Helegiteak eta kutsatutako epaileak

2011-09-16  //  Politika  //  Iruzkinik ez

Angela Murillo Auzitegi Nazionaleko epailea

Bateragune auziko epaiak (pdf) gogor kolpatu du bake prozesua. Fiskalak eskatutako kartzela zigorra ezarri die Auzitegi Nazionaleko tribunalak kondenatuei: hamar urte Arnaldo Otegi eta Rafa Diezi eta zortzi urte Sonia Jacinto, Miren Zabaleta eta Arkaitz Rodriguezi. Azken egunetako zurrumurru, filtrazio eta mugimenduak bete dira, beraz. Angela Murillok presiditzen duen epaimahaiak bat egin du Vicente Gonzalez Mota fiskalaren tesiarekin, hau da, Otegik eta besteek ETAren esanetara berregitaratu nahi zutela ezker abertzalea eta ETAren “benetako buruzagi” zirela. Auzipetuek epaiketan egin zituzten deklarazio argiak entzunda  (ikus bideoa) –“M-a gure estrategian soberan dago eta traba egiten du”–, ezin ulertu nola arraio iritsi diren konklusio horretara. (gehiago…)

Abiadura handiko obrak

2011-09-07  //  Azpiegiturak, Gizartea  //  Iruzkinik ez

Agintariak Tolosako zatiaren lehen harri jartzen

AHTaren obretan hildako bosgarren behargina izan zen atzokoa. Bost hildako hiru urtean, eta beste hainbat zauritu larri –Lazkaoko gazte batek hanka galdu zuen duela gutxi–. Datu hotza da, baina hoztasunetan hasita, zer estatistikak baino hobeto. Osalaneko web orrialdean lan istripuen zerrendak eta konparaketak egiteko aukera dago (datu ofizialak, kontuz). 2008ko uztailetik, AHTaren obretan lehen hildakoa izan zenetik alegia, 2011ko maiatza arte –azken eguneraketa hortxe amaitzen da–, 24 langile hil ziren EAEn lan-istripuen ondorioz. Datu horretan ez dira sartzen bajan zeudela hildako langileak –gaixotasunengatik eta abar– edo in itinere hildakoak. Zifra horretan ere ez da sartzen atzo hildako langilea, noski, bai ordea aurretik AHTan hildako lau lagunak. Beraz, laneko heriotza traumatikoen %16,7 AHTaren obretan gertatzen dira. (gehiago…)

Tourmaleteko hiltzaileak

2011-07-14  //  Ekonomia, Gizartea, Kirola  //  Iruzkinik ez

Octave Lapize 1910eko Tourrean

Herenegungo jardunaldi gorabeheratsuen ondoren euroguneak deskantsatzeko aukera izan du azken bi egunotan, hain juxtu Tourra Pirinioetara iritsi denean. Asteartean Espainiako eta Italiako bonoen arrisku sariak tourmalet baten itxura hartu zuen, baina eskalada gogorraren ondoren bizpahiru etapa lau etorri dira. Alpeak falta dira ordea, eta orduan ikusiko da zeinek flakia hartuko duen, zeini egingo dio kateak crack Galibierrera bidean. (gehiago…)

Greziar paradoxa

2011-06-30  //  Ekonomia, Nazioartea  //  Iruzkinik ez

Bi eguneko greba orokor batek geldituta eta Syntagma plazan gertaturiko istilu larriek aztoratuta, Atenas 2007an hasitako finantza krisiaren ondorioen ispilu da momentu honetan. Irudiek dena adierazten dute (Argia.com-en atzo arratsaldean ikusi ahal izan genuen zuzenean): ke-boteek bataila epiko bateko osagaiak ematen zuten, poliziek panpina mantsoak ziruditen Zeusen haserrealdiari ezin eutsirik… (gehiago…)

Mankomunitateen kontrolaz

2011-05-25  //  Azpiegiturak, Gizartea, Politika  //  Iruzkin bat

Bilduk Gipuzkoan izandako emaitzak zer esan handia ematen ari dira, batez ere makroproiektuak kolokan jar ditzaketelako. Hondakinen kudeaketa eredua aipatzen da gehien, errauskailuari moratoria eskatzen dutenak gailendu baitaitezke mankomunitateetan. Hala al da? Egin ditzagun kontuak. (gehiago…)

“Japoniako krisia Txernobyl da, kamera geldoan”

2011-03-23  //  Energia, Nazioartea  //  Iruzkinik ez

Fukushimako erreaktoreak egoera oso larrian daude

Esaldi hori irakurri diogu Marcel Coderch ingeniariari, El Temps egunkarian (1397 zk) egin dioten elkarrizketan. Energia kontuetan aditua izateaz gain, Kataluniako Generalitatearen Garapen Iraunkorreko Aholku Batzordeko kide ere bada Coderch, eta esaldi gorriak bota ditu: “Uste dut honek guztiak eszenatoki okerrenean amaituko duela”, “Frantziako gobernuak esan du: Txernobyl baino okerragoa izan liteke”. Gemma Aguilera kazetariak egindako elkarrizketa laburra da, baina Coderchek ahobizarrik gabe hitz egiten du, eta gaiaren inguruko “itzalaldi” informatiboari aurre egiteko argi pixka bat eman dezake. Hona hemen euskarazko itzulpen laburtua.

(gehiago…)

Clara Campoamor eta txanponaren bi aldeak

2011-03-04  //  Gizartea, Historia, Politika  //  Iruzkin bat

Clara Campoamor (1888-1972)

Clara Campoamor izendatzea, emakumeen eskubideen defentsaren historia gogoratzea da; baina orain gutxi arte madrildar honen memoria ahaztuta egon da. 1931n Espainian sufragio unibertsala lortzeko gehien borrokatu zutenen artean dago Campoamor. 1888an jaio zen Madrilen eta Zuzenbide ikasketak egin ondoren abokatu lanetan hasi zen buru-belarri. Bide horretatik murgildu zen politikan. Sozialismora hurbildu zen lehenik, gero errepublikar zentristekin ibili zen, beti bere ideiei gehien hurbiltzen zitzaion esparru politikoa bilatzen. 1931n, Bigarren Errepublikan, diputatu aukeratu zuten Espainiako Kongresuan –emakumeak aukeratuak izan zitezkeen, baina ezin zuten botorik eman–, eta posizio horretatik ekin zion emakumeen boto eskubidea lortzeko borrokari. (gehiago…)

1981eko otsailaren 13a

2011-02-11  //  Politika  //  Iruzkinik ez

Joxe Arregiren tortura argazkiak

1981eko otsaila. Nekez gertatuko zen gure Euskal Herri honetan hilabete latzagorik, gertakariak egunetik egunera amildu ziren. Herri Batasuneko eta LAIAko kideek Espainiako Erregearen aurrean Eusko Gudariak kantatu egun berean atxilotu zuten Joxe Arregi Izagirre poliziek, ETAko partaide izateagatik. Bederatzi egunez eduki zuten torturapean eta Carabancheleko presondegiko ospitalean hil zen jasotako jipoitik ezin errekuperatuta. (gehiago…)

Dirua ez da zerutik erortzen

2011-02-04  //  Ekonomia, Gizartea, Osasuna  //  2 iruzkin

Lazzaroli (EIB), Markel Olano (GFA) eta Carlos Ormazabal (GHP) kredituaren hitzarmena sinatzeko unean

Radio Euskadiko gaur goizeko tertulian hizlarietako batek azpimarratu du behin eta berriz: dirua ez da zerutik erortzen. Hori gogoraraztera joan omen da Angela Merkel Madrilera, espainiarrei (eta euskaldunoi) esan die ezin dela gastatu produzitzen dena baino gehiago. Etxekolan horiek agindu ditu Merkelek, Europako nagusiak. Europako Inbertsio Bankuak (EIB) Zubietako erraustegia finantzatuko duela ere entzun dugu gaur irratian, 195 milioi euroko kreditua emango dio Gipuzkoako Foru Aldundiari. (gehiago…)

Udalbiltza, ‘ab initio’ existitu behar ez zuen auzia

2011-01-20  //  Politika, Uncategorized  //  Iruzkinik ez

Udalbiltzaren inguruko epaia irakurtzen hasi eta aurrera egin ahala besoko ileak gero eta tenteago dauzkat. Auzitegi Nazionaleko lehenengo salako epaimahaiak ahobizarrik gabe hitz egiten du bertan, egurra ematen dio akusazioari,  eta ipurdi bistan jartzen du muntaia horren guztiaren ahultasuna. Egia esan, epaiketan ere agerian geratu zen hori, baina Auzitegi Nazionalarekin ez dago fidatzerik, eta ausartuko naiz esatera asko eta askorentzat sorpresa izan dela absoluzio hau, sorpresa pozgarria, baina sorpresa. Hauek dira, lehenengo bistadizo batean, epaiaren 61 orrialdeetatik nabarmenduko nituzkeen alderdiak: (gehiago…)