Ikasleei buruzko oharrak, gurasoei gaztelaniaz

2015-03-02  //  Euskara, Hezkuntza  //  8 iruzkin

D ereduko ikastetxe publikoan, gurasoei gaztelaniaz bidaltzen dizkiete euren seme-alabei buruzko oharrak, gurasoek euskaraz ez dakitenean. Irakasleetako batek erabaki du guraso horiei jakinarazpena euskaraz eta gaztelaniaz bidaltzea, baina berehala jaso du erantzuna: ezin duela halakorik egin, gaztelaniaz baino ez bidaltzeko, bestela aurrekaria sor dezakeela argudiatuta.

Arazoa guk geuk dugu, tuntunok, elkarbizitza “normala” errazteko ahaleginean.

(gehiago…)

Bigarren hezkuntza, errealitatetik deskonektatua?

2015-02-23  //  Hezkuntza  //  Iruzkinik ez

“Bigarren hezkuntzan, badirudi sakrilegioa dela txikiagoekin egiten ditugun asanbladak eta talde ariketak egitea, baina bat-batean unibertsitatera iritsi eta publiko aurrean hitz eginarazten diete, eta shock modukoa da ikasleentzat”.

Berrikuntzarako edozein zirrikitu itxiko du DBH bukaeran ezarriko duten errebalidak.

(gehiago…)

Arrazismoa Oscarretan?

2015-02-16  //  Gizartea, Zinema  //  Iruzkinik ez

Beltzen boto eskubidearen alde egin ziren martxetan oinarritzen da Selma filma. Ez pelikulako zuzendaria, ez Martin Luther King-en rola antzezten duen David Oyelowo aktorea Oscarretarako izendatu ez izana bidegabea dela uste du hainbatek, arrazismoa dagoela atzean. #OscarsSoWhite etiketa ere zabaldu dute Twitterren.

‘Selma’ filmeko David Oyelowo aktorea: “Beltzak gehiago saritzen gaituzte zerbitzarien rola antzezten dugunean”.

(gehiago…)

Haurrak arrakastarako heztearekin obsesionatuta

2015-02-02  //  Hezkuntza  //  Iruzkinik ez

Krisi garaiak areagotu egiten omen du lehia heziketan. “Langabeziak eta etorkizun ilunak larrituta, seme-alabentzat heziketa perfektua bilatzen dute gurasoek eta espiritu lehiakorra kutsatzen diete”, dio Berthold Vogel soziologo alemaniarrak.

Norberak egin dezala gogoeta “heziketa perfektua” eta “arrakasta” gisako kontzeptuez.

(gehiago…)

“Ez naiz nire alabaren agenda”

2015-01-26  //  Hezkuntza  //  Iruzkinik ez

Seme-alabari ahaztu egin zaizkiola eskolan bidali dizkioten etxerako lanak? Zehazki zein ariketa egin behar den ez duela apuntatu? Arazoa konpontzeko whatsapp taldea erabiltzen du ama talde batek: gainerako amei galdetu, eta ariketei buruzko informazioa eta argazkiak elkarbanatzen dituzte. Ametako batek ordea, Noelia López-Chedak, planto egitea erabaki du.

Haur babestuegiek arazoak izan ditzakete autonomia garatzeko (Irudia: Garbine Ubeda)

(gehiago…)

Haurrek manifestazioetan parte hartzea haurrak manipulatzea da?

2015-01-19  //  Hezkuntza  //  2 iruzkin

Nafarroako Hezkuntza kontseilari José Iribasek argi du: “Amorragarria, ustez zuriketa delituetan edo talde armatuetan parte hartzeagatik atxilotu dituztenen aurrean manifestatzeko umeak erabiltzea”. Modu horretan salatu zuen Iribasek (eta ABC egunkariak) Guardia Zibilak Amaia Izko abokatua atxilotu ostean honen semearen ikastetxean, Iruñeko Frantzisko Deunan, ikasleek Izkori babesa adierazi izana. (gehiago…)

Musulmanei buruzko usteak gezurtatzen

2015-01-12  //  Gizartea  //  Iruzkinik ez

Islamofobia ugaritzen ari den garaiotan, Islamaren eta musulmanen inguruko uste ustelak hain azkar –eta interesatuki– zabaltzen ari diren uneotan, komeni da hainbat aurreiritzi gezurtatzea.

Herrialde musulman batzuetako gobernuen politika aitzakia gisa erabiltzen da musulman norbanakoak eta haien kultura mespretxatzeko.

(gehiago…)

Kultura gozatu, baloratu, lagundu

2014-12-22  //  Kulturgintza  //  Iruzkinik ez

Kultur emanaldi libre eta irekiak antolatzen dituzte Irungo Kabigorri Ateneo-tabernan. Ugaria eta anitza da eskaintza, kontzertuak, antzezlanak, literatur irakurraldiak, erakusketak, bertso-saioak, hitzaldiak… tarteko. Bide Ertzean, Mursego edo Itxaro Borda bezalako izen ezagunekin batera, artista ezezagunek ere tokia dute bertan. (gehiago…)

Euskararen Eguna, “paripea”?

2014-12-05  //  Euskara  //  Iruzkinik ez

Antzina.eu

Bizi dugun errealitatea medio, Mintzalaguna bezalako ekintza artifizialak antolatu behar izatea ulertzen duela esan zidan Idoia Genua AEK-ko irakasleak, baina euskara modu eta ingurune naturalagoetan erabiltzea dela gakoa, eguneroko ekintzetan eta eguneroko jendearekin. Euskararen Egunak ere badu artifizial eta itxurakeria kutsurik: (gehiago…)

Zenbat boto arrazista lortu(ko) ditu Marotok?

2014-11-17  //  Gizartea  //  Iruzkinik ez

“Gizarte laguntzetako iruzurra bezain nazkagarria da iruzur fiskala”, adierazi du Gasteizko alkateak. Azken finean, iruzur fiskalak 2.000 milioi euroko zuloa uzten du urtero EAEn (13.500 milioikoa ikuspegi ezkorrenen arabera). Eusko Jaurlaritzak kudeaturiko gizarte laguntzetan aldiz, iruzur egiteko asmoa dutenek 3,8 milioi euroko gastua eragin dute  (gizarte laguntzen %0,3). Kurioski, Marotok ez du neurririk, salaketa sutsurik eta sinadura bilketarik abiatu iruzur fiskalari aurre egiteko, bai ordea gizarte laguntzak murriztu eta etorkinak kriminalizatzeko.

Diru publikoa gaizki gestionatzearen ardura gizarte laguntzen sisteman edota etorkinengan zamatzea errealitatea desitxuratzea da. (Arg: La gente rula)

(gehiago…)