Euskara, Kontsumoa eta Hizkuntza eskubideak jardunaldia

Azaroaren 21ean, ostiralean, XIII. Jagon Jardunaldiak
egingo ditu Euskaltzaindiak, Bilboko egoitzan, “Euskara, Kontsumoa eta
Hizkuntza eskubideak” gaiaren inguruan. Egun osoko jarduna izango da
eta gaia modu zehatzean jorratze aldera, goizeko saioa eta
arratsaldekoa ondo bereiztu dira.

Horrela, goizeko saioa mintegi modura antolatu da, eta bi xede
nagusi izango ditu: batetik, Euskal Herriko kontsumoaren munduan
euskarak duen presentzia azalduko da, eta bestetik, presentzia hori
indarberritzeko asmoz onartu berri den Dekretuaren nondik norakoa
azalduko da.

Arratsaldeko saioari dagokionez, honek ere bi zati nagusi izango
ditu. Lehenengoan, Kataluniako esperientziaren berri emango da, eta
bigarrenean, aldiz, kontsumoaren zenbait erakunde pribatu mahai-inguru
batean bilduko dira beren iritziak azaltzeko.

Euskaltzaindiaren XIII. Jagon Jardunaldiak irekiak izango dira eta entzule bezala nahi duena joan daiteke.

Izena emateko epea azaroaren 20an amaituko da. Aurretiaz izena eman behar da ondoko helbide elektronikoan:

info@euskaltzaindia.net

Bestalde, izena ematerakoan, hau adierazi behar da:

• Goizeko saioan bakarrik parte hartuko den
• Arratsaldekoan bakarrik, edo
• Goiz eta arratsaldekoetan

Egitaraua

Hauxe da egitarau osoa:

GOIZEKO SAIOA

• 9:30-9:40: Lan-jarduna eta mintegian esku hartuko dutenen aurkezpena
• 9:40-10:10: Kontsumoa gutxiagotutako hizkuntzen indarberritzearen ikuspegitik. Ikuspegi orokorra
  Aurkezlea: Andres Iñigo
  Hizlaria: Erramun Baxok
• 10:15-11:00: Kontsumoa soziolinguistikaren ikuspegitik
  Aurkezlea: Andres Iñigo
  10:15-10:30: Euskal Autonomia Erkidegoa. Hizlaria: Patxi Juaristi
  10:30-10:45: Nafarroa. Hizlaria: Sagrario Aleman
  10:45-11:00: Iparraldea. Hizlaria: Jean-Baptiste Coyos
  10:45-11:00: Elkarrizketa
• 11:30-12:00: 123/2008 Dekretuaren zertarakoa, aldekoak eta kontrakoak
  Aurkezlea: Manuel Ruiz Urrestarazu
  Hizlaria: Erramun Osa
• 12:00-12:30: Hedabideen aurrean agerraldia
• 12:30-13:00: 123/2008 Dekretuaren nondik norakoak ikuspegi juridikotik
  Aurkezlea: Manuel Ruiz Urrestarazu
  Hizlaria: Andres Urrutia
• 13:00-13:30: Elkarrizketa

ARRATSALDEKO SAIOA

• 16:00-16:40: Kataluniako esperientzia
  Aurkezlea: Santiago Larrazabal
  Hizlaria: Jordi Anguera i Camós (Director Agència Catalana del Consum)
• 16:40-17:00: Elkarrizketa

17:00-17:05: 123/2008 Dekretuari buruz eta eremu pribatuan euskara indarberritzeari buruzko iritzi-sorta
Aurkezlea: Jose Luis Lizundia

• 17:05-17:15: Gainazal handiak. Hizlaria: Leire Barañano Orbe (Eroskiko Idazkari Nagusia)

17:15-17:25: Finantza Erakundeak. Hizlaria: Mikel Irizar Intxausti (Kutxako Kultura, Gizataldeak eta Lankidetzak sailaren arduraduna)

• 17:25-17:35: Bilboko Alde Zaharreko Merkatarien Elkartea. Hizlaria: Jon Aldaiturriaga (Zuzendari Kudeatzailea)
• 17:35-17:45: Bilboko Merkataritza, Industria eta Nabigazioko Ganbera. Hizlaria: Kepa Jugo (Ekonomialaria)
• 17:45-17:55: Kontsumitzaileen Euskadiko Federazioa. Hizlaria: Ainhoa Mendiola (Elkargoaren Gabinete Juridikoa)
• 17:55-18:30: Elkarrizketa
• 18:30-18:40: Ondorioak eta saioaren bukaera. Hizlariak: Andres Urrutia, Andres Iñigo eta Erramun Osa.