Hernani, pueblo de la tradición de España
Egun tristea dut gaurkoa. 34 urte bete ditut, eta lehen aldiz ikusiko dut gure herriko udaletxean piper-potoa jarrita. Carlos Urquijo Espainiako Gobernuko delegatuak honako oharra kaleratzea besterik ez da falta:
“El siglo de las melancolías sin recato esparció por el mundo el nombre de Hernani. Hoy, nuestra santa rebeldía, victoriosa al fin, rescata la eufonía del nombre, Hernani: pueblo de la tradición de España”.
Hernaniri sekula ez zioten barkatu gerra karlistetako liberalkeria ezta errepublikako ezkertiarkeria eta abertzalekeria ere. Gaur Urquijok eta enparauek bere “ezker abertzalekeria” barkatzen ez dioten moduan, noski.
Dena den, okerrago izan zitekeela aitortzen dut. Gaurko egunez honako itxura ere izan zezakeen herriko plazak:
1938ko maiatzaren 29an bandera espainolez josi zuten herriko plaza “erorien” omenezko monumentua inauguratu zuten (Argazkia Kutxa Fototekaren funtsekoa da)
Iruñeko ikurrina baino bandera handiagoekin estali zuten inguru guztia. Orduan ez zen arrantzale bizardunik ordea…
Banago ni “erorien” omenezko monumentoko mastaren oso antzekoa dugula orain Hernanin. Hori bai, orain sinbolo falikoaren punttan ikurriña dago. Amen.