#ESEbruselan | K136: ura gure kabuz ala hil!

2016-01-28  //  Ekonomia  //  Iruzkinik ez

Politikariak hitz egiten hasi eta berehala sutu da etxea. Ekonomia sozial eraldatzailearen foroan talde parlamentarioen txanda izan da arratsaldean. Denetarik izan da, Greens/ALE taldeko Karima Dellik hitz egin du agian sutsuen: “Ez dizuet gezurrik esango, Europa ez doa ondo. Aurreko markoa hilzorian dago, erresistituko da, baina hilzorian dago. Denon artean beste marko bat sortu behar dugu”. (gehiago…)

#ESEbruselan | Ahuntzak eta finantzak

2016-01-28  //  Ekonomia  //  Iruzkinik ez

Goran Jeras Ebanka-ko arduraduna da, finantza etikoen arloan Kroazian lehenengo banku soziala sortzeko lanean ari den kooperatiba. Gaur erakutsi digu finantzen mundua Wall Streeteko areto hiperpantailaduna baino askoz oinarrizkoagoa eta sinpleagoa dela. (gehiago…)

#ESEbruselan | Enpresa soziala versus utopia alternatiboa

2016-01-28  //  Ekonomia  //  Iruzkinik ez

Bruselako ekonomia sozial eraldatzailearen foroan bi ikuspegi oso diferente ikusi ditugu bat bestearen ondoan izan diren interbentzio banatan:

Jose Luis Monzón, Valentziako Unibertsitateko irakasle eta Espainiako CIRIEC-eko presidenteak ekonomia sozialaren inguruko definizioan haren pluraltasuna nabarmendu nahi izan du eta azkenaldian hainbeste entzuten ari garen “enpresa soziala” ere sartu du totum revolutun horretan.

Ricardo Petrella Louvaineko Univertsitate Katolikoko irakasleak zalantzan jarri ditu enpresa sozial horiek: “enpresa modu berriak daude, enpresa sozialak, baina halakoek orain arte ez dute ezer lortu (…) Insistitu behar da ondare publikoa (ura…) inportantea dela. Enpresari sozial baten ekonomia sozialak ez du hori egiten”.

Nolanahi ere, Petrella oso kritiko azaldu da orain arte ekonomia sozial eraldatzailean egindako lanarekin. Bere hitzek haserre jaurtitako aiztoek moduan egin dute hegan Parlamentuko sala honetan.

Gero eta okerrago dagoen mundua deskribatu du eta amaitu du esanez: “Ekonomia -i-le-gal batean gaude, kriminal da” eta segidan: “Gutako askok pentsaera alternatiboa izateko gaitasuna ere galdu dugu”. Bere ustez, bada garaia “Europarentzako gaitasun utopiko alternatiboa berreskuratzeko”, eta gaur Bruselan egiten ari diren foroan horixe eztabaidatu beharko litzateke.

#ESEbruselan | Jean-Louis Laville: “Sinetsarazi nahi digute badaudela tresna sozialak neoliberalismoan”

2016-01-28  //  Ekonomia  //  Iruzkinik ez

Jean-Louis Lavillek zabaldu du ekonomia sozial eta eraldatzaileko Bruselako foroko lehen saioa. Beste ekonomia eta kultura paradigma baterantz joan beharraz hitz egindu katedradunak.

Frantziako Coservatoire National des Arts et Métiers à Paris-eko (CANM) Ekonomia Solidarioko kidea, arlo horretan erreferentzia da Europan. Bere esanak adi entzun dituzte bertaratuek. Hona hemen laburpentxo bat bere hitzetan: (gehiago…)

Europako eredu ekonomikoa eraldatzeko alternatibak aztertuko dituzte Bruselan

2016-01-26  //  Ekonomia  //  Iruzkinik ez

Ekonomia Sozial Eraldatzailearen Europako I. Foroan hainbat herrialdetako aditu eta eragileak bilduko dira, esperientziak trukatu eta ekintza zehatzak proposatzeko. ARGIAk bertatik bertara jarraituko du jardunaldia. (gehiago…)

Munduko ekonomia alarma gorrian: aste honetako bost lerro-buru nagusiak

2016-01-21  //  Ekonomia  //  Iruzkinik ez

Davosen egiten ari diren Munduko Ekonomia Foroan hainbat gai aztertuko dituzten arren, zalantzarik gabe munduko turbulentzia ekonomikoak izango dira protagonista. Krisi globala ate joka dugula dioten lerro-buru kezkagarriak irakurri ditugu aste honetan. (gehiago…)

Martiodako dorrea, harriz harri

2016-01-19  //  Historia, Uncategorized  //  Iruzkinik ez

Arabako Hurtado de Mendozatarren dorretxearen egoera kaskarrak kezka sortu du. Ondare Babesa arkeologia taldeak argazki bidez dokumentatu du Erdi Aroko eraikin historikoa. (gehiago…)

San Joan baleontziaren erreplikak UNESCOren babesa izango du

2015-12-16  //  Historia, Kulturgintza  //  Iruzkinik ez

XVI. mendean eraiki zen toki berean egiten ari dira erreplika, Pasaiako Ondartxo moilan (Argazkia: Dani Blanco).

Albaola itsas kultur faktoriaren esanetan, proiektuaren “filosofiak” erakarrita jarriko du bere zigilua munduko ondareaz arduratzen den erakundeak.

Pasaian eraikitzen ari diren XVI. mendeko San Joan baleontziaren erreplikak babes garrantzitsua jaso du. UNESCOren irudia erabili ahal izango dute proiekturako, Gipuzkoako Aldundiko, Eusko Jaurlaritzako, Pasaiako Udaleko eta Albaolako ordezkariek asteazken goizean prentsaurrean azaldu dutenez. (gehiago…)

“Garaipen txiki eta ez horren txikiak izan dira, baina oraindik asko dago egiteko”

2015-12-04  //  Euskara, Gizartea, Hedabideak, Historia  //  Iruzkinik ez

Euskararen Egunak ekimenean Hernanin antolatutako Trantsizioak argazki erakusketa gidatuan entzun genuen esaldi horrek ederki laburbiltzen du 40 urteotako ibilbidea.

Abenduaren 3aren bueltan Hernanin osatutako egitarau zabalaren barruan ARGIAren Trantsizioak erakusketa izan da ikusgai egunotan bertako Kultur Etxean, Euskal herriko historia hurbilean izandako eraldaketa sozial eta politikoak islatzen ditu argazkien bidez.

Euskararen Egunak ekimena antolatzen duen taldearekin elkarlanean, bisita gidatua ere prestatu genuen azaroaren 30ean, eta han izandako hamarnaka lagunek bertatik bertara ezagutu zuten eraldaketa haiek Hernanin izan zuten eragina, euren eremuan esperientzia handia duten hainbat lagunen eskutik. (gehiago…)

Glaziarrak urtu direnean azaldu dira gerraren miseriak Alpeetan

2015-11-18  //  Historia, Ingurumena  //  Iruzkinik ez

Italiako Trento eskualdean Lehen Mundu Gerrako arrastoak agerian geratu dira izotzek atzera egitearekin. FICAB zinema jaialdian ikusi ahal izango da kasua, gaur Irunen.

Bidasoako Nazioarteko Zinemaldi Arkeologikoaren XV. edizioak aurrera darrai eta larunbatean jakingo dugu zein den aurtengo lan saritua. Bitartean, historia eta arkeologiari loturiko hainbat dokumental (egitaraua – pdf) ikusteko aukera dago oraindik, tartean, ostegunean Irungo Carlos Blanco Aginaga liburutegian emango den Punta Linke, memoria filma, Paolo Chiodarellik zuzendua eta Trentoko Zinema Jaialdian estreinatua 2014an. (gehiago…)