EPEL ipurdibistan

2011-06-13 // Kirola // 11 iruzkin

Xala hunkitu egin da prentsaurrekoan.

Bai, ipurdibistan utzi du Xalak EPEL Eskuzko Pilota Enpresen Ligaren antolakuntza, gaur arratsaldean Irunen eskainitako prentsaurrekoan. Pilotari lapurtarraren apendizitis ebakuntza zela-eta, ekainaren 19an jokatuko den buruz burukoaren finaletik kanpo uztea erabaki zutenetik, arauak nahi erara aplikatzea eta errentagarritasunari baino ez begiratzea egotzi die hainbat zaletu eta pilotari haserretuk Asperi eta Asegarceri. Bada, gaur Xalaren hitzak entzun ostean, agerian geratu dira erabakiaren kontraesan eta hutsuneak. (gehiago…)

Xalaren apendizitisa eta enpresa ahalguztidunak

2011-06-10 // Kirola, Uncategorized // Iruzkinik ez

Xalak ezingo du finala jokatu.

Xalak ez du Buruz buruko finala jokatuko, pilota munduan ahalguztiduna den Eskuzko Pilota Enpresen Ligak (EPEL) hala erabakita. Oinatz Bengoetxeak ordezkatuko du, Aimar Olaizolaren aurka. Adierazpenak egin dituzten pilotari guztiak, eta ez dira gutxi, erabaki horren aurka agertu dira, tartean Retegi I, Bengoetxea, Julian Retegi, Galarza, Arretxe, Beloki, Eugi, Abel Barriola, Patxi Ruiz edo Irujo. “Finala finalera iritsi direnek jokatu behar dute. Publikoak hori espero zuen eta berdin dio partidua maiatzean, ekainean edo uztailean jokatzen bada”; “hain nago haserre denarekin eta gauzak egiteko moduarekin, ez dudala ezer esan nahi”; “Oinatzek jokatzeak ez du ez hanka ez buru, hori ez da finala”; “arauak komeni zaien eran aplikatzen dituzte enpresek”; “bidezkoena izango litzateke Sanferminak pasa arte atzeratzea norgehiagoka”; “Xalak denbora gehiago merezi zuen, baina enpresek beraien interesei begiratu diete”… Horiek prentsak haserre dauden pilotariengandik gaur jasotakoak. (gehiago…)

Marionekin maiteminduta

2011-05-23 // Uncategorized // Iruzkinik ez

Marion Cotillard (Adriana) eta Owen Wilson (Gil), 'Midnight in Paris' filmean.

Coco Chanelekin moda ikastera Parisa joan, eta Modigliani, Hemingway eta Picassoren musa eta maitale bukatu duen emakume bitxia da Adriana. Berarekin maiteminduko da 1920ko hamarkadako Parisera gauero bidaiatzen duen idazle protagonista, eta ez gaitu harritu. Woody Allenen azken filmean Marion Cotillard aktore frantziarrak antzezten duen emakume misteriotsu eta liluragarriak planoak ostu dizkie inguruko guztiei. (gehiago…)

Montxo Armendarizen azkena: sotila, baina beldurrik gabea

2011-05-16 // Zinema // Iruzkinik ez

'No tengas miedo' filmeko irudia.

Tasio, Secretos del corazón edota Obaba filmetan erakutsi zuen estilo sotil berarekin heldu dio Montxo Armendarizek gai arantzatsua jorratzen duen bere azken lanari: txikitatik aitak bortxatu duen neskaren istorioa. Silvia protagonistaren begiradak gidatzen du filma uneoro, eta bere egunerokoak, detaile txikiek, keinuek, begiratuek, jarrerek… emango digute atzean ezkutatzen den errealitate latzaren berri, irudi morbosoetara eta dramatismo hanpatura jo beharrik gabe. Bai, fintasun eta kontu handiarekin aurkeztu du gaia zuzendariak, erritmo pausatuaz, kontatzeko duen modu pertsonalarekin, egungo zinemari hainbatetan darion arrapaladako estetikari muzin eginez. Baina istorioaren garraztasuna ere ez du saihestu, ez da erori gehiegizko samurkerian; besterik gabe, ikusleoi utzi digu gure ondorioak ateratzen. Hala, gauza handia lortu du zuzendari nafarrak: ikuslea butakan deseroso sentiaraztea, zirrara eta benetako emozioa probokatzea, horretarako odola, negarra eta efektismo merkea baliatu barik. (gehiago…)

Tragediaren argazkia garaile

2011-04-15 // Argazkia // Iruzkinik ez

Argazki saritua.

Paul Hansen argazkilari suediarraren ondoko argazkiak irabazi du aurtengo Swedish Picture of the Year Awards saria. Iaz Haitin lurrikararen ostean ateratako argazkia da; irudian ageri den 15 urteko neskatoa poliziak hil zuen, eskuan dituen objektuak lapurtzeagatik. Imajinak polemika piztu du Interneten: zergatik saritzen dituzte beti ezbeharrak? Etikoa al da sariak irabazteko besteen sufrimendua baliatzea? (gehiago…)

Emakume gutxi eta gaizki irudikatuak zineman

2011-04-05 // Literatura, Zinema // 2 iruzkin

"Zeluloidezko begiradak" liburuko pasarteak dira ondokoak.

Kazetariok ez omen diegu emakumezko autoreei galdetu behar ea zergatik egiten dituzten emakumeak protagonista dituzten obrak, gizonezkoei ez diegulako galdetzen zergatik duten gizona protagonista euren lanetan. Baina badirudi, hainbat gairi emakumezkoek heltzen ez badiete, ez dituela inork plazaratuko. 2009ko apirilean aurkezturiko Cine y género en España. Una investigación empírica (Zinema eta generoa Espainian. Ikerketa enpirikoa) liburuaren arabera, 2000. urtetik 2006ra Espainiako Estatuan egin diren filmetan, behin bakarrik agertu da erabaki transzendentea hartzen duen emakume protagonista bat: Yoyes-en, ETAko kideari buruz Helena Tabernak zuzenduriko filmean. (gehiago…)

Transgresio musikala

2011-03-21 // Musika, Uncategorized // Iruzkinik ez

Erraustegiaren kontrako flash-moba Zubietan.

“Herrialde arabiarretako emakume musikari askoren janzkera jada transgresio bat da, baita oholtza gainera atera eta kantatzeko duten jarrera. Tunisian musikariek oso modu metaforikoan erabiltzen dituzte hitzak, zentsurari aurre egiteko; Marokon debekatua dago Sahara hitza erabiltzea…” azaldu dit Fermin Muguruzak, elkarrizketa batean. Transgresio hitzak arau-urratze esan nahi duela diote hiztegiek, probokazio eta aldarrikapen konnotazio argia ere badu, eta musika aliatu bikaina da horretarako; galdetu bestela 80ko hamarkadako punk taldeei. (gehiago…)

Segurtasun nuklearra ez da segurua

2011-03-15 // Energia, Uncategorized // Iruzkinik ez

Garoñako zentrala.

Ezetz, Europak ez dituela inondik inora Japoniaren arrisku sismikoak eta ondorioz ezin dela halakorik errepikatu hemen: indartsu ari dira lobby nuklearrak mezua zabaltzen. Baina segurtasun neurrietan herrialde aurreratuenetakoa da Japonia, eta han ere ezinezkoa omen zen zentral nuklearretan ihes erradioaktiborik izatea, dena kontrolpean ei zegoen. Energia nuklearraren aldekoek segurtasuna zuten berme nagusi beraien diskurtsoetan. Eta orain zer? (gehiago…)

Elur-bola efektua sarien lehian

2011-01-31 // Zinema // Iruzkinik ez

Figueroaren film laburreko irudia.

Bi motatako sariak daudela irakurri nion Mauro Entrialgo komikilariari bere zintetako batean: batetik saritua goratzeko eta ezagun(ago) egiteko ematen direnak, eta bestetik saria ematen duen jaialdia bera goratzeko eta ezagun(ago) egiteko ematen direnak –bestela nolatan Donostia Saria Richard Gere edo Julia Roberts-i?–. (gehiago…)

Zinema 2010: erakusleihoak, zentsura eta beste

2011-01-20 // Zinema // Iruzkinik ez

A serbian film pelikulak zeresana eman zuen Donostiako Zinemaldian.

Zinegoak, FIPA, Ikuspuntu, Zinemastea, Huhezinema, FANT, Donostiako Zinemaldia, Fantasiazko eta Beldurrezko Zinemaren Astea, Zinema eta Emakumea Mostra, Kimuak, Zinema Ikusezina, Animatic, Lekeitioko Euskal Zine eta Bideo Bilera, Zinebi… eta gehiago, denak Euskal Herrian. Hain geografia txikian, zenbat zinemaldi! Horregatik garrantzitsua dirudi irizpideak ondo finkatzea, interesik gabeko jaialdien saturazioa izan ordez, euskal produkzioen eta oro har pantaila handirako egiten diren lan interesgarrienen erakustoki izan daitezen. Aretoen politika merkantilistatik at, merezi duten lanak ikusteko aukera eman dezatela, alegia. (gehiago…)

EPEL ipurdibistan

Xalaren apendizitisa eta enpresa ahalguztidunak

Marionekin maiteminduta

Montxo Armendarizen azkena: sotila, baina beldurrik gabea

Tragediaren argazkia garaile

Emakume gutxi eta gaizki irudikatuak zineman

Transgresio musikala

Segurtasun nuklearra ez da segurua

Elur-bola efektua sarien lehian

Zinema 2010: erakusleihoak, zentsura eta beste

Mikel Garcia

Azken bidalketak

Iruzkin berriak

Artxiboak

Kategoriak

Meta