Norteko Trenbidearen azken habeak liburu berri batean

2008-07-07  //  Azpiegiturak, Historia  //  Iruzkinik ez

Irudi zaharra

Beasaindik Otzaurteraino doan trenbidearen eraikuntza eta historia aztertu dute Pello Joxe Aranburu eta Luis Mari Intzak. Liburua ikerlan zabalago baten bigarren zatia da eta hilaren 17an aurkeztuko dute Zegaman. Otzaurteko pasabideak buruhauste ugari eman zien XIX. mendeko ingeniariei eta tunel luzeen eraikuntzak sortutako istripu, zailtasun eta istiluak herritarren gogoan geratu dira. (gehiago…)

San Markosek inbertsioa handituko du gai organikoen bilketa eta tratamendua hobetzeko

2008-06-23  //  Ekonomia, Gizartea  //  Iruzkinik ez

San Markos zabortegia (Argazkia: A.C. / Argazki Press)

San Markos Mankomunitateak 2008 urteko aurrekontuak aurkeztu ditu. Inbertsioen atalean –3 miloi euro– Garberako zentro komertzialeko Garbigunerako eta konpostguneak sortzeko partida garrantzitsua bideratu dute. “Erraustegia ez dela beharrezkoa demostratuko dugu” esan du Imanol Azpiroz lehendakariordeak. Lehenengo konpostgunea Usurbilen eraikiko dute eta herri horretan dira atez ateko zabor bilketa sistemarekin hastekoak urte bukaera aldera. (gehiago…)

Hernán Fuentesek xake egin dio Peruri

2008-05-08  //  Nazioartea, Politika  //  Iruzkinik ez

Hernán Fuentes

Peruko Puno eskualdeko presidente den Hernán Fuentesek pauso bat gehiago eman du erreferenduma egiteko. Erregio Batzordeak dokumentu bat onartu du presidenteari kontsultak antolatzeko baimena emanez.

Horrela, Boliviako Santa Cruzen egindakoaren haritik segitzeko aukera izango du departamendu honek. Bada ordea diferentzia bat, Santa Cruz Boliviako eskualde aberatsena da eta kontserbadoreen ekimenez egin da erreferenduma. Punoko departamendu turistikoa, aldiz, Peruko pobreenetakoa da eta Hernán Fuentesek Chávez eta Moralesen ildoko politika babestu du, ezkertiarra eta indigenista. Titicaca ondoko eskualde horretan aimara indigenak dira gehiengo eta kultur tradizio handia gorde dute. (gehiago…)

Transgenikorik Gabeko Erregioen Sarea Euskalduna jauregian elkartuko da

2008-04-24  //  Ekonomia, Gizartea  //  Iruzkinik ez

Biltzarraren logoa

GAOrik (Genetikoki Aldatutako Organismoak) Gabeko Europako Sarea Bilbon elkartuko da gaur hasi eta bihar arte iraungo duen VI. Biltzarrean. Sarea duela urte batzuk sortu zen, 2003an Europako Batzordeak nekazaritza konbentzionala eta transgenikoaren koexistentzia garatzeko egindako aholkuaren ondotik. Talde ekologista eta erakunde ugarik salatu dute bi nekazaritza ereduak bateraezinak direla, labore konbentzionalak transgenikoez kutsa baitaitezke eta erabat hondatu. (gehiago…)

Beste hauteskunde batzuk Amerikan

2008-03-13  //  Gizartea, Politika  //  Iruzkinik ez

FEVA elkartearen logoa

Jakina da euskal herritar guztiok hauteskundeak izan ditugula berriki, bueno, ia guztiok, zortzigarren probintzia deitzen diogun horretan oraindik ez baitira egin. AEBetan alderdi barruko primaria tematiak ospatzen ari diren bitartean, Argentinan prest daude beste hauteskunde batzuk egiteko. Herrialde horretako Euskal Etxeen federazioak, FEVAk, zuzendaritza berria izango du martxoaren 15eko bozketan irabazle ateratzen diren kideekin. (gehiago…)

Nabarra, bakailaoa arrantzatzeko jaioa

2008-03-03  //  Historia  //  Iruzkinik ez

Nabarra boua

Notiziak eztanda egin du alde guztietan. Nabarra ontziaren aztarnak izan daitezkeenak aurkitu ditu Aztik Bermeo pareko itsas uretan. Matxitxakoko batailan Canarias kruzero erraldoiak hondoratu zuen Nabarra eta berarekin batera 29 gudari. Borroka desproportzionatuak hainbat ordu iraun zuen eta frankistak gerla-ontziz mozorrotutako bakailao itsasontziarekin jolastu zuen nahi bezala. Gudariek erakutsitako balentriaren memoriak gaur arte iraun du eta aurkikuntza historikotzat jo dute itsas hondoan eginikoa. (gehiago…)

Atzoko eta gaurko bidelapurrak Txorokilen

2008-02-29  //  Ekonomia, Gizartea, Historia, Politika  //  Iruzkinik ez

Txorokileko Eguzkiola haitzuloaren sarrera

Arratia Bizirik plataformak antolatuta mendi martxa egingo dute datorren igandean (24) Zeanuriko Txorokil parajera. Bertan irekitzeko asmoa duten harrobiaren kontra protestatzeko izango da ibilaldia. Gorbeia eta Urkiolako parke naturalen artean ezkutaturik dagoen ingurunea da Txorokil, EAEko korridore ekologikoen sarean sartua, eta pagadi bikainak, haitzuloak eta desagertzeko bidean dagoen fauna gordetzen dira bertan; Saldropoko hezegune ederra ere harrobia eraiki nahi duten eremutik gertu dago eta hura ere kaltetua izan daiteke. (gehiago…)

EAE-ANV, bisagrak eta itxitako ateak

2008-02-15  //  Historia, Politika  //  Iruzkinik ez

ANVko gudariak

Duela gutxi Jose Luis de la Granja historialariak II. Errepublikari buruzko bere ikerlanaren berrikuspena argitaratu du honako izenburupean: Nacionalismo y II. República en el País Vasco. Estatutos de autonomía, partidos y elecciones. Historia de Acción Nacionalista Vasca: 1930-1936. EHUko katedratikoak dio ANV giltzarri izan zela Euskal Herrian Errepublikako urteetan. El País egunkariari emandako azalpenetan EAJ eta PSOE artean kokatzen du alderdi “ekintzailea”, “alderdi bisagra” izan zela, alegia. (gehiago…)

Gasteizko Seminarioak altxor batzuk erakutsi, beste batzuk ezkutatu

2008-02-08  //  Historia, Politika  //  Iruzkinik ez

Datozen egunotan Bibliari buruzko erakusketa ikusteko aukera izango da Gasteizko katedral berrian Elizbarrutiko Seminarioak antolatuta –hilaren 9tik 24ra–. Erakusketa pastorala da dudarik gabe, Biblia: Bere askatasuna bilatzen duen herri baten historia izenburuan nabarmen ageri da arduradunek ezkutatu ez duten intentzionalitate hori: “Jainkoaren ahotsak gaur egun bizia eta eranginkorra izaten jarraitzen du” esan zuten atzoko aurkezpenean, tartean zeuden Gasteizko gotzain Miguel Asurmendi, Jose Antonio Badiola Teologia Fakultateko irakaslea eta Fernando Otaduy Ondare delegatua. (gehiago…)

Mexikoko maleta batek mundu osoko historialariak aztoratu ditu

2008-01-30  //  Artea, Historia  //  Iruzkinik ez

Mexikon aurkitutako maleta argazkien negatiboekin

Ustekabeko aurkikuntza bat egiten den bakoitzean halako zirrara bat sortzen zaie historialari eta adituei. Mundu osoko blog, egunkari eta foroak kea dariela daude Mexikon Capa, Seymour eta Tarok Gerra Zibilean ateratako argazkien 3.000 negatibo azaldu direlako. Ez da gutxiagorako, kontuan izanik orain arte Capak gerra hartan ateratako 500 argazki inguru ezagutzen zirela soilik. “Argazkilaritzaren Grial Santua” dela esan du New Yorkeko Argazkilaritza Garaikideko Zentroko arduradunak. Beraiek arduratuko dira argazkiak sailkatzeaz. (gehiago…)