AEBetako presoen grebarik handiena historian, esklabotza modernoaren aurka

2016-09-13  //  Desobedientzia zibila  //  Iruzkinik ez

Irailaren 9rako greba deituz kartela.

AEBetako 24 estatutako 40 kartzelatan, presoek greba egin dute joan den ostiralean, irailak 9, lan behartuaren, isolamendu egoeren, osasun zerbitzu eskasen eta eraso bortitzen aurka. AEBetako historiako presoen grebarik handiena izan dela nabarmendu dute askok eta kalean babes ekintza ugari egin dituzte asteburuan.

Kanpoko ekintzaileen laguntzarekin antolatuta, New Yorkeko Attica presondegiko altxamenduaren 45. urteurrena hautatu dute greba egunerako. 1971n, AEBetako presoen matxinadarik handiena antolatu zen, presoen eskubide politikoak eta bizi baldintza duinen eskaerak oinarri hartuta. George Jackson Pantera Beltza kartzelako zaindariek hil eta bi astera Attica-n zeuden 2.200 preso matxinatu, kartzelaren kontrola eskuratu eta lau egunen ostean, polizia sartu zenean, guztira 43 hildako utzi zituzten. Lotura honetan ikus daitezke garaiko argazkiak, hemen gertatu zenari buruzko kontakizuna eta hemen Wikipediako artikulua. (gehiago…)

London City aireportua blokatu dute hainbat orduz klima aldaketa eta arrazismoaren aurka

2016-09-07  //  Borroka teknikak, Desobedientzia zibila  //  Iruzkinik ez

Ekintzaileak pistan kateatuta.

London City aireportua geratuta izan dute hainbat orduz astearte goizean, Black Live Matter UK taldeko bederatzi kidek. Beren buruak hegazkinen aireratze pistan kateatu eta kaosa eragin dute. (gehiago…)

Euskararen aldeko diskurtsoak eraberritzen: Alde edo Alde

2016-04-26  //  Aktibismoa sarean, Euskal Herria, Hizkuntzen aldeko borrokak  //  Iruzkin bat

Euskararen inguruan zabalduta dauden hainbat diskurtso zalantzan jartzen dituzten komikiak zabaltzen hasi dira sarean Alde edo Alde izenburupean. Informazio gehiegirik eman gabe Facebookeko orrian azaldu dutenez, hainbat astez eduki berria sareratuko dituzte sare sozialen bidez: aipatutako Facebook orrian, Twitter bidez eta Instagramen. (gehiago…)

Erraustegirik ez, erabat aurka gaude

2016-04-04  //  Iritzia  //  Iruzkinik ez

Birziklapena sustatu beharrean, oztopatu egingo duelako;

minbizi tasak eta heriotzak biderkatuko dituelako;

enpresari pribatu gutxi batzuei bakarrik interesatzen zaien azpiegitura honen erruz gipuzkoar guztiok 30 urtetarako zorpetu nahi gaituztelako;

“Euskara eta askatasuna” mahai ingurua Danbadan, normalizazioaren aldeko borrokaz

2016-03-21  //  Euskal Herria, Hizkuntzen aldeko borrokak, Komunikazioa politika da  //  Iruzkinik ez

Propaganda pixka bat: Datorren asteburuan Ernai eta Aitzina gazte mugimenduek antolatu duten Gazte Danbadan mahai-ingurua egingo dugu, euskararen aldeko borrokaren ikuspegi askatzaileaz aritzeko. Luxuzko hiru parte hartzaile izango ditugu:

– Estitxu Eizagirre, ARGIAko kidea eta hainbat saltsatan ibilia: bertso eskolak, Larraulgo eskola txikia eta errausketaren aurkako Aiztondo plataformako kidea, bere blogean feminismo gaiak jorratzen ditu besteak beste.

– Zigor Etxeburua, Gipuzkoako Foru Aldundiko Euskara zuzendari ohia eta euskalgintzako militantea.

– Urko Aierbe, euskalgintzako militantea, EHE, Kontseiluan eta Bageran ibilia besteak beste.

Ni moderatzaile gisa ariko naiz.

Jorratuko ditugun gai batzuk: Borroka euskaltzalearen egoera, euskalgintzak independentismoari egin diezaioken ekarpena, feminismotik irakaspenak, istituzionalizazioaren mugak, gainditu beharreko topikoak, nola jarraitu euskara indartzeko borroka eraldaketa eta justizia soziala bultzatzen duten eragileetati…

Martxoaren 25ean, 16:00etan Laudioko Kultur Etxean.

Gazte Danbada Laudion

Gure mahai ingurua hiru egunetako egitarau mardularen parte da. Webgunean egitaraua kontsultagai eta sarrerak erosteko guneen informazioa hemen.

Irakurri hemen Gazte Danbadaz Iker Oñatek ARGIAn egindako elkarrizketa.

Bere muralak ezabatu ditu Blu artistak Bolonian, artearen merkantilizazioaren aurka

2016-03-17  //  Borroka teknikak, Komunikazioa, Street Art  //  Iruzkinik ez

Blu artista eta grafitero ezaguna bere lanak ezabatzen ari da Bolonian, gentrifikazio prozesuen eta artearen merkantilizazioaren aurka.

Ostegunean zabalduko duten Street Art: Banksy & Co izeneko erakusketarako, hainbat teknikarik bere lan batzuk beren jatorrizko lekutik mugitu dituztela ohartzean abiatu zuen Bluk ezabatze kanpaina. Erakusketan orotara 250 street art lan bildu dituzte, eta aurkakotasuna erakutsi duen arren, bere izena ere jaso dutela salatu du artistak. (gehiago…)

Gose greba mugagabea abiatu dute 13 preso politiko sahararrek

2016-03-08  //  Mendebaldeko Sahara, Uncategorized  //  Iruzkin bat

Martxoaren 1ean Gdeim Izik kanpamenduko preso politiko sahararrek gose greba mugagabea abiatu zuten. Rabat-eko Salé kartzelan daude espetxeratuta, Marokon.

Bost urtez atxilotuta izan ostean, 2013ko otsailaren 17an Rabaten epaitegi militar batek 20 urtetik bizi osora doazen espetxe zigorrak ezarri zizkien, beren militantzia politikoagatik eta Gdeim Izik-eko kanpaldi baketsuan parte hartzeagatik. (gehiago…)

Abian da gaeliko irlandarraren aldeko Korrika: Rith 2016

2016-03-07  //  Gaeliko irlandarra, Hizkuntzen aldeko borrokak  //  Iruzkinik ez

Irlandera Irlandako hizkuntza nagusia izan zen, Erdi Aroan ingelesak iritsi arte. 1922an Irlandako Errepublikak (jatorriz Irlandako Estatu Askea deitua) independentzia lortu zuenez geroztik, Irlandako hizkuntza ofiziala da, ingelesarekin batera. 1998an, Ostiral Santuko Akordioaren ondoren, Erresuma Batuaren agintepean dagoen Ipar Irlandako hizkuntza gutxitutzat onartu zuten ofizialki, Ulsterko eskozierarekin batera. 2005eko ekainaren 22an Europar Batasuneko lan hizkuntzetako bat izendatu zuten legez.

Hemen 2014ko Rith-eko irudiekin egindako bideoa.

Xakean ere Israeli boikota

2016-02-26  //  Palestina  //  Iruzkinik ez

Laburrean: Mohamad Hmeida haur tunisiarrak, Munduko Xake Txapelketa utzi du aurkari israeldar baten aurka jokatzeri uko egin ostean.

Bitartean albiste hau datorkit gogora. Euskal Herriko eta Israelgo selekzioak aurrez-aurre lehenengoz.

Ez dira kartzelara joango klima aldaketaren aurkako #Heathrow13 ekintzaileak

2016-02-25  //  Desobedientzia zibila  //  Iruzkinik ez

Auzipetuak epaitegitik irten diren unea. (Natasha Quarmby/Rex Shutterstock )

Londresko Heathrow aireportuan hesiak gainditu eta klima aldaketaren aurkako borrokaren testuinguruan, aireportuan pista berri bat egitearen aurka 22 hegazkin geratu zituzten 13 kideak ez dira kartzelara joango. Ehunka lagunen babesa izan dute epaitegi kanpoan. Aurreko batean jorratu genuen ekintzaile hauen kasua.

Epaiketan adierazi dute, ongi gogoetatutako ekintza izan zela, proportzionala eta beharrezkoa izan zela aire kutsaduraren eta klima aldaketaren bidez izango diren heriotzak ekiditen saiatzeko. Adierazi dutenez, Heathrow aireportuaren inguruetan, honek eragiten duen kutsaduraren erruz 31 pertsona hiltzen dira urtero bataz beste, eta mundu mailan milaka dira klima aldaketagatik hiltzen ari direnak. (gehiago…)

Maputxeraren ofizialtasuna eskatu dute 2.000 lagunek Temucon

2016-02-25  //  Wallmapu  //  2 iruzkin

Maputxeraren ofizialtasuna eskatzeko manifestazioa egin dute Temucon ostiralean. 1.500 eta 2.000 lagun artean bildu dira Mapuexpress gunean jaso dutenez.  Hizkuntzaren aldeko lanean ari diren hainbat erakunde eta alderdik deitu dute mobilizazioa. (gehiago…)

Milaka kortsikar kalera atera dira “Ghjustizia Per Maxime” eskatzera

2016-02-22  //  Kortsika  //  Iruzkinik ez

Maxime Beux gazteak ezkerreko begia galdu du, joan den asteazkenean poliziak botatako objektu batek jota. Larunbatean milaka pertsona atera dira kalera Bastian “Ghjustizia per Maxime” eskatzeko. (gehiago…)

43 urte isolamenduan preso egin ostean, Albert Woodfox pantera beltz ohia aske

2016-02-22  //  Uncategorized  //  Iruzkinik ez

Woodfox aske geratu den unea.

Aske geratu da asteburuan Albert Woodfox, Pantera Beltz ohia eta Amnesty Internationalen arabera, AEBetako historian isolamenduan denbora gehien egin duen presoa. 43 urte eta 10 hilabete egin ditu itzalean berak ukatu egiten duen krimen batengatik. Hamarkadatan luzatu den auzi hau, azkenean, bi aldeen akordio batekin amaitu da eta 69 urte bete dituen egunean askatu dute. BBCk honela jaso du albistea.

“Nahiz eta hurrengo epaiketan nire inozentzia frogatzeko prest nengoen, nire osasunari eta adinari lotutako kezkek eraman naute kasua beste modu honetan amaitzea”.

(gehiago…)

Klima aldaketaren aurka 22 hegaldi bertan behera uztea eragin zuten #Heathrow13 ekintzaileak kartzelara?

2016-02-16  //  Desobedientzia zibila  //  Iruzkinik ez

Plane Stupid mugimenduko kide bat Heathrowen protesta ekintzan. (Arg: Plane Stupid)

Londresko Heathrow aireportuko pista batean beren buruak kateatuta protesta egin zuten 13 ekintzailek 2015eko uztailean. Egunero bataz beste 1.300 hegaldi ateratzen diren aireportuak bi pista nagusi ditu, eta hirugarren bat eraikitzea onartu dute. Honen eta aldaketa klimatikoaren aurka egin zuten protesta Plane Stupid mugimenduko kideek. Ekintzaile hauen kasuak oihartzun berezia izan du Erresuma Batuan, kartzela zigorra eskatzen baitiete. The Independent egunkarian irakur daitekeenez, epai irmoa egunotan jakinaraziko dute.

Aireportuaren inguruko hesia moztu eta pistan kateatu ziren. Ondorioa: guztira 22 hegaldi bertan behera geratu ziren eta 13 lagunak atxilotu zituzten. Kalte ekonomiko handiak eragin zituzten. “Nahita hautatu geunen lekua, lur hartu behar zuten hegazkinak ez arriskuan jartzeko. Baina hala ere, gu ez gara korporazio handiak, ez daukagu horrenbeste baliabide gure gorputzak beste”, irakur daitezke Boris Johnso ekintzaileetako baten hitzak The Guardian egunkarian. (gehiago…)

Txistuak Europako ereserkiari Donostian, festa eta politika ez nahasteko?

2016-01-20  //  Komunikazioa politika da  //  Iruzkinik ez

Txistualdi ozena jaso du Europako ereserkiak Donostiako Plaza Berrian Danborradaren hasieran jo dutenean.

Modu tranpatian, festa eta politika ez direla nahastu behar irakurri diot bati Twitterren, aspaldi entzun gabeko ergelkeria, festena gauza isolatua izan eta boteretik beren proiektu politikoa bultzatzeko erabiliko ez balitz bezala.

Gudak eragin eta errefuxiatuei sartzen uzten ez dien EB, aberats eta gainontzeko guztion arteko aldea arriskutsuki handitzen doan EB, bere estatuen barnean eta mundu osoan milaka hizkuntzaren desagertzea ahalbidetzen duen Europar Batasunaren ereserkia, Danborradan. Bide batez esan, egun sinboliko honetan, bi pertsona hil dira pobrezian Boulevardean Europako Kultur Hiriburuan. EBren proiektu politiko hori identifikatzen duen konposizio musikala hain izaera herrikoia duen festa batean horrela kaltzadorearekin sartu eta sustatzea zer da ba ez bada politika?

Deialdia eta txistuak ere bai. Presoen dispertsioaren aurkako aldarriarekin berdin. Festetan, bizitzako gainontzeko esparru guztietan bezala, politika egiten da. Eta inongo konplexurik gabe.

Europako basoen mapa

2016-01-05  //  Uncategorized  //  Iruzkinik ez

Mapa honetan ikus daiteke non diren basoak Europan eta non ez.

Mapa Oireachtas Retor erabiltzailearen eskutik.

Errefuxiatuekin elkartasunez eginiko ekintza Grezian

2016-01-04  //  Uncategorized  //  Iruzkinik ez

Urtarrilaren 1ean eginiko ekintza. Argazkiak: Zaid Thanoon (@Refugees_Gr)

(gehiago…)

Hamar urtean 700 kazetaritik gora hil dituzte, aurten 54 oraingoz

2015-11-06  //  Adierazpen askatasuna  //  Iruzkinik ez

Kazetarien hilketak gelditu.

Azken hamarkadan 700 kazetaritik gora hil dituzte lanean ari zirela. Mugarik Gabeko Kazetariak elkarteak salatu du hilketa gehienak nahita egindakoak izan direla, langileok aurretik ustelkeria eta kriminalitate salaketak egin izan baitituzte. Kasuen %90 inongo ikerketarik gabe itxi izan dituzte.

Bataz beste, bost egunetik behin kazetari bat hiltzen dute lanean ari dela, NBEk emandako datuen arabera. 2015ean 54 kazetari hil dituzte eta 150 atxilotu Mugarik Gabeko Kazetariek emandako datuen arabera. Unescok 2006 eta 2014 bitartean 680 hilketa gaitzetsi ditu eta ondorengo datuak eman ditu: 680 hilketetatik argitu diren kasuak %6 izan dira. (gehiago…)

Kortxoenea eraiste bidean da eta bi atxilotu dituzten egunaren kronika

2015-11-03  //  Desobedientzia zibila, Euskal Herria  //  Iruzkin bat

Atea mailukada batekin hautsita, 07:15ean hasi da eguna Donostiako Kortxoenea gaztetxean. Aurpegiak estalita, metalezko zilindroak eskuan eta oihuka, eraikinean sartu dira dozena bat pertsona. “Denak kanpora! Denak kanpora! Ez ukitu ezer!” garrasika eta minutu gutxian kolpe eta bultzakada artean, hiru kideak kanpora atera dituzte hauek ARGIAri kontatu diotenez. Ondoren, aurpegia estalita zuten pertsona hauek korrika ihes egin dutela salatu dute.

Okupazioa era publikoan egin zutenetik 72 ordu aspaldi igaroak zirenez, abokatuek gogoratu dute jendea bertatik ateratzeko epaitegi baten agindua behar zuela eraikuntza enpresak. Orain hilabete eta erdi eraikina eraisten saiatu zirenetik, egitarau kultural oparoaz gain, erresistentzia txandak antolatu zituen asanbladak. 24 orduz jendea zegoen bertan. (gehiago…)

Internazionalismoa lantzeagatik 6 urteko kartzela arriskua?

2015-10-19  //  Askapena, Desobedientzia zibila, Euskal Herria  //  Iruzkinik ez

Askapenako bost auziperatuak, milaka lagunen babesean manifestazioa Iruñean. (Arg: Ekinklik)

Espainiako Auzitegi Nazionalean 5 lagunen aurkako epaiketa hasi da. 6 urteko kartzela eskatzen dute beren aurka. 30 urteko ibilbidea duen Askapena mugimendu internazionalista ilegalizatzeko eskatu du fiskaltzak, baita Bilboko jai herrikoietan internazionalismoa lantzen duen Askapeña legez kanpo uzteko ere, eta Hego Ameriketatik produktuekin bidezko merkataritza lantzeko sortutako Elkar Truke eta Herriak Aske elkarteak disolbatzeko. (gehiago…)

CUPen arrakasta eta komunikazio estrategia

2015-09-17  //  Herrialde Katalanak, Komunikazioa  //  Iruzkinik ez

Komunikazio alorrean lan onagatik nabarmendu ohi den alderdia da CUP. Ideia garbiak, konplexurik gabeko hizkera gardena, jarrera politiko koherentea eta mezu zuzenak izan daitezke beren jardunaren hainbat ezaugarri.

Hauteskunde kanpainan sartu direnez, hainbat elementuri erreparatu nahi nieke.

Batetik, lehen legegintzaldia egin berri dutenez Kataluniako Legebiltzarrean, liburuxka bat argitaratu dute bertan egindako lana jasoz eta gardentasun osoz militantziari kontuak emanez. Datuak, soldatak, parte hartzeak eta beste datu ugari era garbian erakusteaz gain, legebiltzarkideen balorazio artikuluak, alorrez alor egindako lanaren errepasoa, baita hogei herri mugimenduk CUPen lana nola baloratu duten jaso dute. Lan eredugarria, gardentasuna praktikara eramanda.

Bigarrenik, gardentasunaren beste adibide bat. Azken hauteskundeetako kanpainaren kostoak publikoak dira. Orotara 9.000 euro inbertituko zituzten kartel, bidalketa, guneen alokaitu, bideo eta abarretan.

Azkenik, hauteskundeetarako spot gisa aurkeztu duten film laburra bikaina da. Aktore gisa jarri dituzte legebiltzarkide eta hauteskundetan aurkezten diren hautagaiak, beren buruaz barre eginez. Mezua zuzen eta zorrotz bidali dute elkarrizketa bakoitzarekin. Egun bakarrean 250.000 bistaratze izan ditu, beste alderdiek baino askoz gehiago.

Edozein alderdik babesa bikoiztea ikaragarria da orain gutxi gure lankide batek esaten zuen bezala. CUPek hirukoiztu edo laukoiztu egingo du babesa inkesten arabera. Mantso goaz, urrun goazelako, diote.

Extra gisa, aurreko hauteskundeetan egin zituzten bi bideo ondoren.

 Beste hau ere oso landua.

“Gera ezazue guda, guk ez dugu Europara joan nahi”

2015-09-02  //  Uncategorized  //  Iruzkinik ez

Siriako haur errefuxiatu batek ezin argiago azaldu dio egoeraren larria Budapesteko polizia bati.

12 urteko haur palestinarra, bere senideak eta soldadu israeldarra gatazkaren sinbolo gisa

2015-09-01  //  Palestina  //  Iruzkin bat

(Arg: Karam Saleem)

Haur palestinarra atxilotu nahi du soldadu israeldarrak. Umeak 12 urte ditu. Soldaduak dio harriak botatzen ikusi duela. Haurrak ezetz, gezurra dela. Mendi harritsuan korrika doaz biak, kamera atzetik dena grabatzen. Besoan igeltsoa du gazteak. Metraileta handi bat militarrak. Bideoan, une batez, urrunean Israel eraikitzen ari den kolonia ilegal bat ikus daiteke, etxe zuri-zuriekin. Azkenean lortu du soldaduak harrapatzea negarrez ari den haurra eta nolabait lurraren kontra geldiarazi nahi du. Haurraren ama heldu da lehenik eta haurra askatu nahi du. Nolabait atxilotuta eramaten saiatzen da, baina ezin ditu arma eta haurra batera eraman. Izeba eta arreba datoz ondoren, esku hutsik, armaturik dagoen militarrari haurra eskuetatik kendu nahi diote. Batek buruan kolpeak ematen dizkio aska dezan. 13 urteko arrebak eskuan hozka. Izeba atzetik tiraka dauka. Geroz eta jende gehiago dator. Oihuak etengabeak dira. Buruberokia kentzen diote soldaduari. Geroz eta urduriago dagoen militarrari haurra eskuetatik kentzea lortzen dute. Militarrak beste pertsona bati kolpe bat eman eta gas granada bat botatzen du. Badoa. Haurra bertan geratzen da.

Israelgo hedabideentzat soldadua biktima da. Israelgo kultura ministroa (!) ikaragarri haserretu da irudiak ikustean. Militarrak emakumeen aurka tiro egin behar zuela uste du.

Abuztuak 31: Historia ofiziala salatuz, 1813ko sarraskia gogoan Donostian

2015-08-31  //  Historia  //  2 iruzkin

Iritsi da berriz ere abuztuak 31. Donostiarrentzat data beltza. Egun horretan orain 202 urte, 1813an hiria suntsitu, 1.600 pertsona inguru hil, hiriko ia emakume guztiak bortxatu eta lapurreta erraldoia egin zuten espainiarren aliatu ziren armada ingeles eta portugesek. Orain pare bat urte blog honetan idatzitako Donostiako suteak estalitako tragedia eta Donostiako tragedia 10 puntutan azalduta artikuluetan sarraskiaz informazio gehiago topatuko du interesa duenak.

Beste urte batez, Donostia Sutan 1813-2013 ekimena arduratu da memoria hori berreskuratu eta gertatutakoaren salaketa egiteaz. Batetik, errezital literario musikatua egin dute Antonio Casado da Rocha eta Fito Rodriguezek. Bideoa hemen. (gehiago…)

Asturierari bultzada eman eta ofizialtasuna aitortzeko eskatu dute

2015-08-26  //  Asturies  //  Iruzkinik ez

Asturieraren ofizialtasunaren aldeko manifestazioa, artxiboko irudi batean.

Asturieraren Defentsaren Aldeko Elkarteak (Xunta Pola Defensa de la Llingua Asturiana, XDLA) deia luzatu du Asturiasko Eguna den irailaren 8a baliatzeko hizkuntzaren aldeko aldarrikapena sendotzeko. Urteetan beren hizkuntza karikaturizatu eta gutxietsi egin izan dutela sinesten dute askok. (gehiago…)

‘Ongi etorri Errefuxiatuak’, Alemaniako herri mugimendu solidarioa

2015-08-25  //  Errefuxiatuak ongi etorri  //  Iruzkinik ez

Errefuxiatuei ongi etorri festa egin diete asteburuan.

Errefuxiatuekin lotutako albiste eta irudi gogorrak ikusi ditugu hedabide nagusietan azken asteetan. Ez da gutxiagorako: Mediterraneo itsasoan urtero hildako milaka pertsonak; gudatik eta probreziatik ihesean doazenei eraikitako hesi eta trabak Espainia hegoaldean, Italian, Maltan, Grezian edo berriki Mazedoniako mugetan; Alemanian neo naziek errefuxiatuen aterpetxe edo autobusei egindako erasoak…

Hala ere, bada era ikusezinean txingurri lan solidarioan ari denik ere. Refugees Welcome izenpean, Alemainako hainbat hiritan herritarrak antolatzen ari dira ezer gabe heltzen direnei babesa eman eta beren eskubideen alde borrokatzen laguntzeko. Webgune bat ere egina dute etxea errefuxiatuekin elkarbanatzeko prest dauden herritarrak hauekin harremanetan jartzea errazteko. Al Jazeeraren bideo labur honetan bikain azaltzen dute ekimena. (gehiago…)

Meategi kutsatzaile erraldoia geratu dute Alemanian desobedientziaz

2015-08-24  //  Desobedientzia zibila  //  Iruzkinik ez

Makinaren oinetaraino heltzea lortu zuten ekintzaileak. (Arg: 350.org)

Europako CO2 isuri handiena gelditzea lortu zuten 1.500 pertsona inguruk Alemanian, desobedientzia zibila erabiliz. Polizia zain izan arren, Renania eskualdean dagoen Garzweiler meatzean tinko sartu ziren ekintzaileak, hondeamakina nagusien oinetara helduz eta hauek geldiaraziz.

Antolatzaileek beren webgunean adierazi dutenez, 1.500 pertsonak halako ekintza batean parte hartzea espero zutena baino gehiago da. Horietatik 1.000k meatzean sartzea lortu zuten eta hala, bi hondeamakina nagusietara heldu ziren hauek geratuz. Hauetako bakoitzak, 240.000 tona ikatz ateratzen ditu lurretik egunero.

“Mugimendu klimatikoa indartzeko ari gara, urte amaieran Parisen egingo dituzten negoziazioetan politikari eta kutsatzaileekin konfrontatzeko, eta horrela, egun abian dagoen energia trantsizio geldiezina azeleratzeko”. (gehiago…)

Greziako propaganda mediatikoa agerian (bideoa)

2015-07-28  //  Hedabideak, Komunikazioa  //  Iruzkinik ez

Greziako panorama mediatikoa hankaz gora geratzen ari da, joan den astean aipatu genuen bezala. Erreferenduma iragarri eta berau egin arte, bederatzi egunez Greziako hedabide nagusiek baiezko botoaren aldeko kanpaina basatia egin zuten. Hedabide pribatuak dira, noski. Nahiko nabarmena izan omen da, herrialde osoan gerora ezezko botoak irabazi baituzen 20 puntuko aldearekin: Troikaren esanak bete behar zirela defendatzen duten artista, intelektual eta era guztietako iritzi-emaileak; ezezko botoa defendatzen zuten elkarrizketatuei hitza moztea; kutxazain automatikoan dirua ateratzeko zain zeuden eta ezezkoa defendatzen zuten pentsionistak gutxiestea; hondamendiaren bandera indar osoz astintzea…

Gaztelaniazko, ingelesezko eta italierazko azpidatziak dauzkan bideo hau nahiko adierazgarria da.

Guk ere badakigu zer etorriko zaigun, behinola elkartasunean eta demokrazian oinarritutako proiektu politikoa omen zen Europar Batasunean, bestelako proiektu ekonomiko bat proposatzera iristen bagara.

Greziako hedabide pribatuak larri, urteetako pribilegioen ostean

2015-07-22  //  Hedabideak  //  Iruzkinik ez

Grezia lurrikara baten erdian dago, baita herrialdeko panorama mediatikoa ere. Aurreko gobernuak ERT telebista publikoa itxi eta 2.500 langile kaleratu ostean, Troikaren interesak defendatzen dituzten hedabide pribatuen kontrolpean geratu zen espektro mediatikoa. Syrizako gobernuak ERT berrireki du ordea, eta honen audientzia aparra bezala igotzen ari denetik gauzak aldatu egin dira, eldiario.es-en irakurri dugunez. Esanguratsua da Grezian gertatzen ari dena. (gehiago…)

Nork egin du presiorik handiena TTIPen alde?

2015-07-15  //  Ekonomia  //  Iruzkinik ez

TTIP hitzarmena sekretuan negoziatzen jarraitzeko Estrasburgoren argi berdea dute Europar Batasunak eta AEBek.

(gehiago…)