Poliziaren deklarazioak agerian utzi du Audientzia Nazionaleko fartsa

Atalak: Politika

Espainiako Audientzia Nazionalean ezker abertzaleko kideen kontra egiten ari diren 35/02 auziaren epaiketan, auzipetuak harri eta zur geratu dira aste honetan, poliziaren deklarazioak entzun ostean.

Gaurkoa oso egun inportantea izan da 35/02 auzian, gure kontrako akusazioak indargabetu baititu informe nagusia siñatu zuen poliziak #libre

— Floren Aoiz (@elomendia) January 14, 2014

#LIBRE! Ustekabeko jauzia 35/02 Sumarioan: polizia perito nagusiak onartu du inputazioek ez dutela oinarririk eta ikerletarik gabe egina

— karmelo landa (@karmelolanda) January 14, 2014

El perito policial ha tenido que reconocer que ni puede asegurar q imputados fuesen d Hasi ni ‘delegados’ de ETA en HB #libre

— Alberto Pradilla (@albertopradilla) January 14, 2014

Polizia horrek, defentsaren galderei erantzunez, onartu du epaituak izaten ari diren 36 lagunen kontrako akusazioa ez dela inolako frogatan oinarritzen. Adierazpenok azken epaian eragina izan dezakete eta garrantzia handi dute hainbat arrazoirengatik.

Zeinek esan duen: 19.242 agenteak, auzi honetako eta beste askotako txostenak egin dituen poliziaren goi mailako aditu nagusiak.

[Peritu gisa deklaratu du. Peritu batek azalpen “teknikoak” eman behar lizkioke epaimahaiari, ustez objektiboak, horregatik juridikoki ulergaitza da akusazioaren parte diren poliziak peritu ere izatea: “Peritu lanak egin dituzte ezker abertzalearen kontra urteetako jazarpena egin duten polizia berberek” esan dio Rufi Etxeberriak Oiartzun Irratiari ]

Zer esan zuen: Iñigo Iruin eta Jone Goirizelaia abokatuek hainbat orduz jipoitu zuten 19.242 agentea, onartu zuen arte berak egindako txostenak hipotesietan oinarritzen zirela eta ez zela egin ikerketa indibidualik akusatuak banan-banan akusatzeko, polizia-artxiboak baino ez zituztela begiratu.

Zer interpretatu daitekeen: 2002an Batasuna ilegalizatzeko prozesuaren testuinguruan, Garzónek bazuen “ETAren instrumentalizazioaren” teoria defendatzen zuen txostena mahai gainean –19.242 agenteak eta enparauek egina–, baina akusatuak falta azken kolpea emateko. Polizia artxiboetan begiratu eta dona dona katona… Karmelo Landak oso ondo azaldu du Berrian argitaraturiko Ustekabe bat eta bost ondorio artikuluan.

Ikerketa indibidualik ez bada egin, nola frogatu indibiduoak delitua egin duela? Gogoan izan 12 eta 8 urte arteko kartzela zigorra eskatzen duela fiskalak, ETAren buruzagi nahiz kide izateagatik eta kolaborazioagatik.