Babarrun lata bat [Publikoaren Saria]

2016-09-25 // Zinema, Zinemaldia 2016 // Iruzkinik ez

Zine soziala saritu dute aurten Zinemaldiko ikus-entzuleek, elikagai bankuan emakume bat, gosearen goseaz, babarrun lata bat irekitzen eta zuzenean latatik jaten ikusteak hunkitu egin gaituelako, hainbeste da horrelako eszena batek esan nahi duena. Bai, bete-betean Ken Loach zuzendari britainiarraren zigilua daraman I, Daniel Blake saritu du publikoak, Loachen formula ezaguna zaigun arren, ongi funtzionatzen duen formula delako. Dramatismo merkean erori gabe, gizarte babesari loturiko burokrazia zenbateraino den kafkianoa, bihozgabea eta, areago, hiltzailea salatu du oraingoan zuzendari ezagunak. Demagogikoa eta panfleteroa dela esango du baten batek, baina guri oso errealista eta sinesgarria iruditu zaigu irudikatu duen sistema burokratikoa, pertsonak Gizarte Segurantzako zenbaki huts gisa tratatzen dituena, beharra duen jendea dela sinestea baino nahiago duena iruzur egitera datozela pentsatzea, Estatuaren kontura bizitzera. Beste aldean, biktima ahulen ordez pertsonaia indartsuak eraiki ditu zuzendariak, bizimodu duina lortzeko eta euren eskubideak defendatzeko borrokarako prest, erori ostean berriz altxatzeko eta elkarri laguntzeko prest, eta eraikuntza publikoaren aurrean –eszena bikain batean– graffiti bidez administrazioaren hipokresia salatzeko prest. (gehiago…)

“Arrival”. Pseudotranszendental jartzen garenean, akabo

2016-09-23 // Zinema, Zinemaldia 2016 // Iruzkinik ez

Zientzia fikziozko istorioa izateak ez du esan nahi sinesgarria izan behar ez duenik, eta Denis Villeneuveren Arrival pseudozientifiko, pseudofantastiko, pseudotranszendentala bere burua serioegi hartzen duen eta inolaz ere sostengatzen ez den filma iruditu zaigu. (gehiago…)

“After the storm”, Koreeda bete-betean

2016-09-22 // Zinema, Zinemaldia 2016 // Iruzkinik ez

Berriz ere familia eta familiarteko harremanak dira Hirokazu Koreedaren After the storm filmaren oinarria; berriz ere tonu eta erritmo pausatuan kontatu digu istorioa; eta berriz ere, harrapatu egin gaitu zuzendari japoniarraren unibertsoak. (gehiago…)

“I, Daniel Blake”. Burokrazia madarikatua

2016-09-21 // Zinema, Zinemaldia 2016 // Iruzkinik ez

Zeinek irabaziko du norgehiagoka, administrazioak ala Daniel Blakek? Dramatismo merkean erori gabe, gizarte babesari loturiko burokrazia zenbateraino den kafkianoa, bihozgabea eta, areago, hiltzailea salatu du oraingoan Ken Loach zuzendari ezagunak. Zine soziala baita I, Daniel Blake, %100 Ken Loach. (gehiago…)

“Frantz”. Egia konplikatua da batzuetan

2016-09-21 // Zinema, Zinemaldia 2016 // Iruzkinik ez

Bihurgunez jositako trama da Frantz, baina artifiziorik gabe, erritmo pausatuan kontatua, trebetasun handiz. Nahi duen lekuetatik eramango gaitu François Ozon zuzendariak, guk sinestea nahi duena sinetsiko dugu, eta ederra izango da bidaia. (gehiago…)

Koldo Almandoz: “Egiten gehien dibertitu naizen filma da hau”

2016-09-19 // Zinema, Zinemaldia 2016 // Iruzkinik ez

“Dibertigarria izan da, oso lan askea”. Hala aitortu digu Koldo Almandoz zuzendariak, Sipo Phantasma filmaren emanaldi osteko solasaldian. “Dokumentazioa bilatzen, istorio berriak azaldu ahala txertatzen… Orain arte egin ditudan lanen artean, hau da entretenigarriena, egiten gehien dibertitu naizena. Gero, muntaketa izan da zailena, material hori guztia muntatzea; gidoia ere fase horretan osatu da. Ez daukat sentsazioa luzemetraia egin dudanik, industriaren eskemetan ere ez da hala; kruzeroei buruzko dokumental bat izateko asmoz jaio zen, hasieran labur bat izango zen eta azkenean 69 minutu ditu, baina 50 izan zitzakeen, edo 90; materiala gehitu ahala, idazten joan da pelikula bera, eta niretzat dibertigarriena litzateke proiektuarekin jarraitzea, bizitza guztian, gauzak azaldu ahala filma osatzen segitzea, beti dagoelako material berria, baina une batean bukatu behar da”. Proiektu pertsonala izan arren, jende askok parte hartu duela gaineratu du. (gehiago…)

“On the milky road”, Kusturicarik eszentrikoena, muturrekoena

2016-09-19 // Zinema, Zinemaldia 2016 // Iruzkinik ez

Alegoria bat omen da Emir Kusturicaren azken filma, sinbolismoz beteriko istorioa. Eszentrikoa ere bada On the milky road, muturrekoa, eroa. Eszena harrigarri eta ederrak ditu, baina huts egiten du osotasunak. (gehiago…)

“L’avenir”. Zein filosofok ote du erantzun egokia

2016-09-18 // Zinema, Zinemaldia 2016 // Iruzkinik ez

“Bizitza intelektualarekin aski dut, horrek asebetetzen nau”, dio L’avenir filmeko protagonistak, Filosofia irakasle jantziak. Horrekin bakarrik bizi ahalko balitz bezala. “Seme-alabak etxetik joan dira, senarrak utzi egin nau eta ama hil egin zait. Aske naiz!”. Hori ere badio, bere burua konbentzitu nahian. Baina arrazoiak agintzen duenarekin beti ez datoz bat gure sentimendu eta emozioak. (gehiago…)

“Florence Foster Jenkins”. Zertarako talentua, dirua baduzu

2016-09-18 // Zinema, Zinemaldia 2016 // Iruzkinik ez

Zuzendariari istorioa eskuetatik joan zaiola irudi dezake, eraiki duen pertsonaia irrigarria baino gehiago, kasik surrealista dela, sinesgaitza, eta errelatoa, gehiegikeria hutsa. Hala irudi luke, jakingo ez bagenu benetan gertatua dela, eta Florence Foster Jenkins filmeko protagonistak erakutsi zuela nahi duzun guztia lor dezakezula… diru asko baldin baduzu. (gehiago…)

“Little men”, elkartzen eta banantzen gaituenaz

2016-09-17 // Zinema, Zinemaldia 2016 // Iruzkinik ez

Beti elkarrekin egongo zinetela uste zenuten; halako lagunen bat izango zenuen zure bizitzaren uneren batean. Baina gizarteak, bizitzak, inguruak, etorkizunak… bide bananduetatik garamatza sarri, hain bateragarriak iruditu arren, mundu ezberdinetakoak garela gogoraraziz. Bizitza bera, bere sinpletasun eta konplexutasunean erretratatu du Ira Sachs estatubatuarrak, Little men film gomendagarrian. (gehiago…)

Babarrun lata bat [Publikoaren Saria]

“Arrival”. Pseudotranszendental jartzen garenean, akabo

“After the storm”, Koreeda bete-betean

“I, Daniel Blake”. Burokrazia madarikatua

“Frantz”. Egia konplikatua da batzuetan

Koldo Almandoz: “Egiten gehien dibertitu naizen filma da hau”

“On the milky road”, Kusturicarik eszentrikoena, muturrekoena

“L’avenir”. Zein filosofok ote du erantzun egokia

“Florence Foster Jenkins”. Zertarako talentua, dirua baduzu

“Little men”, elkartzen eta banantzen gaituenaz

Mikel Garcia

Azken bidalketak

Iruzkin berriak

Artxiboak

Kategoriak

Meta