Pintada arrazistak egin dituzten nerabeei epaileak agindutako kondena: irakurtzea

2017-02-27  //  Arrazakeria, Diskriminazioa  //  Iruzkinik ez

16-17 urteko bost lagunek esbastika bat eta mezu arrazista pare bat margotu zituzten afroamerikarrentzako eskola izandako eraikin zahar batean. Epaituak izan dira, besteak beste gazteek adierazi dute esbastikak zehazki zer esan nahi duen ez dakitela, eta fiskalari iruditu zaio akusatuek behar dutena dela “begiak irekitzea, ikusteko jendeak nolako gauza beldurgarriak egin dituen arrazaren, generoaren edota erlijioaren izenean”, eta irakurtzera kondenatu ditu: 12 liburu guztira, hilero bat, ondo pentsatutako 35 liburuko zerrenda batetik aukeratuak.

“Purpura kolorea” da zerrendan aukeratzeko duten liburuetako bat.

(gehiago…)

Zein da urteko erabaki judizialik matxistena?

2017-02-27  //  Matxismoa  //  Iruzkinik ez

Genero ikuspegitik epaile batek hartutako erabakirik okerrena eta onena saritzen ditu urtero Women’s Link Worldwide elkarteak. Ebazpen matxistenen atalean, iaz Gasteizko kasu bat iritsi zen finalera eta aurten Murtzia eta Indiako auzitegiak dira hautagai nagusiak. Bozkatzeko aukera ere badago, apirilaren 21era bitarte. (gehiago…)

Negarrez, futbol partidu osoan zehar irain arrazistak jasan ostean

2017-02-21  //  Arrazakeria, Diskriminazioa, Kirola  //  Iruzkinik ez

Serbiako futbol ligan gertatu da. Partizan taldeko Everton Luiz brasildarrak baloia ukitzen zuen bakoitzean, tximuaren keinua eta irainak prest zituzten Rad Belgradoko zale ultraeskuindarrek. Pankarta ere atera zuten, brasildarraren aurka. Negarrez bukatu zuen Evertonek: “Ezin izan nien malkoei eutsi, 90 minutuz harmailetatik irain arrazistak jasan ostean”. (gehiago…)

Irakasleak fokupean

2017-02-20  //  Hezkuntza  //  Iruzkinik ez

PISA azterketak EAEn utzi dituen emaitza kaskarren ardurak hizpide, fokua irakasleengan jarri du Cristina Uriarte Hezkuntza sailburuak. Nik maisu-maistra asko ditut gogoan, ikasle garaitik: zorrotzagoak batzuk, enpatikoagoak besteak; ikasle denek ulertu arte azalpenak errepikatzen eta modu ezberdinetan ematen zituztenak, eta gaitegi osoa eman nahian erritmoa apaltzeko astirik ez zutenak; lanorduz kanpo klase originalak prestatzen saiatzen zirenak, eta curriculuma estu jarraitzen zutenak; ikasle bakoitzaren eboluzioa gertutik ezagutzen zutenak, eta ordezkapen sistemak ikastetxe batetik bestera dantzan zituen irakasleak; pedagogia berritzailez eta ilusioz beterik iristen zirenak, hamaika ikastaro eta mintegitan parte hartutakoak, eta pixkanaka ilusio hori galtzen joaten zirenak… Ikasleen jakin-mina eta motibazioa loratzeko giroa eta testuingurua funtsezkoa dela diogun moduan, irakasleen motibazioa eta ilusioa ez kamusteko ere ez al da oinarrizkoa eskaintzen zaion giroa, egunerokoan aurkitzen dituen baldintzak? Ikasgela gero eta masifikatuagoak, curriculum amaigabeak, lege eta plangintza aldaketak, autonomiarako tarte txikia uzten duen sistema zurruna… ez dira giro onena. Uriartek esan die irakasleei akademizismoan eta esposizioan oinarritutako hezkuntza alboratu behar dutela, eta aldi berean PISA eta enparauen moduko ebaluazio guztiz akademizistak jartzen dira hezkuntza sistemaren abiapuntu eta helburu, irakaskuntza baldintzatuz. Panorama honetan, etengabe zirrikituak bilatzen eta ikasle bakoitzaren onena ateratzen ahalegintzen diren irakasleak ez dira gutxi. Piztu dezatela fokua horiek nabarmentzeko. (gehiago…)

Emakume graffitigileen kaleko arte borrokalaria, Girl Power dokumentalean

2017-02-13  //  Artea, Generoa, Gizartea  //  Iruzkinik ez

Modu ilegalean eta sarri baldintza ez oso ziurretan kaleko paretak edota metroko bagoiak artez zipriztintzen dituzten graffitilariak ez dira soilik gizonezkoak. Emakumeak ere badira eta irrikaz daude, euren ahotsa entzun dadin eta batez ere euren obrak ikus daitezen. Girl Power da aukera hori eman dien lehen dokumentala. (gehiago…)

Manteroek horrela omendu dituzte Tarajalgo polizia-operazioan hildako 15 migratzaileak

2017-02-13  //  Migrazioa  //  Iruzkinik ez

Hiru urte dira Ceutako Tarajal hondartzara igerian iritsi nahi zuten 15 migratzailek bizitza galdu zutela, guardia zibilek gomazko balak eta gas negar-eragilea jaurtitzen zizkieten bitartean. Espainiako migrazio politika ankerra oso ongi ezagutzen duten manteroek omenaldia eta salaketa egin nahi izan dute eta Tarajal: Desmuntant la impunitat de la frontera sud dokumentalarekin bete dituzte euren mantak.

Argazkia: Angel Garcia

(gehiago…)

Lesbiana bikote bati semea erregistratzeko jarri dizkioten arazoen aurka, 100.000 sinadura

2017-02-08  //  Diskriminazioa, Homosexualitatea  //  2 iruzkin

María José Torres eta Brenda Kelleher ezkonduta daude 2007tik, ume batez erditu zen Kelleher ekainean, eta bien seme bezala erregistratu nahi izan zutenean, epaileak behartu zituen intseminazio bidez izan zela adierazten duen dokumentazioa aurkeztera, Torres ere ama zela frogatzeko. “Bikote heterosexualetan, inongo gizoni ez zaio eskatzen aita biologikoa dela edo bikotekidea intseminatua izan dela frogatzeko agiririk”. Oztoporik eta diskriminaziorik gabe erregistratu ahal izateko eskaera egin dute orain, 100.000 sinadura baino gehiago bildu ostean. (gehiago…)

Erraza da Trump kritikatzea

2017-02-06  //  Errefuxiatuak, Migrazioa  //  Iruzkinik ez

Eta kritikatu behar dugu, bortitz eta gupidagabe, bere migrazio politika bezalatsu, baina ez diezagutela saldu hark lotsagabe eta baldarki egiten duena hemengoek modu sotilagoan egiten dutelako zintzoagoak direnik, aukera ederra ikusi baitute Europako agintariek, Trumpen aitzakian euren burua zuritzeko. “Trumpen neurriak errefuxiatuei zor zaien nazioarteko laguntzaren aurka doaz”, bota du Angela Merkel Alemaniako lehen ministroak, migratzaileen kanporaketak bizkortu dituen berberak, errefuxiatuak gainetik kentzeko Turkiako Gobernuarekin itun lotsagarria sinatu duenak. “Pertsonen kontrako susmoak ezin dira oinarritu beraien jatorrian” gogorarazi dio Merkelek AEBetako presidenteari, Europak aspalditik bereizten dituen arren lehenengo eta bigarren mailako migratzaileak, jatorriaren arabera. “Ez du zentzurik mugak jartzeak”, bota du Mariano Rajoyk, Ceuta eta Melillan hesiak indartu eta migrazio politika gogorra daraman horrexek berak. “Trumpek errefuxiatuak hartzen ez dituenean, erantzun egin behar diogu”, ausartu da esatera François Hollande, Calaiseko kanpalekua hustu duenak, Europar Batasuneko gainerako herrialdeen gisan errefuxiatuak birkokatzeko hartu zuen konpromisoa betetzen ez duenak. Lotsa ematen du Federica Mogherini diplomazia europarraren buruari entzutea “Europan, hormak eraisten direnean ospatu” egiten dugula, zer eta hormak, hesiak eta oztopoak altxatzen ari garenean han-hemenka. “Uneotan, munduarentzat erreferente izan behar dugu”, gaineratu du Mogherinik, eta Trumpen aurrean “Europaren duintasuna” defendatzea dagokigula uste du Donald Tusk Europar Batzordeko presidenteak. Baina nola izango da duintasunaren erreferente, kanpalekuetan milaka lagun baldintza lotsagarrietan bizi diren bitartean edota beste milaka lagun Mediterraneoan hiltzen diren bitartean, beste alde batera begiratzen duen Europa? Mesedez, ez gaitzatela inozotzat hartu, Trump txiki asko ditugu gure kontinentean, Europa gotorleku baztertzaile izateko tinko lanean. (gehiago…)

Herri oso baten maitasuna lortu duen irakaslea

2017-01-30  //  Hezkuntza  //  2 iruzkin

800 biztanle inguruko herrian, ezustekoa prest zuten Juan Antonio González irakaslea jubilatu zen egunean: ikasle, irakasle, ikasle-ohi eta herrikideek txalo artean eman zioten agurra, ikasgelatik atera eta ikastetxea utzi arteko bide guztian zehar. Herriko eskola bakarrean 32 urtez aritu den irakasleak dio “gelan umorea erabiltzea” eta “ikasleei entzutea” izan dituela oinarri. (gehiago…)

Hilekoa emotikono bihurtua

2017-01-30  //  Gorputza  //  Iruzkin bat

Gorputzari, hormonei, hilekoari, sexuari… lotutako emozioak adierazteko emotikonoak faltan botatzen zituen Jo Ratcliffe ilustratzaile britainiarrak, eta mugikorrera deskargatzeko moduan sortu ditu. Oraindik tabu diren gaiak ikusgarri egitea eta emotikonoetan emakumeek duten presentzia indartzea du helburu. (gehiago…)