiengana, Estoniara komunitate errusiarraren integrazioa aztertzera, Irlanda Iparraldera hango bake prozesuaren 10. urteurrenean ea bakegintzan nola ari ziren ikustera, Eskoziako azken hauteskundeekin batera independentzia erreferendumari buruzko eztabaida bertatik-bertara ezagutzera, Madrilera M15aren lehen urteurrenean, eta Hegoafrikan ere izan nintzen 3 astez, Apartheida amaitu eta demokrazia ezarri zutenetik 16 urte zeramatzatenean, bertako zuri eta beltzen arteko bizikidetza zertan zen jorratzera, baita gudatik bakerako egin zuten bidea aztertzen ere. (gehiago…)

Korsikako FLNC berriz ere armak hartzeko prest da

2013-06-06  //  Kortsika  //  Iruzkinik ez

FLNCko kideak artxiboko irudi batean.

Korsikaren independentzia aldarrikatzen duen FLNC erakundeak oharra bidali dio Frantziako Estatuari: Berriz ere armak hartzeko prest dira Estatuaren aurka. Corse Matin egunkarira bidali dute sei orriko agiria, Manuel Valls Barne Ministroa uhartean zela baliatuz.

“Ez dugu sekula halako kaos egoerarik ezagutu. Langile duinak mehatxatu egiten dituzte, beren lanabesak eta beren bizitzak askotan suntsitu. Gizon eta emakumeak arrazoi ilunak tarteko hiltzen ari dira, edozein dela ere beren funtzioa. Zigorgabetasun osoz ari dira eraso egiten hemengo enpresariei, emakumeei, abokatuei, hautetsiei eta langileei”. (gehiago…)

Gure Esku Dago: Erabakitzeko eskubidearen aldeko olatua Euskal Herrira ekarri asmoz

2013-05-28  //  Estaturik gabeko nazioak, Euskal Herria  //  Iruzkin bat

Erabakitzeko eskubidearen aldeko dinamika aurkeztu dute asteburuan Bilbon: Gure Esku Dago. Eskozian eta Katalunian bezala, erabakitzeko eskubidea bultzatuko dute. Euskal Herria nazioa dela, erabakitzeko eskubidea duela eta herritarrak direla protagonista nagusi defendatzen dute.

Bideo honetan Ander Arresek ekainaren 8an Irungo Ficobara joateko deia zabaldu du: “Egungo egoera aprobetxatu behar dugu erabakitze eskubidearen alde egiteko, bestela uhin hori galdu egingo dugula uste dugu”.

  (gehiago…)

Herri harresietan komunikazio lana egingo duen sarea antolatzen ari dira

2013-05-27  //  Aktibismoa sarean  //  2 iruzkin

Donostiako eta Ondarroako AskeGuneen ondoren, komunikazio ikasle talde batek ekimena abiatu du: Komunikazio munduan dabilen jendearen artean sare bat antolatzea herri mugimenduek deitutako ekimenen jarraipena egiteko: greba orokorrak eta herri harresiak adibidez, beren webgunean diotenez. Abiapuntu gisa Iruñerriko hainbat gazteren atxiloketaren kontra deitu duten herri harresia jarri dute. (gehiago…)

Australiako aborigenak, argazki galeria

2013-05-22  //  Australiako jatorrizko herriak, Estaturik gabeko nazioak  //  2 iruzkin

Yolngu herriko kide den neskatoa eguzkiaz eta itsasoaz gozatzen, ipar Australiako kostaldean.

National Geographic aldizkarian Australiako aborigenei buruzko foto erreportaje ederra egin dute. Uhartean 50.000 urtez bizitu arren, egun Australiako biztanleen %3 baino gutxiago dira. Beren kultura, bizimodua eta mundu ikuskera pixkana desagertzen ari dira. Hala ere, egun oraindik eusten diote eta argazkiok horren froga dira. Amy Toensing-en lana.

Sabino Ormazabal: “Desobedientzia zibila oraina da, baina batez ere, etorkizuna”

2013-05-21  //  Borroka teknikak, Euskal Herria  //  Iruzkinik ez

Martin Luther King eskubide zibilen aldeko borrokan.

Desobedientzia zibilaz eta indarkeriarik gabeko borrokaz jardun dira Papeles de relaciones ecosociales y cambio global aldizkariaren 120. zenbakian Sabino Ormazabalekin. Elkarrizketa sakona eta interesgarria da, PDFan 11 orrialdekoa. Hainbat gai ukitu dituzte: Euskal Herriko desobedientziaren historia, borroka armatuaren eragina, Joxemi Zumalabe Fundazioa, 18/98 makrosumarioa, kartzela, Indarkeriarik gabeko 500 ekintza, historia kontatzeko beste modu bat liburua, Ziztadak dokumentala (hemen osorik ikusgai), Sufrimenduaren Mapa (osatugabea) liburua…

Erantzunetako bat ekarri nahi izan dut hona, desobedientzia zibilari buruzko eztabaidak protagonismoa hartu duen honetan, gaian sakontzeko lagunduko duelakoan. Elkarrizketa osoa hemen irakur daiteke. José Luis Fernández Casadevantek elkarrizketatu du Ormazabal. (gehiago…)

Ondarroako AskeGunearen jarraipena hasieratik amaierara

2013-05-10  //  AskeGunea, AskeGunea Ondarroa, Euskal Herria  //  3 iruzkin

[Hasi aurretik oharra: post honetan Ondarroan AskeGunea ireki zutenetik amaitu arte, sei egunez bizitakoa topatuko duzu, ahalik eta txukunen kontatua. Gainbegirada bat eman nahi badiozu, behe-behetik gora hastea gomendatzen dizut, gertaeren eboluzioa ikusi ahal izateko]

Axier Lopez lankideak Begizta blogean gaur goizaldeko bideoen bilduma egin du. Naiz.info-ko bideo hau ere landuta dago, Turrune Ondarruko hedabide lokalak ere egin du bat, eta Info7ko kideek ere goizean zehar bildutako korte onenekin laburpena egin dute.

16:00 Iñigo Urkulluk Ertzaintza zoriondu du eta esan du operazioa “eredugarria” izan dela. garestia izan dela eta ezker abertzalea “alferrik giroa tentsatzen” ari dela.

12:00 Prentsaurrekoa egin dute zubiaren aurrean. “Herri harresiak Donostiatik Ondarroara bezala, orain Euskal Herri osora zabaldu behar dira”, esan du AskeGuneko kide batek.

11:00 Estefania Beltran de Heredia Segurtasun sailburuak Radio Euskadin adierazi du “harro” dagoela Ertzaintza bezalako talde bateko buru izateagatik. Ertzaintzak “harresian zeuden pertsona guztien segurtasuna” bermatu duela gaineratu du.

10:30 Zubi harresia amaitu eta berehala egin duten balorazioa. Txaloak Urtzarentzat, bertaratu diren guztientzat, Etxaburu porra eskuan, Lekittarrak elkartasuna adierazten…

(gehiago…)

Hil egin da gose greban zen preso saharar bat

2013-05-09  //  Estaturik gabeko nazioak, Mendebaldeko Sahara  //  Iruzkin bat

Preso sahararren askatasunaren aldeko manifestazio bat orain gutxi / Flickr: arribalasqueluchan!

Mohamed El Burhimi Marokoko Ait Melloul katzelan hil zen atzo astebetez elikagairik hartu gabe egin ostean. Otsailak 20 (O20) mugimenduaren eta Marokoko Ikasleen Batasun Nazionala (UNEM sigla frantsesetan) ikasle sindikatuaren gose grebak marokoar estatuko kartzela askotan zabaldu dira. 22 urte zituen El Burhimik.

Epaitegi militar marokoarrak ezarritako 10 urteko kartzela zigorraren aurka abiatu zuen gose greba apirilaren 30ean 22 urteko ekintzaile sahararrak. RASD News informazio gune sahararrak jakitera eman du albistea Facebook bidez.

El Burhimi egun Marokoko estatu osoan gose greban dauden preso politikoetako bat zen. Iturri sahararren arabera dozenaka dira eta batzuek 60 egun baino gehiago daramatzate jan gabe kartzeletako egoera orokorrari soluzioa exijitzeko. (gehiago…)

Hizkuntza ardatza galegoa izango duen ‘Avoaescola’ sareko lehen haur eskola sortu dute

2013-05-07  //  Galizia  //  3 iruzkin

Ferrolgo gazteenek hezkuntza galegoz jaso ahal izango dute datorren ikasturtetik aurrera.

6 urte arteko Galiziako haurrentzat hezkuntza galegoz emango duen Avoaescola proiektuko lehen eskola aurkeztuko dute bihar Ferrolen. Galicia co Galego (GcG) plataformak bi urtetan egindako lanaren emaitza da. Datorren ikasturtean irekiko ditu ateak, Praza Pública-k argitaratu duenez.

Galiza co Galego proiektua 2010ean aurkeztu zuten eta beren buruari hezkuntza sare “herrikoi eta pribatua” bultzatzea ezarri zioten lehen helburu gisa. Ferrolgo Avoaeskola da sare honetako lehen emaitza. (gehiago…)

AskeGuneko gauaren kronika harresiaren bihotzetik

2013-04-19  //  Aktibismoa sarean, AskeGunea, Euskal Herria  //  9 iruzkin

Ertzaintzak herri harresia inguratu du 6:00ak bueltan. (Arg: L. Arbelaitz)

Donostian azken egunotan bizi izan duguna ez dugu denbora askoan ahaztuko; batez ere gaur gertatu dena. 800 bat pertsonak tinko eutsi diote elkarri militantzia politikoagatik atxilotze agindua zuten gazteen inguruan. Ertzaintza goizeko 6:00etan etorri denerako sirena hotsak esnatuak zituen herri harresiko kideak, eta kontuak kontu, sekula baino jende gehiago zegoen Boulevardean. Hiru ordu baino gehiagoren ondoren eraman dituzte atxilotuak, polizia operazio handi baten erdian.

Duintasun handiz eutsi diote gazteek, inongo biolentziarik erabili gabe, aldarrikapenetan oso tinko. Tentsio une handiak bizi izan dira, ondorengo bideoetan ikus daitekeenez. Ertzaintzak ere bere estrategia oso pentsatuta ekarri du eta banaka-banaka jendea atera du sei gazte zigortuengana heltzeko. Hauek izan dira sei atxilotuak: Mikel Arretxe, Oier Lorente, Aitor Olaizola, Egoi Alberdi, Ekaitz Ezkerra eta Adur Fernandez. Imanol Vicente eta Naikari Otaegi ez dira egunotan AskeGunean izan, beren erabakiz.

Bideo dexente grabatu ditut, ondoren ikus ditzakezue, baina azkenekoa da ilustragarriena. Ertzaintzaren itxitura gainditu eta herri harresia barnetik ageri da, 20 minutuko bideoan. Hor ikus daitezke herri harresi honen azken 20 minutuak. Gazte zigortuak nola eraman dituzten ikus daiteke, baita bertan elkarri eutsita zeudenek bizi izan dituzten uneak ere. Benetan oso indartsua izan da han zeudenek transmititzen zuten mezua. (gehiago…)

Donostiako AskeGunearen 24 orduko jarraipena

2013-04-17  //  AskeGunea, Euskal Herria  //  Iruzkinik ez

[Eguneraketa: AskeGunea, Gara eta Argiako irudiak nahasiz Axier Lopezek egindako bideo honek ongi laburbiltzen du Donostian gertatuta. Azpian etengabeko jarraipen xehetua]

(gehiago…)

Atxilotu nahi dituzten Donostiako zortzi gazteak nor dira?

2013-04-16  //  AskeGunea, Euskal Herria  //  Iruzkinik ez

Espetxe zigorra ezarri dieten Donostiako zortzi gazteak. Goian ezkerretik: Aitor Olaizola, Mikel Arretxe, Oier Lorente, Ekaitz Ezkerra tea Naikari Otaegi. Behean ezkerretik: Imanol Vicente, Adur Fernandez eta Egoi  Alberdi. (Arg: Lander Arbelaitz)

Mikel Arretxe. 1985. Egiarra. Hernanin bizi da. Lehendik bi urte egon zen kartzelan antzeko muntaia batengatik. Askatu eta urtebetera auzi honengatik atxilotu zuten, eta inkomunikazio aldian era basatian torturatu. Bikotekidea du. Lanean ari da. Sei urteko kondena.

Imanol Vicente. 1986. Amara Berrikoa. Lanean ari da Spining klaseak ematen ditu eta bikotekidea dauka. Sei urteko kondena.

Naikari Otaegi. 1983. Amara Zaharrekoa. Bikotekidea eta bi seme-alaba ditu: Zazpi hilabete eta hiru urtekoak. Espetxeratzen badute alabarekin sartuko da honek 3 urte egin arte. Sei urteko kondena. (gehiago…)

Donostiako gazteak atxilotzeko agindua eman dute eta 24 orduko herri harresia deitu dute

2013-04-16  //  AskeGunea, Euskal Herria  //  Iruzkinik ez

Gaur goizean gazteak atxilotzeko agindua jaso dute hauen abokatuek, Info7 irratiari adierazi diotenez. Irratian mezua zabaltzearekin batera, AskeGunera joateko deia luzatu diete herritarrei, euren babesa adierazi eta modu baketsuan erresistentzia jartzera. Astearte goiza izan arren, denbora gutxian ehunka pertsona bertaratu dira bertara.

Gazte zigortuek esker ona adierazi dute beste behin eta hemendik aurrera atxilotze aginduarekin euren etxeetara sar daitezkeela jakitun, AskeGunea 24 orduko planteamentu batera pasatzea erabaki dute. Zigortuetako sei ez direla hemendik aurrera bananduko adierazi dute, ez direla bakoitza bere etxera joango. Hortaz, herritarrei lo ere egitera joateko deia luzatu dute, beraz lotarako zakuarekin joateko gonbidapena luzatu diete. Sirena hotsa ere prestatu dute ertzaintza joaten denean jartzeko. (gehiago…)

Analisia: Donostiako atxiloketak atzeratzea herri harresia indartzeko aukera

2013-04-13  //  AskeGunea, Euskal Herria  //  Iruzkinik ez

Gazte zigortu batzuk inguruan babesa adieraztera joandako herritarrekin.

Inkognita handia da Madrilek Donostiako gazte zigortuen gaia zenbat luzatuko duen. Honek, normala denez, ezinegona sortzen du Donostiako Boulevardean. Dena den, injustiziako egoera hau osatzen duten elementuek potentzial handia dute elkarrekin. Oraingoz auziperatuen defentsan antolatu direnek indarra transmititu dute hainbat zirkulotan. Aske Gunearen ideia eta zigortuak babesteko hartutako neurriek, etxeetaino ehunka pertsona bila eta bueltan joatea bereziki, herri harresia eraikitzeko lehen harri indartsuak dira. Aurrera pauso bat emateko ordea, babes zabalagoa lortzea ezinbesteko izango du mugimendu honek, eta horretarako aldarrikapenak, mezuak eta ekintzak ongi kudeatu beharko ditu.

Baliteke Madrildik gaia azkar itxi eta mugimendu hau errotik moztea. Hori horrela gertatzen bada, sortzen ari den mugimendua trinkotzea lortu gabe desegin liteke. (gehiago…)

Donostiako auziperatuen gaiarekin lau bideo eta bi argazki

2013-04-10  //  Aktibismoa sarean, AskeGunea, Euskal Herria  //  Iruzkinik ez

Laburra izan asmo duen post bat: Gaur egun mugitu xamarra izan da Donostiako Aske Gunean, gehienbat goizean Ertzaintzak Ekaitz Ibero atxilotu izanaren ondorioz. Gerora, egoera normaldu eta antolakuntzarekin jarraitu dute, harik eta kontzentrazio bat egin eta zutabeetan etxeetara joan diren arte 20:30ak bueltan.

Norbaiti ez zaio batere gustatu kartzelara joateko agindua jasoa zuen Ekaitz Ibero azken bi hilabete ezkutuan pasa ostean, atzo gainontzekoekin batera publikoki agertu izana. Goiz partean, 11:00k bueltan, gunean jende gehiegi ez zegoela baliatuta, Ertzaintzak atxilotu egin du.  Gainera, bertan zeuden lekukoek esan dutenez, eta grabatu duten bideoan zerbait ikusten da, Ertzaintza gogor sartu da eta kolpeka bortitz sakabanatu ditu lurrean eserita Iberori eutsita geratu diren pertsonak. Hainbat pertsonak ospitalera joan behar izan dute. Hemen lehen bideoa.

  (gehiago…)

Donostiako bederatzi auziperatuen inguruan “herri harresia” antolatzeko lanean ari dira

2013-04-09  //  AskeGunea, Euskal Herria  //  Iruzkinik ez

Kartzela zigorra daukaten Donostiako bederatzi auziperatuei babesa adierazteko “herri harresia” eraiki nahi dute. Astearte eguerdian egin dute prentsaurrekoa, epaia ez dutela onartzen adierazi dute, eta amaieran zigorrak zekartzaten sententziak publikoki hautsi dituzte. Ondorengo bideoan ikus daiteke hori, baita bertaratutakoek emandako babes mezuak ere.

Edozein unetan atxilo ditzaketela jakitun, Askegunea antolatu dute Boulevardean. Egunero muntatu eta jasoko dute, eta goizeko 9:00etatik 20:30etara egongo da. Han egongo dira auziperatuak, eta bertara joan eta etxera itzultzeko herritarren zutabeak antolatu dituzte, beti lagunduta egon daitezen. Hala itzuli ziren bart etxera, euren egoera euskaraz eta gaztelaniaz azaltzen duten paskinak gurutzatzen diren herritar guztiei emanez. Ion Telleriak grabatutako bideo honetan ikus daiteke zutabe bat Alde Zaharreko auziperatu baten etxera iritsi den unea. (gehiago…)