Iruñean ere ‘castell’ bat egingo dute ekainaren 8an katalanek

Atalak: Gizartea, Politika, Uncategorized

Òmnium elkarteak Paris, Berlin, Bruselas, Ginebra, Lisboa, Londres eta Bartzelonan castellak egingo ditu ekainaren 8an eta Iruñea Europako zortzigarren hiriburua izango da egun horretan. Giza gazteluak eta giza kateak bi herrien aldarrikapenak batuko dituzte.

Bartzelonako Euskal Etxean egin dute aurkezpena gure Esku Dago ekimenak, Òmniumek eta Sant Vicenç dels Horts elkartekoek. Katalanek Europako zazpi hiriburutan gaztelu bana egitea zuten pentsatuta,  bada orain zortzigarren hiri bat ere izango dela iragarri dute: Iruñea Europan kokatuko dute El Carallotseko ehunka castellersek.

El #catalanswanttovote del 8 de juny també serà a la via basca amb els castellers de Sant Vicenç dels Horts. pic.twitter.com/NleHpT4I2R

— Òmnium Cultural (@omnium) May 8, 2014

Òmniumek hilabeteak daramatza ekimena prestatzen eta horretarako diru bilketa ere antolatu du mikromezenasgo bidez. Oraingoz 130.000 euro jaso dituzte 3.400 herritarren poltsikoetatik. Europako hiriburuetan ez ezik, Kataluniako 36 herritan ere egingo dituzte giza gazteluak ekainaren 8an, eguerdiko 12:00etan. Hau da egitasmoaz prestatu dute spota:

Gure Esku Dago: termometroa gorantz

Albiste honek hauspoa eman dio ekainaren 8an Gure Esku Dagok antolatu duen giza kateari. Durango eta Iruñea artean dauden 123 kilometrotan gutxienez 50.000 lagun erabakitzeko eskubidearen alde biltzea da asmoa. Antolatzaileek martxoaren 29an jakinarazi zuten 22.000 lagunek jadanik izena emana zutela ekimenean parte hartzeko. Partaidetza zifra hori ez dute eguneratu oraindik, baina herrietan dinamikak izan duen babesa ikustea besterik ez dago, mobilizazio oso jendetsua izango dela pentsatzeko.

Termometro gisa har daitezkeen bi datu:

Txorierrin  #1000baietz erronka jarri zioten euren buruari eta 1.100 lagun badira gutxienez izena emanda.

#1000baietz labur geratu zaigu Txorierrin… 1100 metro eskuratu ditugu jada, ZORIONAK! Gauean termometro berria. @GureEskuDago !

— Gaizka Peñafiel (@gaizkapenafiel) May 6, 2014

Eskualde horretan giza katea bultzatzeko sorturiko Kanta zati bat bideoklipak, 10.300 ikustaldi izan ditu jadanik:

Hernanin, Udaberri Festa antolatu zuten maiatzaren 4an; Ave Maria parkea giza kate handi batekin inguratzea zen apustua. Jendetza izugarria bildu zen, eta behin ez, bi aldiz inguratu zuten parkea:

(Argazkia: Hernaniko Kronika)

Ekimenaz gehiago jakin nahi baduzu sartu Argiako Gure Esku Dago kanalera. Giza katearen mapa ere eskuragarri duzu hemen.