“Zer izango da Nafarroa? Nafarrok nahi duguna”

2014-05-16  //  Gizartea, Politika  //  Iruzkinik ez

Gure Esku Dagok azaldu duenez, dinamika “indartsu” ari da garatzen Nafarroan, dozenaka talde sortu dira eta milaka lagunek eman dute jada izena. “Nafar guztion artean erabaki behar dugu biharko Nafarroak nolakoa izan behar duen –esan dute prentsaurrean hainbat lagunek–; gure esku dago eta ekainaren zortzian elkarren eskuei helduko diegu”. (gehiago…)

Jesus Egiguren: “Erabakirik hartu gabe hobe doakigu”

2014-05-14  //  Gizartea, Politika  //  Iruzkinik ez

Erabakitzeko eskubideaz Hamaikak hasitako Pausoan telebista saioan esan ditu hitzok PSE-EEko presidenteak: “Ez erabakitzeak lagundu egiten du ez zatitzen”.

Gure Esku Dago ekimenak erabakitzeko eskubidearen alde antolatutako ekainaren 8ko giza katea gero eta gertuago den honetan, hainbat politikariren iritziak bildu dituzte Pausoan saioan, besteak beste, berrikitan liburua argitaratu duen Jesus Egigurenenak. Hauek dira berak esandakoetako batzuk: (gehiago…)

Herri katalanen batasunaren zuhaitzari besoa moztu diote

2014-05-13  //  Politika  //  Iruzkinik ez

Pi de les Tres Branques pinu historikoaren hiru adarretako bat zerratu egin dute ezezagun batzuek. Herrialde katalanen batasunaren ikurtzat dute askok eta bere inguruan ekitaldi independentista egiten da urtero. Bartzelonako Castellar del Riu herrian dago kokatua.

Hiru besoko pinuaren berri gutxienez XVIII. mendetik dago, baina 1888an egin zuen ezagun Jacint Verdaguer poetak. Jaume I.ak arbola horren gerizpean amestu omen zuen Aragoiko, Kataluniako Printzerriko, Valentziako eta Mallorcako errege izango zela. 1901ean lur horien jabeak Unió Catalanista taldeari utzi zion.

Verdaguerren hitz ederrak jaso zituen pinu zahar hura, 1915ean hil zen eta enbor lehorrak besterik ez du iraun, harrizko horma batek eutsita, 100 urteren ondoren gupidarik gabe besoetako bat zerratu dioten arte.  Haren oso hurbil badago Pi Jove deiturikoa, zaharraren oso antzekoa eta 1921etik katalan abertzaleen ikur hau ere. Gutxienez 200 urte ba omen ditu pinu gazteak.

Mende hasieratik egin izan dira ekitaldi independentistak pinuaren ondoan, Primo de Riveraren eta Francoren diktaduren garaietan ezkutuan. Beste erasoak ere jasan izan ditu historian zehar.

Castellar del Riuko Udalak Vilaweb atariari azaldu dionez, pinuaren adarra zerra batekin ebaki dute “nahita”. Baina erasoa ez du inork aldarrikatu eta oraingoz ez dute egileen berririk. La Vanguardian irakur daitekeenez, alkatearen iritziz Kataluniako prozesu soberanistarekin zerikusia izan lezake atentatuak. Besoa berriz pinuari nola txertatu pentsatzen ari dira orain Generalitateko teknikariak.

Han serrat un dels troncs del Pi de les tres branques que simbolitza la unió dels PPCC, ho intenten, però no caurem en la provocació #2n2014

— Carme Forcadell (@ForcadellCarme) May 13, 2014

Ja poden anar fent això, els símbols són patrimoni intangible que viu en l’imaginari colectiu #PiDeLesTresBranques pic.twitter.com/25yQdAJvbp

— Maria Nunes (@mnunesal) May 13, 2014

[VÍDEO] L’Ajuntament espera poder restaurar el tronc serrat del Pi de les Tres Branques http://t.co/6Rj6ouNMKN pic.twitter.com/0nwctIGQUR

— VilaWeb (@VilaWeb) May 13, 2014

Atemptat desesperat de l’espanyolisme contra el Pi de les Tres Branques, símbol nacional dels Països Catalans. Seguim fermes, #NoPodranRes.

— Arran (@Arran_jovent) May 13, 2014

El Pi de les Tres Branques al 1905. Pla de Campllong (Castellar del Riu, Berguedà). Foto de Cèsar A.Torras. pic.twitter.com/KdHNz4N4Xy

— Catalunya en Imatges (@imatgescat) November 17, 2013

Iruñean ere ‘castell’ bat egingo dute ekainaren 8an katalanek

2014-05-08  //  Gizartea, Politika, Uncategorized  //  Iruzkinik ez

Òmnium elkarteak Paris, Berlin, Bruselas, Ginebra, Lisboa, Londres eta Bartzelonan castellak egingo ditu ekainaren 8an eta Iruñea Europako zortzigarren hiriburua izango da egun horretan. Giza gazteluak eta giza kateak bi herrien aldarrikapenak batuko dituzte. (gehiago…)

Giza katearen mapa

2014-04-25  //  Gizartea, Politika, Uncategorized  //  Iruzkinik ez

Ekainaren 8an Gure Esku Dago ekimenean parte hartzeko herri bakoitzari egokitu zaion zonaldea azaltzen duen mapa da honakoa. 123 kilometro eta 27 udalerritan barrena egingo da giza katea (deskargatu pdf-a hemen). (gehiago…)

Iberdrolaren itzalak Brasilen

2014-03-26  //  Ekonomia, Gizartea, Ingurumena  //  Iruzkinik ez

Lula da Silva Iberdrolako buruzagiekin biltzea ez da kasualitatea. Bilbon egoitza duen konpainia Brasilgo merkatu hidroelektrikoan liderra da eta 40 milioi laguni ematen die zerbitzua.  2012-2014 epean herrialdean 4.000 milioi euroko inbertsioa egitea aurreikusi du. Berrikitan, Argindar Jasangarriaren Mundu Elkartean sartu da Iberdrola;  Ignacio Sánchez Galán presidentearen esanetan “inguruarekin errespetua” duten teknologien aldeko konpromiso irmoa omen du. Egia ote? (gehiago…)

“Troika Go Home!”: Bilboko bilkuraren kontrako oihua iruditan

2014-02-28  //  Ekonomia, Gizartea  //  2 iruzkin

Martxoaren 3an Bilbon egingo den GFS (Global Forum Spain) goi-bilera ekonomikoaren aurrean alderdi, sindikatu, gazte mugimendu eta eragile sozialek ongi etorri berezia egingo ei diete munduko agintari eta jauntxoei. Aspaldi ikusi gabeko karteldegi anitza zabaldu dute Euskal Herriko lau bazterretan eta sare sozialetan, egosten ari denaren seinale. Hemen adibide esanguratsu batzuk:

(gehiago…)

Historia ezagutu, interpretatu eta erreparatu egin behar da, Azkuna jauna

2014-02-14  //  Historia, Politika  //  5 iruzkin

Iñaki Azkuna Bilboko alkateak ez du udaletxean dauden alkate frankisten koadro bat bera ere kenduko. “Historia errespetatu egin behar da, molestatu arren”,  esan du. Espainian eskuinak Francoren diktadurarekin erabili duen argudio bera da: gertatu zena gertatu zen eta bakean utzi behar da.

(gehiago…)

Saludnovak kooperatiba izateari utziko dio kapitala lortzeko

2014-02-11  //  Ekonomia  //  Iruzkinik ez

Osasun arloan lan egiten duen Saludnova kooperatibak kanpoko inbertitzaile bat hartuko du eta Erantzukizun Mugatuko Sozietate bihurtuko da.

Saludnovak EAEko buletin ofizialean argitaratu du erabakia. Urtarrilaren 29an kooperatibako bazkideek –langileak eta instituzioetako ordezkariak– batzar nagusia egin zuten Arrasateko Garaia Berrikuntza Gunean, eta Erantzukizun Mugatuko Sozietate bihurtzea onartu zuten, Saludnova Solutions SL izenarekin. Albistea Noticias de Gipuzkoak jorratu du gaurko alean.

Saludnovak inbertitzaile bat nahi zuen merkatu zabalagoetara jauzia egiteko eta internazionalizatzeko. Hainbat langile eta instituzioetako sozietatek osatzen dute kooperatiba mistoaren bazkidetza. Ez da enpresa handia, 11 langile baino ez ditu. Baina erabakia deigarria da, Mondragonek osasun arloa estrategikotzat daukalako.

2013an osasunaren inguruko klusterra sortzeko nahia azaldu zuen hainbat enpresaren eta osasun zentro baten inguruan. Bestalde, Fagorreko langabeak birkokatzeko negozio ildo berriak garatzea ezinbesteko jo zuen korporazioak, horien artean osasunari dagokiona. Mondragonen estrategia berri horretan enpresa arrakastatsuenetakoa den Saludnova –adinekoentzat laguntza telematikoa eskaintzen du, batez ere– taldearen kontrolpetik at geratuko da ordea.

Kanpoko kapitalari ateak nola ireki, horixe da Mondragonen barruan oraintxe bertan eztabaidatzen ari omen direna. Saludnovak egitura juridikoa aldatu du horretarako. Zeinek gehiagok urratuko du bide hori? Zer beste formula erabiliko dute?

Gazte independentisten alegatua

2014-01-29  //  Politika  //  Iruzkinik ez

Segikoak izatea leporatuta Espainiako Auzitegi Nazionalean epaitzen ari diren 36 gazteren kontrako epaiketa bukatzear da. Gaur akusazioak hitz egingo du, bihar defentsak eta etzi amaierako alegatuak irakurriko dituzte.

Gazteen alegatua agerraldi publiko batean ezagutaraziko dute, eta pertsona ezagunen babesarekin, tartean Jesus Egiguren, Txema Montero, Toti Martinez de Lezea, Alex Txikon eta Miren Amuriza. Idatziaren berri jada izan dugu sare sozialetan, hainbat lagunen irakurraldiak ere jarri dituzte Youtuben, Mikel Labaka eta Mikel Aranburu futbol jokalarienak esaterako:

(gehiago…)