Xabier Iturbe: “Beste akziodun mota batzuk egotera bultzatuko gaituzte”

Atalak: Ekonomia, Gizartea

Xabier Iturbe kutxako presidentea elkarrizketatu Maite Artolak Euskadi Irratian. Kutxa banku-fundazio bihurtzeko prozesuaz galdetu dio, baita Gipuzkoako Aldundiak ohiko fundazio bihurtzeko egindako proposamenaz. Iturberen ustez Kutxaren helburuen artean “ez dago bere patrimonioa oparitzea”. Hemen elkarrizketaren zati horretan Iturbek esandakoetako batzuk:

Gipuzkoako Foru Aldundiaren proposamena:

“Ez genion bideragarritasunik ikusten, ez juridikoa eta ezta erregulazio aldetik ere, eta batez ere, ez genion zentzurik ikusten Kutxak bere patrimonioa banatzea diputazio eta udaletxeen artean.”

“Landu gabeko proposamena zen, ideia bat, guk urte bukaerarako erabat transformatu behar dugu eta horretarako proposamen oso zehatzak behar dira, Espainiako Bankuaren baimenarekin, estatutu batzuekin… Ez du denborarik ematen”.

“Aurrera eramanez gero legez kanpokoa  zen. Kutxak helburu batzuk ditu eta objektu sozial bat dauka eta horren barruan ez dago bere patrimonioa oparitzea. Guri administratzaile bezala ardura batzuk ekarriko lizkiguke”.

Kontrol publikoa:

“Kontrol publikoa kutxak berez dauka, Eusko Jaurlaritzaren agindutara dagoelako eta zerbaitek baldin badauka kontrol publikoa hori fundazioak dira”.

Izaera soziala:

“Izaera soziala ere bermatuta dago Gipuzkoako gizartea ondoen ordezkatzen duen erakundeak izendatzen dituelako patronoak eta hori Batzar Nagusiak dira.”

Kutxabanken pribatizazioa:

“Orain kutxa pribatua gara, soziala, baina pribatua, ez gera publikoa”.

“Inork ez du gogorik bere partea saltzeko, baina lege batzuk daude eta bete egin behar dira.Europako baldintzak bi dira: Espainian banku solbenteak nahi ditugu eta akziodun solbenteekin. Badakigu presioak egongo direla, eta legeak, beste akziodun mota batzuk egoteko. Horretara bultzatuko gaituzte”.

“Nahi duguna da aukera eduki erabakitzeko, saldu behar bada, nola eta noiz saldu”.

“Seguruenik aukera hoberena %51 mantentzea litzateke”.

———————————————————————-

Elkarrizketa osoa entzungai Euskadi Irratian: