37 milioi dolarreko filma Escrivá de Balaguer goraipatzeko
Hurrengo urtean estreinatuko dute filma.
Ikus-entzunezko kulturaren gizartean, zinemaren bidez kide berriak erreklutatzeko asmoz-edo, pantaila handiaz baliatuko da Opus Dei boteretsua. Javier Fresser-en Camino kritikoa ez zitzaien gustatuko, ziurrenik, eta 37 milioi dolarreko pelikula abiatu dute: abentura, arriskua eta akzio asko izango omen ditu pelikulak, gai apasionantea oinarri: Josemaría Escrivá de Balaguer Opusen fundatzailearen bizitza.
Roland Joffé (The Mission, City of joy) zuzendari estatubatuarrak gidatu du filma, eta berarekin batera, beste hiru produktorek jarri dute martxan proiektua: Guy J. Louthan, Ignacio G. Sancha eta Ignacio Núñez. Azken biak Opuseko kide direla kontuan hartuz, asma dezakegu istorioak izango duen kutsua. 2011ko udaberrian estreinatuko dute.
“Barkazioaren ahalmena eta boterea” omen da filmaren mezua, eta horretarako pertsonaia berezia aukeratu dute: Francoren aholkulari espirituala izan zen Balaguer, frankisten aldeko, Pinochet goraipatu zuen eta kontzeptu pobrea zuen emakumeaz. 1928an sortu zuen elite ekonomiko eta politikoek kontrolatzen duten erakunde erlijiosoa, erregimen teokratikoa sortzeko helburuarekin.
Gerra Zibilean kokatu dute izenburu bitxiko istorioa (There be Dragons), eta trailerrak behintzat abenturazko istorioaren itxura du. Ikusi beharko da zenbat gauza ezkutatzen eta beste zenbat asmatzen dituzten, Escrivá de Balaguer saindu bihurtzeko (2002an kanonizatu zutenean bezalatsu).
Josemaría Escrivá de Balaguer.
frankismoak hiru zutabe zituen eliz katolikoa espainiako eskubimuturra eta militarrak